فصلية قيصر الفاتنه

7

نروح البطل القصه قيصر(شيخ صكر ) وانشوف القصه من جانبه 😊
.................................................................
قيصر : جنت نايم بلديوان لان الفصليه جانت نايمه بلغرفه وما حبيت من اول يوم اختلط بيهه كعدت الصبح وكلعاده لكيت ام جود صابه السفره والكل ملتمين صبحت عليهم😊 وكعدت اكل بس لسه صورة الفصليه بالي ماراحت منه بعدين اشويه الهناك نزلت الفصليه عبالك ملاك😍 ضليت صافن عليهه بس شوي عصبت بس مابينت هل شيء لان بعتباره صارت عرضي محسوبه عليه وهيه بهذا لبسهه راح تجيبلي الحجي والمشاكل على انو هيه مرت الشيخ صكر تلبس مشلتح ومشلع 🙄😡 كلت بعدين اتصرف كملت ريوك واشويه الهناك صاحتلي الوالده ودار كلام بيناتنه
.................................................................
ام صكر : يمه قيصر وليدي اريد احجي وياك
قيصر (صكر) : اي يمه اسمعج عيوني الج 😊
ام صكر : يمه وليدي اريدك اتطلع ثارنه من هاي الفصليه ولاتكبر راسهه لاتنسه اهلهه حرمونه من اخوك ابو الطول الحلو ولا تتقربلهه ابد خليهه خدامه جوه رجلك وبس  ماوصيك بعد
قيصر : صار يمه ماراح اتقربله ابد وميصير خاطرج اله طيب 😍
بست راس والدتي ورحت
.................................................................
استغربت من كلام امي🤨 بس كتلهه هيج حته لا اضوجهه ادري بكلبهه محترك على اخوي الي راح منهه وقدرت ضروفهه واساساً اني من البدايه جنت مقرر ما اتقرب من الفصليه 
بعدين رحت الغرفتي حته ابدل واطلع للديوان وتفاجأت الفصليه ضلت تصرخ ومتفاجأه من دخولي للغرفه 🤨😡
جمانه : انت اشلون تدخل بدون متدك الباب وبدون ما تستأذن ماتكول اكو  بنيه هنا 😡🤨 ما عندك خوات
قيصر :😡😡 اولاً احترمي نفسج  ولاتضلين تحجين اعوج ثاني شيء ليش حته استأذن ع اساس انتي كلش انسانه محترمه ومحتشمه وتتضايقين اذا شافاج رجال بهل منظر 😏
جمانه : شنو قصدك بهل كلام شوف لا عبالك اني مو محجبه يعني اني رخيصه اني اشرف من عشيرتك كلهه 😡
قيصر : لا تخليني امد ايدي عليج  وهذا السانج الطويل اله اكصه✂️ الج 😡 اني ما احتاج اذن منج حته ادخل غرفتي
جمانه:  مديت الساني 😛وكتله يله بله كص الساني خل اشوف اشلون تكصه  لحضه لحضه ثواني شكلت 😐🤨 هاي غرفتك ؟؟ ليش هاي مو غرفة الشايب العاقد عليه 😐
قيصر: يا شايب 🤨🤔 اتقصديني بهل كلمه 😐 ثواني هسه افتهمت انتي حسبالج جدي الي عاقد عليج 😏😂🤣
جمانه : خدودي صارت حمر 😫 اتمنيت بهل لحظه الكاع تنشك وتبلعني ولا هل دكه بس الحلو بلموضوع انو اني مو زوجة الشايب اني زوجة قيصر الحلو 😍
سويت روحي ماهتميت وكأن شيأً لم يكن 
وكتله ميخالف حتلو بعد دك الباب 🤨 استاذ قيصر 😒
قيصر : هاي غرفتي ما مضطر اخذ اذن منج حته ادخله يعجبج ميعجبج اطلعي نامي بلمخزن 🤨 ثانياً اني اسمي الشيخ صكر  ديربالج تكليلي قيصر مفهوم 😒
جمانه : 😏 عشتوو شيخ صكر 
قيصر : اشبيج تحجين بستهزاء ليكون ماعاجبج ست فصليه 🤨
جمانه : عجبني او ما عجبني هذا شيء راجعلي شعليك 😒😏 بعدين اسمي جمانه مو فصليه 😒
قيصر : احجي عدل والله لوما مو رجال الي ايمد ايده على مره جان خليتج اتحلمين تطلعين وانتي بيج عظم سالم 😒🤨
جمانه : ع اساس انته اذا مديت ايدك عليه حسبالك ترجع ايدك سالمه 😏
قيصر : اسغفر الله ربي صبرني😫 خل اخذ ملابسي واطلع قبل لا اجرم بيج 😡
جمانه : طلع قيصر وهوه 😏 معصب طالعه روحه  كتله بكلبي بعدكم اشايفين هاي البدايه اله اندمكم انتو وعمامي 😈حسبالهم خلصوا مني من انطوني فصليه ودمرو حياتي 😡
.................................................................
نروح العائلة جمانه ونشوف شصار وره ما راحت جمانه 👀
سوسن : ودعت بنتي واني كلبي محروك ودموعي عشره عشره مابيدي عليه شيء صعدت الغرفتي حته ارتاح اشويه لان اليل كله مانمت افكر بجمانه ومن صعدت شفت الشال الي الي حضرته الجمانه 😐😯 هاي شنو جمانه مالبسته هاي اشلون راحت بدونه ااووف جمانه المخبله اكيد راحت لابسه بس العباة والبوشيه بدون شال 🙄😩
رحت ارتاح واني بعدني افكر بيهه والدمعه بطرف عيني
كلنه جنه ضايجين بدون جمانه هيه جانت ضحكة البيت 😭😢
.................................................................
قيصر : طلعت من الغرفه واني اعصابي نار تجدح 😡 من الفصليه والسانهه ولا عبالك فصليه اليكول احنه الي نشتغل عدهه 😑
السانهه اطول من حياتي الله يصبرني 😩
بس احس نفسي اعرفهه من زمان ولا كأنو وحده غريبه دخلت حياتنه البارحه اساسا احس روحي متربي وياهه 🤔🤣 وهيه هم ذابه ميانه زايد وي الكل 😒
اوووو قيصر اني بشنو كاعد افكر هيه كلهه فصليه  قابل شنو 🤨😒 
.................................................................
جمانه : جنت بلمطبخ احظر الغده والزلاطه واحضر المواعين علمود نصب وما حسيت غير بنيه تقريبا بكدي دخلت للمطبخ  تباوعلي من فوك ليجوه بتكبر واحتقار وبدت تعيب على شغلي وكلساع تذب حجايه
فاتن : شنو هل قرف ما علموج تلمين شعرج قبل لاتشتغلين لو اطبخين لو انتي متعلمه ع الوصخ😒
جمانه : 😡 ردت اخذ الجفجير انيمه براسهه بس كوه كظيت اعصابي وكلتلهه بكل برود مو احسن من انو اكون مثلج حاطه رجل على رجل واعيب اني مو فارغه مثلج ولا فارغتلج ويلى ولي منا
فاتن : 🤬😡 ولج عليه هل كلام تعرفين منو اني حته تحجين هيج
جمانه : ما اعرف منو انتي ولا يشرفني اعرف عشتو ياهو اليجي بهذا البيت يكلي تعرفين منو اني وشايف نفسه واحد يكلي لتصيحيلي باسمي وثانيه تكلي منو اني 😡😑😒
فاتن : جريت الفصليه من شعرهه وكتلهه شوفي لاتشوفين نفسج علينه كلج خدامه هنا
جمانه : 😡  من جرت شعري هاي السعلوه ماتحملت دفعتهه وجبتهه براجدي يسوه حياتهه وكبت العركه بينه والصريخ ماله والي 
الحد ما اجت ام جود وقيصر وفرغونه
قيصر :   شبيكم مو عيب تتعاركون هاي عود انتو بنات شخليتو للولد شصار حته تكافشتو 😡🤬
جمانه : رادت تحجي السعلوه الي تعاركت وياهه بس ما انطيتهه مجال عرفتهه راح تبدي اتالف وراح يصدكوهه قابل يصدكوني فسويت نفسي احجي وياهه ومتأثره 😂
جمانه : اني اعرف نفسي فصليه🥺 وجايه هنا ادفع ثمن غلطه ما ارتكبتهه بس مو من حقج تمدين ايدج عليه وتضربيني اذا كل واحد بيكم حاقد عليه هيج وكلمن يجي يضربني وانتو عشيره كامله ماشاء الله خو موتوني من البدايه واخذو ثار ابنكم عليمن جايبين فصليه اتهدون بيهه النفوس وسويت روحي ابجي😭 وطلعت من المطبخ رحت للغرفه
قيصر : اوكفي جمانه تعالي
ردت اروح وياهه بس بعدين درت على فاتن😡 وكلتلهه هاي انتي العاقله هيج اتسوين اشبقيتي للبقيه ابد ماتوقعتهه منج ورحت وره جمانه حته احجي وياهه 
فاتن : ضليت مصدومه😶 من الي سوته الفصليه 😯  ماتوقعتهه هيج لا وفاكاهه كلبت اخويه عليه شوكت لحك ينعجب بيهه ويخاف على مشاعرهه 🙄😒😡 كطعت صفنتي خاله ام جود من حجت وياي
ام جود : بنيتي ليش هيج سويتي خطيه هاي مالهه احد هنا  😔
فاتن : خاله ام جود والله مو هيج السالفه صح اني غلطت بس تره هيه هم زودتهه 🙄
ام جود :😑😒 يالله كومي غسلي وجهج وتعالي تغدي رايحه اصب السفره
فاتن : حسيت بخاله ام جود ما مصدكتني ومضايقه مني بس والله اله اندم الفصليه ع الي سوته ومنا وهيج اني اله اذا ما اخليهه تندم ع اليوم الي صارت بيه مو اني فاتن 😡😡
.................................................................
وللحكايه بقيه         يتبع