فصلية قيصر الفاتنه

13

جمانه  منهد ما صارت المشكله بيني وبين قيصر وطلع من البيت ماشفته ولا اعرف وين راح من بات بره البيت وما انطه خبر الأي واحد من اهله صار اليل كملت شغلي وسبحت ولبست شي مريح وكعدت افكر بلي صار  انوب مخيلتي اخذتني لبعيد اتذكرت بلفلام 😶انو البطل او الواحد اذا ضاج حيل وعصب وطلع من البيت وما ارجع يروح للملاهي والمقاهي اليليه ويشرب وبنات وينسه روحه واني كاعد اتخيل هسه قيصر هناك كمت احجي عليه الكبر حتى كبر اي والله شكد وصخ وقذر ويحجي عليه 🙄😑 اشكد صرت اضوج منه يربي  انوب نعست طفيت الضوه ونمت 😴 صار الصبح كعدت جانت الغرف اشويه مخربطه عزلتهه وجاي اطلع ونفتح الباب وطلع بخلقتي قيصر  ضليت اباوعله بطرف عيني وخازرته 😒🤨 بس ما حجيت ولا كلمه مو طايقه اتناقش وياه بس جنت منتظرته يفتح حلكه بكلمه حته اسويله رزاله غسل وكوي ولبس  جنت رايدتهه من الله على يحاجيني بس تفاجأت انو ما نطق بحرف وعافني ودخل للغرفه واني طلعت رحت اشتغل 🤔😐
.................................................................
قيصر من طلعت بخلقتي جمانه حاولت اتجنبهه بشكل ردت احجي بس كلت هيه هيج وهيج تمسح بيه الكاع كل مره مو انوب هسه وهيه معصبه حته اذا احجي تسويلي زفه شكبرهه ومن دون شي اني كرامتي مغسوله وكاعده تبجي وتلطم بلزاويه  وما بقالي شي منها منهد ما اجت جمانه 🙄😑 كلت خل اجنبهه واسكت وبعدين اشوف شلون تصفه دخلت للغرفه وهيه راحت هم مندون متنطق بكلمه بس جنه واحد خازر الثاني  اعترف انو اني ما اكدر ارد على السانهه الطويل مدري منين تجيب الحجي وكله قصف جبهتي صدعت من وراهه 😂 والصراحه ماكمت اعرف اشلون اتصرف وي هاي البنيه  😤
.................................................................
جمانه  جاي انزل من الدرج وفادي (فهد) جان يصعد وكف انوب بنص الدرج  من شافني
جمانه : صباح الخير شلونك 😊
فهد :😮😯ص ص باح النور هلو جمانه  ااا ن ي بخير 😂 انتي شلونج 
جمانه : شبيك 😂 وليش وكفت ماكملت الدرج وصعدت
فهد : لا هيج شفتج نازله من الدرج ما حبيت ازاحمج بعدين السيدات اولاً 😂 😉
جمانه : 🤣😁 هاا يعني اتكيت وكذا 
فهد : اي هوه هيج 😂
جمانه : زين سؤال فضولي 😎
فهد : اوك سألي 🙂
جمانه : ليش صاعد اقصد ما اشوفك اهواي تصعد وين رايح 🙄
فهد : اهاا رحت احاجي قيصر لازم يحضر روحه وره اسبوع عدنه روحه البغداد عدنه شغله هناك لازم نخلصهه 🤔
جمانه : زين طولون 🙄
فهد : لا 😊 يوم يومين ونرجع هيج شي 😂
جمانه كاعد نحجي وما احس اله قيصر صاح بينه ويباوعلنه من فوك 🤨
.................................................................
قيصر : ردت انزل اطلع لديوان سمعت ضحك وسوالف على درج باوعت من فوك شفت جمانه وفهد يلغون سوه 😑 كلت انا اخوك اخلص من جود يجيني فهد ولو هوه مو صوجهم صوج ذيج الدايحه ام الجوج 😒😝 ماتصدك تلكه ولد تلغي وياه اله اني شامره سبع نعوله وراي 😑 ولا حسبالك زوجهه اليكول ام محمد جيرانهم الخياطه 🤣 انتجيت على المحجر ما الدرج واسمعهم يلغون وكوه كاظ روحي بعد اشويه وتفلت اعصابي واجيب توضيه وانعنع عظامهم اثنينهم😡 سمعت فهد يكل الجمانه السيدات اولا كلت بكلبي خف علينه يا الامير هاري الزاحف 😒 فهد امير هاري بس من باب الشرجي 🤣 ضلوا ساعه ع الدرج بس يحجون ناقصهم بس جاي وحب وكرزات وتحلا الكعده مالتهم جنهم عجايز عرب طكت فيوزاتي بعد ما تحملت صحت عليهم من فوك
قيصر : ام الجوج فهوده حبيباتي الدرج يربط بين الطابق الاول والثاني علمود الناس تصعد وتوصل اليفوك مو كهوة الحجي ابو عبدالله  😑😒
.................................................................
(الكاتبه ):- قيصر منين تجيب هاي الاسماء ام محمد وابو عبد الله 🙄 ما اتفقنه هيج
قيصر : حضرة الكاتبه معليج ذوله ناس متعرفيهم 🙄 انتي كملي القصه لازم اروح اكسر ذوله الاثنين بعدين افهمج 😅😂
(الكاتبه):- اوك 😂🤣 بس على كيفك وياهم هذوله ابطال القصه
قيصر : ولا يهمج ما راح ابقي بيهم عظم سالم اني وحدي اكفي ووفي 🤣 بلقصه
(الكاتبه):- 😂😂
.................................................................
فهد : 😒 هاي شبيك قيصر صاير مخبل شو 🙄
قيصر : تعالي فهوده حبيبتي ومالج شغل من عندج شي تحجينه وياي كبل تعالي لا تسوين دعايات وي الفصليه ع الدرج 😎
فهد : شو ناسي نفسك انت ليش ماتحترم 😡 صاير فد نوب عطلات
قيصر : دتعال تعال يلفيترجي 😂 عنده حجي لازم نحجيه 🙄
فهد : استغفر الله😫 جاي 😒
جمانه  صراحه كوه كاظه ضحكتي من قيصر يحجي خاصتا من قلد على فهد 😁🤣 صايره سوالفه مال جهال طاكه فيوزاته على الاخر يمكن مصدوم خطيه من سالفة البارحه 🙄🤣
.................................................................
جمانه : يلا فهد عرف القراء عن نفسك 😎
فهد: صارر 😁🤣 اني اسمي فادي ويصيحولي فهد مثل ما قيصر اسمه قيصر ويصيحوله شيخ صكر عمري 25 سنه خريج كلية الهندسه بس ما اشتغل مهندس لان ملتهي وي اخويه قيصر بلمشيخه وما محتاج اشتغل اكثر حته اجيب فلوس الحمدلله عدنه خير من الله اني مواصفاتي بشرتي حنطاويه على بيض وشعري بني اشقر وعيوني بني وطولي ١٧٥  جسمي رياضي وبقية الاشياء تتعرفون عليه بيهه بلبارت 😊
جمانه : صاك عيني صاك 😎
فهد : 😮😊🤣🤣
.................................................................
فهد اني منهد ما شفت جمانه من اجتنه واني ما اعرف شصارلي انعجبت بيهه حيل وحسدت قيصر على حظه هلكد ماحلوه اتمنيت اني بمكانه بس كل هاي وما بينت هلشي الاحد بس ضليت اراقبهه واتابعه بصمت جمانه مرات تحجي وياي صدفه او تسالني عن قيصر و جنت كلما تحاجيني كأنو كوكتيل مشاعر بداخلي واصير ما اعرف شنو اكول وشنو احجي ضلت جمانه ساكنه تفكيري وما راحت من بالي ابد ومن صادفتهه على درج ماكدرت اتقدم خطوه اكثر هلكد ماتوترت 🤣 والصار الي صار
.................................................................
جمانه جانت دنيا العصر و جنت اعزل غراض قيصر والكراكيب الي بلغرفه لاهوه الله يسلمه هاي الايام صاير مهمل بشكل يشمر غراضه هيج وهيج 😤 مدري هوه يتعمد يسوي هيح حته يضوجني ما ادري والله 😫 كملت ورتبت كلشي وعطرت الغرفه وسديت الباب وطلعت اساعد خاله ام جود بلشغل
.................................................................
فاتن : يوم عن يوم اكرهه جمانه اكثر البيت انمله مشاكل من وراهه جنت ماره من يم غرفة اخويه قيصر  ورايحه الغرفتي لان قريبه عليهم هم فوك وشفت جمانه تعزل وترتب واجت ابلي فكره 😈😼 انتظرته تكمل وتطلع تنزل جوه واخويه قيصر بلديوان فما موجود  ومن نزلت دخلت جوه للغرفه طلعت كل غراض قيصر طشرتهن بكل الغرف ونص شمرتهن بلحمام وبديت معجون الحلاقه والشامبو مالته وخربطت الامه العربيه وغراض جمانه ما جست منهن ولا شي ولا حركتهن حته تمشي الخطه مثل ما اريد اني انوب طلعت من دون مينتبهه احد ورحت الغرفتي وانتظرت الخطه تستوي 😎😈 وشويه الهناك سمعت صرخت قيصر  يصيح جمانه  صرت بقمة السعاده واني منتظره شراح يصير 😈
.................................................................
قيصر : جنت راجع من الديوان ردت اخذ شغله واروح ودخلت للغرفه انصدمت من المنظر عيوني صارت بكصتي من العصبيه غراضي كلهه مطشره بكل مكان ماباقي شي على حاله والكناتير مفتحه ورحية معجون الحلاقه والشامبوا تارسه المكان رأسا اجت بالي جمانه كلت اكيد هيه الي مسويه هيج حته تنتقم مني😡
قيصر : جماااااانه تعاااااي بساع 😡🤬
جمانه جنت جوه اكنس قريبه من الدرج وسمعت قيصر يصرخ كلت هذا شبي شصار بيه حته هيج يصرخ شنو انتل  🙄
رحت اشوف شبيه ودخلت للغرف تخبلت صايره حاويه  زباله من الهوسه عصبت ماتحملت كبل كتله قيصر هاااي شنو تحجي صدك 😡 اني ارتب واعزل وانته تجي تكلب كلشي اذا ردت شي وما لكيته كلي مو تكلب الغرفه كلهه صاير ممهمل فد نوب طكت مرارتي منك هسه تشمر حاجه حاجتين واني الم وراك كلنه ميخالف بس تره الي سويته حته الطفل ميسويه 😡🤬
قيصر : جمااانه خلصتي رزالتج لو لا 😡🤬 اجه دوري لان
شوفي اني اجيت ولكيت الغرفه هيج وصحتلج حته اسالج ليش هيج كالبه خلقت الغرفه ولاعبه بغراضي طوبه حته تنتقمين مني  تره مصختيها فد نوب اذا صدك 😡
جمانه : لا بله 😒 من كل عقلك تتهمني اني مسويه بلغرفه هيج حته انتقم منك ع اساس انت الي راح تنظف هاي الهوسه كلها لو سويت هيج بيك هيه طايحه براسي اول وتالي محد غيري راح ينظف فلا تتهمني واحجي الصدك احسلك ليش مو انته الي سويت هيج شي حته تتعارك لو تنتقم مني 🤨😒
قيصر : لعد شنو تفسيرج غراضي كلهه مطشره وغراضج بمكانهه وما نكدر نكول جهال دخلو للغرفه ولعبوا لان لو داخلين جا حته غراضج كلبوهه 🤨🙄
جمانه : هيه من جهت مو اطفال الي سوو هاي الهوسه كلامك صحيح هاي سوايت سعلوات امهات المشاكل 😑
قيصر : احترمي جمانه منو تقصدين 😡🤬
جمانه : اني اكلك شنو اقصد وبلخط العريض هم اهلك نسوانهم هنه هيج سون بعد شتريد 😡
قيصر : جماااانه تعديتي حدودج اشلون تحجين على اهلي هيج وتتهميهم 😡
جمانه : لا صراحه اني اعتذر استاذ صكر 🙄😒 اهلك تاج راسي ملائكه اهلك 💃💃 هذوله اهلي اجو من بغداد وكلبو الكناتير وخربوا كلشي ورجعوا البغداد 🙄 خاب ماتروح من يمي اثنينه ندري اهلك شنو وشكد يحبوني ويعشقوني 😏 وميسون هيج ابد
قيصر : مامسموحلج تحجين على اهلي هيج افتهمتي 😡🤬
جمانه : 😑 قيصر اسمع شراح اكلك اذا دافع عن اهلك بعد بكلمه اسويلك زفه شكبرهه هنا وطلع واعيفك تنظف المكان انته والسعلوات السون الهوسه وانت تعرفني كلش زين وتعرف اني اشكد شيطانه يا تسكت وتطلع بكرامتك وتخليني انظف يا اطلعك منا بدون كرامتك واخليك تجلف المكان  وانت بكيفك بعد وكول جمانه ما كالت 😡🤬
قيصر اني اسمع رزالة جمانه واعصابي تفور مو السان اليكول صاطور يكص كص هاي مخبله كلشي تسوي عفتهه كتلهه اني طالع عندي شغل مستعجل حسابج بعدين اني الج 
جمانه : كلت بكلبي روحه بلا رده وفراش بلا مخده هاي مستعجل وصارله ساعه يلغي ويدردم شحال لو جان فارغ راسي خوه منه
كمت جبت ادوات التنظيف وبديت انظف هلكت صار اليل واني ما مكمله واتحلفت بس اعرف منو الي سوه هيج اله اعلك مشنقته بيدي 😡😠 وره تعب وجهد وعناء طويل كملت تنظيف وخلصت رحت كبل سبحت وبدلت ونمت كبل من التعب ماحسيت بروحي خته لا تعشيت ولا انتظرت المسعد قيصر رحت بسابع نومه مادريت بلدنيا بعد من التعب انتهيت متت ....
.................................................................
وللحكايه بقيه .....     يتبع