فصلية قيصر الفاتنه

43

عبير مرت الأيام وتزوجت رياض جنت متوقعه راح اعيش حياة مريحه وسعيده بس صار عكس الي توقعته نفسيتي صارت أسؤ ام رياض تعاملني برود ومن وره خشمها ومتحملتني الخاطره وفاتن بعمري بلضبط بس مو مثل حالتي هيه مدلله يباوعون الحلكها شتريد يصير وتدرس وما تمد ايدها تسوي شغله الغيره خلتني احقد عليها رغم اني بعمرها محد يعاملني مثلها اني شي وهيه شي اني الجنه الي تشتغل ومضطره ترضيهم وفاتن الاميره الي يتمنون رضاها اني تركت الدراسه منعوني اكمل واني هم ما جنت افهم شنو يعني دراسه وجنت اكرها بطلت كرهت فاتن لان عدها بشخصيتها خيط خباثه ماتريد احد احسن منها لو ممكن انو ياخذ منها شي ومو بس فاتن كل بنات هاي العائله جانو يتعاملون وياهن غير شكل عني بس فاتن بلذات جانت عدوتي الدوده كامت تحقر لانو شافت اخوها رياض يحبني واني الي الاولويه بحياتي صارت تذب سم اذا نكعد كل احنا بلمه عائليه تجي اله تكعد بصفه وتحجي وياه حتى لا يحاجيني وما تخليني احجي تقاطعني لو تستهزء بيه بحجة شقه يعني اني وياها صرنا توم وجيري راح اذكرلكم بعض المواقف البسيطه بيني وبينها صارت

.................................................................
مره من المرات لكيت ساره وميار اخوات جهاد ابن عم فاتن وفاتن كاعدات يكلبن بالبوم الصور يشوفن الصور العائله والاعراس ف مريت اني من يمهم كامن يراوني شفت صورة طفله عيونها خظر عمرها سنه تقريبا كتلهم الله هاي منو

فاتن:هاي اني 😌 صلو ع النبي لا تحسدوني

عبير: اي والله 😍 غير تخبلين فدوه ال الله جنج ابو بريص صغيرون 😂

ميار وساره : 😂😂

فاتن: انجبي 😑وانتن اكلن تبن ولا تضحكن الها

عبير: اني اول مره اشوف طفل مسعلو 🙂😂 مشمالج خيه الظاهر الحليب الجنتي تشربيه مابيه بركه

فاتن: لا دمج الي بيه بركه لاتخليني اكوم اشرب منه 😑

عبير: انتي جربي بس اله اخليج بخبر كان 🙃
وما احس اله فاتن جرتني من شعري اني كمت ضربتها راجدي ضربه مني ضربه منها اشتعلت حرب البسوس 😂 بوكتها جنه زعاطيط عمرنا ١٦  وكوه فاككونا وما اكلكم ع الرزاله الي اكلتها من رياض 🙂💔

وهم مره فاتن من وصلت للجامعه بوقتها اني جايبه لؤلؤه بحضني حاطتها كاعدين لمة بنات نسولف وفاتن فتحت الموضوع

فاتن: تدرون انقلبت بجامعه مدرسة رياضيات والله كلش متحمسه ادخل الجامعه حاسه روحي فدشي من بعد ما اخذت الشهاده 😍 مو مثل بعض الناس الي الله مطيح حظها اخرها يصيرون ربات بيوت

عبير فاتن تباوعلي وتحجي والحقاره تنكط رغم الي سنين عشت وياهم بس هيه دمها سم بين فتره وفتره تسوي مشكله وتستفزني لو تقلل مني
شلت لؤلؤه الاعبها واباوعلها واضحك وحجيت

عبير: اي والله فرحتيني 😂❤ ع الاقل اطلعين تشوفين الناس بلكت واحد زلمه يلمج وياخذج احسن مما باجر يكولون عليج عانس لو بايره الي بكدج جهالهم بحضنهم مالين عليهم الدنيا و ازواجهم منتظرين اشاره لو امر حتى ينفذون جنت ماكله همج فرحتيني 😊