فصلية قيصر الفاتنه

14

فاتن : اني اسمع قيصر والفصليه يتعاركون وميته ضحك عليهم صوتهم عالي بس من سمعت الفصليه تحجي علينه وتستهزء 😡🤬 عصبت حيل وكلت بكلبي اوكفي يا الفصليه اذا ما اندمج على كل كلمه كلتييهه مايطلع اسمي فاتن اني الج والعصبني اكثر هوه قيصر اخويه الكبر يسمعهه تحجي علينه وماسوه شي كل من وره الفصليه ام السحوره 😒 اشكد اكرهه ساعة الكشره الي اجت بيهه على هذا البيت ما شفنه راحه منهد ما اجت 😑😠 بس اذا ما اخليهه تتوسل بينه وتتمنه ما حاجيه كلمه وحده غلط علينه سهله وبسيطه والايام بيناتنه يا فصليتنه المسعده 😈 اذا ما اخليج تشردين بليله ظلمه وهم متفلتين 😈😎 حيل وجود هاي الفصليه بحياتنه يستفزني وتصرفاتهه كرهتني بيهه اكثر حاسبه روحه فدشي الفصليه 😏
.................................................................
قيصر : وره عركتنه اني وجمانه طلعت واني روحي مو متحمله من العصبيه استفزتني جمانه بشكل بس ما سويتله شي رغم هانتني وهانت عائلتي لان من جهه احبهه ومن جهه ثانيه استخطيهه ما اكدر اوكف ضدهه وهيه محد الهه هنا غيري واني واعدهه انو ما اخليهه تتاذه مو انوب اني اصيرلهه اذيه 😫😕 رحت اكمل شغلي بلديوان جانت اكو مشكله لازم احلهه رجعت بليل دخلت للغرفه شفت الضوه طافي وجمانه جنهه جثه خامده ما حبيت اكعدهه لو ازعجهه اخذت ملابسي رحت سبحت وبدلت ونزلت جوه خليت ام جود اتصبلي عشه كملت غسلت وصعدت انام فرشت فراشي لان حظرة الست جمانه هم ماخذه مكاني وهم ماتفرشلي بس اول يوم كلفت روحه وفرشتلي 😒 بعدين ظليت اباوعلهه وهيه نايمه كلت بكلبي وهيه نايمه جنهه ملائكه هادئه وشكلهه حلو بس من تكعد شيطانه ومحطوطه وبس الله يستر من عدهه انوب كلت اوو هسه اني شعندي افكر بيهه هيه اصلا حته مامعبرتني يمكن شايفتني قوطية معجون كدامه او حته يمكن ولا شايفتني اصلاً 🙄😒 انوب خليت ورحت نمت
.................................................................
جمانه كالعاده كعدت من الصبح وبتعبير ادق من الفجر رحت اسوي شغلي المعتاد وي خاله ام جود كعدت بدلت ملابسي وطلعت اشوف شي اكله لان كعدت ميته جوع نزلت للمطبخ شميت ريحة الجاي والخبز الحار كالعاده خاله ام جود من الصبح تخدر جاي على الفحم وتخبز ودائما تكعد قبلي والكاهه مسويه كم شغله
جمانه : هلو صباح الخير خاله شلونج اليوم 🤭
خاله ام جود : هلا حبيبه هلا 😊 صباح النور البارحه ما شفتج بليل شو ولا اجيتي اكلتي خيرج بنيتي 🙄😕
جمانه : لا خاله هوه ماكو شي بس ما ادري شكلج اكو وحده او يمكن اكثر من هاي العائله الكريمه المحترمه كالبه الغرفه وما مخليه شي على حاله وبالاخص غراض قيصر 🙄 وكعدت انظف وهلكد ما هلكت بلتنظيف نمت من دون ما احس بروحي من التعب وكعدة هسه 😊
ام جود : والله ياحبيبه ما ادري شكلج هنه منهد ما شافنج مدري شصار بيهن 🙄 ما اكلج انو هنه قبل جيتج جانن ملائكه بس على الاقل ما جنن يسون مشاكل هلكد ع الصغيره والكبيره
جمانه : والله يا خاله افضل انغلس على السالفه لان سيرتهن من الصبح تكش البدن وتسد النفس واني جوعانه منا ياريت تصبيلي ياخاله من هسه لان بعد ما اتحمل اصبلهم ريوك يالله اكل اني
ام جود :صار حبيبه تدللين هسه احطلج اكل 😊
جمانه خاله ام جود حطتلي اكل وراحت تفرش السفره الهم لان بدوا يكعدون جاي اكل بلمطبخ ودخل قيصر المحترم للمطبخ يغسل وجهه باوعلي وراح يغسل بلسنك كلت بكلبي مو كثرانه جياتك للمطبخ لو انت متعمد تستفزني 😒 هذيج مغسله بره المن حطوهه ميروح هناك بعدين ماتحملت ما اذبله بسمار 🙄😂
جمانه : الي يكعد من الصبح يكول صباح الخير 😒
قيصر : 😒 صباح النور
جمانه : 😒 ومنو كلك اني صبحت عليك 🙄 جاي اكلك بس
شمر عليه مي وكشر ويكلي مو من الصبح تبدين مو من الصبح اكلي وانتي ساكته نكعني 😡
جمانه : 🤬 لا ياااخر* 🙍‍♀️ نكعتني شبيك
قيصر : شكلتي ولج 😡🤬 عيدي ما سمعت
جمانه : لا يربي انوب اطرش هم شنو من بلوه
قيصر: جمااااانه لاتخليني اسوي شي ما يعجبج واخرب يومج كله لا تكعدين شيطاني تره اخبلج
جمانه : سكتت ما حجيت شي بس ضليت اباوعله صفح 😒 خله وطلع معصب صارت هوايتي المفضله استفزازه 😂 بسرعه يعصب كملت اكل شلت المواعين غسلتهن وتهيأت اغسل اماعين العشيره المحترمه وكالعاده روتين وشغل بدينه نحظر الغده دخل جود سلمت عليه ضحكنه وتشاقينه كالعاده همزين قيصر طالع جا سوالنه زفه كلهه عياط وعرايك 😂 لذلك من يطلع ناخذ راحتنه كملنه الغده حطيناه بس شو قيصر ما اجه على الغده ما شفته بس بعدين خابر امه المتوحشه 🙄😈 وكللهه معزوم عد ناس اهل صديقه وراح يتغده يمهم كلت بعد احسن خفتاً وراحه لان احنه كل ما نتشاوف معناهه اكو عركه جديده راح تنولد حاليا 🙄 صراحه اعترف انو قيصر محترمني لوما جفصاته اشويه جان صار فدشي يعني لو غيرهه جان كومني بكتله وكعدني بكتله 😂 واني هم جان شبعته بوكسيات وجلاليق بس الحمدلله قيصر بس اطول الساني اشويه يتحجج بشي ويروح كبل كملوا غده رحنه كالعاده جلف مواعين بكد شعر راسي اني وام جود نتساعد خلصت مواعين ردت اروح ارتاح وصاحني جد صكر 🙄
جد صكر : جمااانه تعالي بويه هنا 😊
جمانه : خير شيخنه بشنو اكدر اخدمك 😊
جد صكر : هلمره اريدج تسويلي جاي مهيل من ايدج الحلوه وتجيبيلياه عفيه بنيتي 😊
جمانه: صراحه اني ما اسوي الجاي كل مره خاله ام جود لان ما اعرف اشلون يحبوه وهم احس الجاي شي صعب لان اقل تغير بلكميه لو نوع الجاي يفرق واحتمال يصير موجاي كارثه 😂 بس مع ذلك كتله صار شيخنه تأمر امر 😊 جاي احجي وكمزت ام صكر تصيح وتكول
ام صكر: لا عمي تحجي صدك شنو هل عرمه تسوي الجاي ماتخاف تسممك هل حيه المسمومه 😑😠 اني اسويلك اياه لو وحده من البنات
جد صكر : ام صكر ماعليج انتي افتهمتي اني كلت جمانه يعني جمانه يلا بابا روحي سويلي الجاي وتعالي احاجيج 😊
جمانه : صار شيخنا على راسي ومن عيوني رايحه اسويلك اياه واجي 😊
ام صكر : 😡😡😡😡
جمانه رحت اسوي الجاي وكفت يم الطباخ وانجيت على الكاونتر واخذ صفنات على ما يخدر الجاي😂 جد صكر كلش حباب وياي هوه دائما يساندي لوما هوه واكف الي جان البقيه اكلوني بدون ملح 🙄 مع ذلك وهواي تصير مشاكل رحت حظرت استكان وخليت بيه شويه شكر لان جدهم بيه سكر مايشرب جاي حلو صبيت الجاي وديته اله
جد صكر : شكرا بنيتي عاشت ايدج 😊
جمانه : ولو شيخنه تدلل ردت اروح وصاحني من جديد خفت خاف الجاي مو طيب لو بي شي 🙄😂
جد ضكر : تعالي جمااانه 🙂 كعدي هنا اريد احاجيج 😊
جمانه : كعدت وكتله اي شيخنه تفضل اسمعك 🙄😊
جد صكر : شلونج بنيتي انشالله مرتاحه وما متأذيه
جمانه : كلت بكلبي شيخنه شرتاح هوه اني فصليه والمشاكل كدامك تمطر على راسي انوب حجيت كتله يعني تعرف بعد شتتوقع تكون حياة الفصليه شوفت عينك 😊
جد صكر : 😕 زين البارحه بليل ماشفتج وين جنتي جانت ام جود تشتغل وحدهه 😊
جمانه : من سالني حرت شنو اكله يعني صعبه اكله وحده منكم من نسوانكم كالبتلي الغرفه لو احجيله الي صار هسه يكول هاي دور مشاكل 😕 كتله شيخنه جنت كاعده من الصبح وتعبت حيل ونمت ماحسيت بشي
جد صكر : جواب جمانه خلاني انعجب بيهه اكثر لان اني اعرف شنو صار بلضبط لان سالت ام جود عليهه البارحه وسولفتلي هاي البنيه مادور مشاكل ونسوانه موراحه شادات وياهه استحيت منهه واجت بالي فكره حته اعوظهه بشي بسيط واخفف من حدة المشاكل الي تصير كتلهه جمانه بنيتي اني اعرف شنو صار البارحه اذا تحبين هسه احقق وياهم واحد واحد واعرفلج اياه واخذ حقج
جمانه : انصدمت من عرفت انو هوه يعرف بلي صار البارحه  لا شيخنه دخيلك مالي خلك تصير مشكله وطيح براسي هوه بس هسه عندي وقت ستراحه شويه ومن الصبح واكفه على رجليه حابه اروح ارتاح 😅
جد صكر : انقهرت حيل من سمعت كلمتهه 😕كتله ماشي بنيتي 😊 روحي ارتاحي خلص شغلج اليوم باقي اليوم اجازه الج والام جود روحي كليله تروح البيتهه وتكعد يم ابنهه اليوم الشغل ع المكموعات 😑 ادري بيهن غسلن اديهن من الشغل من يوم ما اجيتي موهلكد يشتغلن كومة نسوان وذابات الحمل بس عليج وعلى ام جود 😑
جمانه : شكرا شيخنه 😄 تسلم اني رايحه محتاج شي
جد صكر : لا الله وياج بنيتي 😃
.................................................................
جمانه : حيل حبيت جد صكر صحيح اني ادري بيه حباب بس ماتوقعت ايكون طيب الهدرجه 
رحت اريد اصعد الغرفتي وسمعت صريخ لؤلؤه وامه عبير زوجة رياض اخو صكر رحت شفتهه جان رياض كاعد على القنفه وعبير كاعد تمشط بلؤلؤه وشعرهه كله صابوم ومجبن  وجر بيه والطفله تصرخ وكساع سطرتهه بلمشط عله وجهه لو تضربهه على راسهه من يمي راسي ضل يوجعني صحت عليهه شبيج وي الطفله على كيفج وياهه شعرهه تكطع للبنيه 😡
عبير : وانتي يلفصليه شعليج هيه بتي لو بتج ماناقصني غير وحده مثلج تجي تعلمني شنو اسوي 🤬
جمانه ماتحملته رحت وجريت الطفله من عدهه كتلهه جيبيه اني امشطهه واغسلله شعرهه شهل غسل
عبير : وخري كلبه منو طلب رايج ليش تدخلين
جمانه : لو تموتين ماتشوفين الطفله عيوننه حمر من البجي وكطعتي شعرهه تكطع 🤬
عبير : ولج انتي صدك ماتستحين شو دولي منين طلعتيلي جيبيهه خل اكمل حته اولي ارتاح 😡
رياض : عبييير كافي صياح خلي جمانه تجرب صارلج ساعتين تمشطين وما دبرتيهه بس طوشتو راسي انتي ولؤلؤه بلصريخ 😡
عبير : اي عيني فزعت للفصليه شبساع لحكت حته كبل وكفت وياهه  ضدي 😡
رياض : استغفر الله ربي 😠 خيتي جمانه اخذي لؤلؤه مشطيهه وتعاي مالج شغل بعبير لان اذا تبقون بنفس المكان راح تصير مشكله واني راسي انسطر من الصياح وانتي عبير يلا كدامي صعدي الغرفتج بدون كلام 😡
عبير : 😡😡 ....
.................................................................
وللحكايه بقيه .....   يتبع