امتلكت كياني
البارت الرابع:
لقد تبرأت من ذنوبكم
*
************************
ولكن لسوء حظها ان اخيها لديه اشغال كثير وليس لديه وقت ان يذهب بها الي الجامعه مثل كل يوم
كيان: اشوف فيك يوم يا احمد يابن سمر
شفاء: هههههه يا بت اتتي حرام عليكي خودي موصلات وانزلي
كيان: موصلات !مانتي مش خاسس عليكي حاجه حضرتك
ثم تنهدت: يلا مع السلامه
ثم غادرت المنزل
****************
استيقظت وتوضئت ثم ادت فريضتها وذهبت الي جامعتها بعد ان وجدت والديها نائمين فهي لا تريد ان تري احد في هذا اليوم وكانت تفكر كثيرا ما مسيرها بعد ان يقول ابيها ل <عريس الغافله> كما اطلقت عليه
هاتفت كيان الذي تخفف عنها الكثير
***************
استيقظت تلك الفتاه علي صوت هاتفها يدق
انس: يلا يا هانم عشر دقايق والاقيكي جاهزه اما نشوف اخرتها ايه انتي وصحبتك دي
روح بعصبيه: مسمحلكش تتريق عليها كفايه اللي حصل إمبارح
انس: خلاص يا ابو صلاح ولا تزعل نفسك اجهزي يلا
روح: اقفل يا انس يلا مع السلامه
ليدخل يوسف غرفتها: ايه بتكلمي مين قومي يلا علشان اوصلك
روح: بكلم ابيه انس هو اللي هيوديني النهارده
يوسف: وده من ايه ان شاء الله من امتي
روح بتنهيده: مش عارفه والله بقاله فتره كل يوم لازم ييجي معايا الكليه يوصلني هو انا شكيت
يوسف بإستعجاب: شكيتي؟ شكيتي في ايه
روح: لما اتأكد هقولك يلا اطلع بره خليني اغير علشان الحق اجهز
*****************
وقفت بتهمهم ببعض الكلمات الغير مفهومه ليدق هاتفها
مرام: كيان وصلتي ولا لسه
كيان: لسه يا ختي اخويا دبسني في الموصلات
مرام: انتي فين الوقتي
كيان: قدام الموقف
مرام: طب اثبتي مكانك انا هجيلك اهو
كيان: انجزي علشان مش عارفه اقف
مرام: طب انا خلاااص شوفتك اهو
كيان: تمام
مرام: ايه يا بنتي معملتيهاش من زمان
كيان: اخويا دبسني في الموصلات النهارده ربنا يسامحه
مرام: ههههه تستاهلي يلا يا هانم اركبي
كيان: اركب فين جمب الراجل ده .. ده عامل زي حمدي الوزير
مرام: هههههههه لاء مش هيعملك حاجه خلاص اركبي ورا
كيان: اركبي انتي الاول انا خايفه
مرام: خايفه.... الله يرحم اركبي ياما مش وقت دلع هنتأخر
كيان وهي تصعد : منك لله يا احمد يابن سمر
*********************
وصلت سيارة انس الي بيت روح
دخل يوسف الي غرفتها : روح انس واقف تحت انزلي يلا
روح: حاضر يلا سلام
وبالفعل هبطت درجات السلم سريعا ثم اتجهت ناحيه السياره والقت التحيه علي انس ثم انطلق بالسياره ناحيه الكليه
انس: عملتي ايه امبارح بعد مروحنا
روح: الحمدلله نمت علي طول
انس: طب كويس مزاجك كويس النهارده
روح: بصراحه يعني الي نوعا ما انت رايح تصالح البيست اللي زعلتها امبارح بطريقتك الغبيه فا لازم اكون سعيده
انس بصدمه واستعجاب: طريقتي الغبيه!؟
روح بثقه شديده: ايوا علشان مفيش واحد عاقل يزعق في وش ناس ميعرفهومش انت مفكرها يوسف ولا ايه
انس: روووح اسكتي
روح بتحدي: مش هسكت يا ابيه
انس بسخريه: انتي خليتي فيها ابيه تعالي خوديلك جوز اقلام احسن
روح: لاء مش دلوقتي
انس: بت انتي شاربه ايه علي الصبح ... اعتذري
روح: انا مغلطتش علشان اعتذر
انس: كل ده ومغلطتيش اومال لو كنتي غلطتي كنتي هتعملي ايه ... روح اعتذري حالا
يا بنتي الفرق بيني وبينك 9 سنين يعني لازم يكون فيه احترام
روح: المره الجايه ومش هعتذر يا انس بيه
انس: طيب ... انتي مش هتعتذري يا روح وانا كمان مش هعتذر
روح بمكر: انت حر عادي يا ابيه
انس بإستغراب: عادي؟؟ اومال ليه عياط امبارح وزعلانه وهتيجي توديني بكره علشان تعتذر ودي صحبتي وجو التلزيق بتاعك ده
روح بحزم: ابيه خلاص مش هتعتذر انت حر مش حوار
انس: روح اهدي شويه مينفعش صوتك ده
روح: متغيرش الموضوع يا انس ده اللي زعلك خلاص مش متكلمه لحد منوصل
تنهد انس بضيق ..... لانها تناديه دون القاب فهي تفعل ذلك عندما تغضب منه بشده ... وهو يري ان الحوار لم يصل الي هذا الحد ليردف: خلاص متزعليش
نظرت له روح نظره ذات معني ثم استدارت وجهها ناحيه نافذه السياره زفر بضيق ثم اسرع سرعه السياره عن قصد فهو يعلم انها تخاف من السيارات السريعه
روح بصراخ: خلاص يا ابيه اهدي
انس: مش زعلانه
روح: لاااااااء خلاااص بقي
اوصلها الي كليتها وكان الجو لا يخلو من المشاكسه والتحدي المتبادل في حديثهم
انس: اهو حضرتك وصلنا والهانم صحبتك موصلتش
روح: مش عارفه ايه اللي اخرها هرن عليها اهو
...... هاتفت روح كيان لتردف: اي يا كوكي انتي فين
كيان بعصبيه: قدام الزفت المكروباص ربنا يخدك يا احمد حوجتني للمكروباصات
روح: هههههه لسه قدامك وقت
كيان: اضحكي ياختي مسيرك تدوقيها خلاص خودي مرام تقولك قدامنا وقت قد اي
مرام: قدامنا خمس دقايق متدخليش من غيرنا انا بقولك اهو كفايه قرف الزفته دي يلا في داهيه
روح: صحاب تعر ثم أغلقت الهاتف لتردف: شويه وجايه
انس: اللهم طولك ي روح انا هروح اجيب حاجه وجاي تكون جات
وقفت روح تنتظر صديقاتها لتردف: لسه بدري انتي وهيا
مرام: بت مش حوار الله ادينا اتزفتنا جينا
كيان: انا هروح السوبر ماركت اجيب مناديل وجايه حد عايز حاجه
روح: لاء يختي امشي
وبالفعل ذهبت كيان الي الماركت اخذت ما تريده ثم دخلت الي صاحب المكان لتردف: لو سمحت ولكنها صدمت عندما وجدته يقف امامها وعندما سمع صوتها استدار سريعا نظرت له نظره ذات معني ثم وجهت حديثها الي صاحب المكان: الحساب لو سمحت
خرجت لتذهب ناحيه كليتها وقلبها يدق بعنف احست انه توقف عندما سمعته ينادي عليها
انس بغموض: انسه كيان!.
كيان: اتفضل
انس بضيق: هيا حاجه فعلا انا مجبور عليها .... وده لأني عمري مفكرت اعملها ولا اقولها وده كله يهون علشان خاطر روح......... اسف
فإستعجبت كيان من حديثه لتردف بحده: اسف علي ايه وطالما حاجه مجبور عليها مكنتش عملتها وانت معملتش حاجه اصلا تتأسف عليها ولا اي
انس بعصبيه: انا فعلا مش مجبور ودي اخره اللي يسمع كلام عيال زيكو
كيان: انت اكيد معاق ذهنيا ثم ذهبت سريعا احست انه طعنها في كرامتها ... انه مجبور وليس انه احس بالذنب انه يغضب علي دون سبب.. دون مقدمات كانت تمشي سريع لتذهب من امامه ولكنها اصدمت بشخص ما .. اوقفها هذا الشخص ليعتذر لها
وكان من يراقبها من بعيد
الشاب بمكر: انا اسف جدا
كيان: لاء عادي
الشاب: عادي ازاي بس عادي ده لو انا خطبت في بنت عادي انما اخبط في واحده قمر كده هو ده اللي مش عادي كان يقول هذا الكلام وهو يقترب منها وكلما اقترب ابتعدت هيا بخوف وفجأه امسك بذراعيها ... صرخت كيان سريعا وبعد لحظات وجدت الشاب علي الارض نظرت أمامها وجدت انس يضربه بغل
كيان بصراخ: خلاص بس بقي
انس بغضب: بس!! انا غلطان اصلا اني بضيع وقتي
كيان: محدش قالك تضيع وقتك انا هعرف ادافع عن نفسي
انس: ومدافعتيش لي
كيان: ايه! انت مالك اصلا ثم ذهبت سريعا الي اصدقائها وعانقت روح وظلت تبكي
مرام : كيان مالك ي حبيبتي حد زعلك
روح: فيه اي ي روحي
كيان: كان عايز يتحرش بيا
روح بذعر: مييين !؟؟؟
كيان: معرفش واحد خبط فيا
مرام: وعملتي ايه
كيان: معملتش انس اللي عمل
روح بمكر: انس مين .....
كيان: انس االي بيجيلك هنا يا روح هيكون انس مين
مرام بغباء : وانتو اتقابلتو!؟
كيان بسخريه: لاء ضرب الولا بالاسليكي
روح: ههههههه يخرب عقلك يا كوكي لتردف بمكر: واتقابلتو ليه بقي ولا فين
كيان: في... في السوبر ماركت
مرام: يلا يختي انتي وهيا قدامي علي الكافيه منكو لله ضيعتو المحاضره الاولي
روح: احنا ورانا ايه غير الوقت الضايع هههه
كيان بتوتر: عملتي اي ف موضوع رأفت
مرام: وافقت خلاص
كيان بعصبيه: يعني اي وافقتي انتي بتهزري
مرام بإنهيار: هعمل اي يعني انا عاجلا اجلا هتجوزه غصب عني بموافقتي هتجوزه انا مش ذنبي ان ابويا كل همه منظره قدام الناس وكلمته انه ازاي يرجع في كلمته حتي لو كل ده علي حياتي ومستقبلي مبيفكرش غير في الفلوس والمظاهر وانه يجوز بنته لواحد عنده مال
روح: كيااان خلاص ... وهيا اكيد متقصدش يا مرام هيا عامله عليكي بس اكيد ده خير ليكي
عانقتها روح بشده ثم بكت بحرقه
كيان: خلاص يا قلبي لو ممكن انا اتكلم مع انكل عادل
مرام بسرعه: لاء لاء ده هيعند اكتر خلاص سبيها لله
كيان: خلاص احنا هنفضل جمبك ومش هنسيبك
كان انس يشاهد الذي حدث وكان يستعجبها كثيرا
اتجه ناحيتهم واصدر صوت خفيف
ابتعدت مرام عن كيان بإحراج
انس: روح انا همشي ويوسف يبقي ييجي ياخدك
روح: ابيه انت عملت اللي اتفقنا عليه
انس وهو ينظر الي كيان: بعدين يا روح يلا سلام عليكم
روح: ماله ده
مرام: يلا يا كوكي
*******************
قامت سلوي لتحضر الافطار لها ولزوجها وبعد تناولهم للإفطار دق باب المنزل فتح عادل الباب ليجده رأفت
عادل: تعالي يا رأفت يا حبيبي
رأفت: والله يا عمي انا مش جاي اقعد حضرتك مجاوبتنيش رأيها ايه
عادل: موافقه اكيد هيا تقدر تقول حاجه غير كده
رأفت: طيب قرايه الفاتحه ان شاء الله بعد بكره
عادل: تنورنا في اي وقت
ذهب رأفت الي منزله
سلوي: ارتحت كده
عادل بطمع: ياوليه اسكتي دي هترقد علي كنز
سلوي: الفلوس مش كل حاجه يا عادل
عادل: انتي وليه فقريه
سلوي: كنز ايه اللي هترقد عليه دا حته موظف لا راح ولا جيه
عادل: موظف ايه دانتي مش فاهمه حاجه ده عنده ورث ف البلد يشتري بلدنا
سلوي: يا عادل حرام عليك البت مش عايزاه
عادل بحزم: وانا مش هرجع ف كلامي مع رأفت يا سلوي
سلوي: وانا مش هسامحك ليوم الدين يا عادل
*******************
مر اليوم بسلام ولم يحدث اي شئ
في المساء ذهبت كيان الي غرفه اخيها
احمد: تعالي يا كوكي كنت متأكد انك هتيجي لان مزاجك كان وحش بعد مجيتي من الكليه مالك ي ستي
كيان: مفيش كنت مصدعه شويه خلصت مشاوريك اللي انت عطلتني علشانها
احمد: هههه اه ياستي خلصتها قوليلي بقي عامله اي ف كليتك
كيان: اهو الحمد لله
احمد: ومرام؟؟
كيان وهي تتصنع الغباء: مالها
احمد بسخريه: عامله اي صحتها كويسه؟ هيكون مالها يا كوكي عملت اي ف عريس الغفلة بتاعها ده
كيان: ههههه تصدق ان هيا كمان بتقول عليه عريس الغفله بعد ضغط كبير من اهلها وافقت
احمد بألم: ربنا يسعدها
كيان: انا مش عيزاك تزعل يا احمد وهيا غصب عنها ابوها ربنا يجزيه غصبها علي الجوازه دي وهيا برضاها غصب عنها هتتجوزه يبقي تقول موافقه احسن وهيا لو من نصيبك لو الدنيا اتقلبت هتبقي ليك وانا شايفه بصراحه انها مش ليك ادعي ربنا انك تنساها يا حبيبي واصبر يا احمد اصبر يمكن ربنا يبعتلك واحده تكون بتحبك حب تنسيك كل وجع ده ربنا قال: وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ} انت انسان كويس من جواك يمكن ربنا بعدها عنك علشان ملكوش خير في بعض مش ممكن لو كنتو اتجوزتو كان حصل مشاكل بينك وبينها او لقد الله اطلقتوا يا حبيبي ربنا مبيخترش حاجه وحشه لعبده وادعي ربنا يرزقك بالذريه الصالحه مع الانسانه المناسبه ( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ) قوم يلا صلي واستغفر ربنا يلا
اقترب منها شقيقها ثم عانقها عناق يدل علي الفخر رغم انها تصغره سنا الا انها تكبره عقل وتفكير رغم ان بداخلها طفله صغيره متمرده ومشاكسه الا انها عند المشكلات تجد لها الحلول بعقل وهدوء عكس شقيقيْها
كيان بمشاكسه: اي انت عندك جفاف عاطفي هطلعه عليا قوم يلا هرجع الاقيك خلصت الجو الدرامي ده
احمد بغرابه: ليه انتي راحه فين
كيان: نازله السوبر ماركت وبصراحه هتمشي قدام البحر منزلتش من زمان
احمد: متتأخريش
اخبرت كيان والديها انها ذاهبه للماركت وسوف تتأخر قليلا لتقف بجانب البحر وهم لم يعترضوا لانهم يعلمون عندما تريد ان تذهب الا هناك فهي حزينه نوعا ما لانها تريد ان تنفرد مع افكارها قليلا
ذهبت كيان الي البحر وجلست علي مقعد الاستراحة امام البحر لتشاهد جبروت الامواج وعنادها مع الصخور ظات تتكلم وتشكو ربها بصوت عالي
****************
عاد من عمله مرهق التفكير كثير في تلك الصبيه التي شغلت باله وتفكيره بتصرافتها وكان يفكر بها كثيرا ولكن التفكير ارهقه حتي غلبه النعاس
فاق علي صوت اذان المغرب نظر في الساعه وجدها تجازوت السادسه مساء قام واغتسل وهبط الي اسفل لوالديه
محمد الانصاري: ما لسه بدري ايه يا باشمهندس النوم ده كله
انس: اسف يا الباشا انت عارف بقي شغل الشركه وضغطها والواحد بييجي تعبان
محمد الانصاري: ربنا بعينك يا حبيبي
زينب: اقعد يا حبيبي واقف ليه
انس: خارج شويه اشم هوا اقف علي البحر اكلم يوسف نتقابل اي حاجه
زينب: مش ناوي تفرحني بيك بقي يا انس
عندما هتفت بهذه الجمله جاءت تلك الفتاه في عقله لا إراديا ليردف بخفوت: لما ربنا يؤمر يا ست الكل عن اذنكو
محمد الانصاري: ايه يا زينب مش قولنا بلاش نتكلم في السيره دي انتي عارفه انه اتعقد من موضوع عمه مع فريده
زينب: نفسي افرح بيه نفسي اشوف ولاده معتش من العمر قد اللي راح
محمد الانصاري: ربنا يطولنا في عمرك يا ست الكل
******************
عندما فاتحته والدته في ذلك الموضوع الغير مرغوب فيه من وجهه نظره تذكر تلك الفتاه التي اتت الي ذهنه لا اراديا ولكنه تذكر فريده ... "كلهم فريده" كلهم خائنات والخيانه لا تأتي الا من اقرب الناس اليك
ذهب الي البحر ليفرغ طاقته السلبيه امامه ولكن لفت انتباهه ...
************
كانت تدعو الله ان يريح قلب اخيها فهي تعلم كم احبها بصدق.. يارب صبره ونسيه انت عارف هو كان بيحبها قد اي ارزقه بواحده تنسيه كل وجع اللي شافه وكل صدم جاتله فيها يارب انت قادر علي كل شئ يارب مفيش اصعب من وجع القلب وانت عارف كده يارب ... كانت تدعو بصوت عالي وهي تبكي علي حال اخيها فهي تعلم كم يحس الان فهو كان دائما يدعو الله ان يجعل تلك الفتاه من نصيبه ولكن الله اراد غير ذلك
.. كان منتبه اليها وهو يشبه علي تلك الهيئه وهذا الصوت فهو سمع صوتها أكثر من مره ورأها كثيرا ولكنه قال لنفسه : انت هتهيس ولا اي هتأثر عليك لاء مش دي كلهم فريده ولكنه انتبه اكثر عندما سمع صوتها وهي تبكي فهي غافله عن وجوده بجانبها ذهب اليها في تردد كان يقدم خطوه ويأخر خطوتين ولكنه عزم علي الذهاب إليها... ..عندما احست بأحد يتجهه اليها مسحت عبراتها سريعا فهي لا تريد أن تظهر ضعيفة امام احد اي إن كان ولو كانت والدتها.. استدارت اليه وجدته انس
كيان بإرتباك: أأأ ... انت بتعمل اي هنا
انس: انتي ايه اللي جايبك هنا لوحدك ... انتي كنتي بتعيطي من حاجه؟
كيان : مفيش حاجه انا كنت حابه اقعد شويه قدام البحر
انس بهدوء: طيب اقعدي
نظرت له بإستعجاب فأكد كلامه مره ثانية..: اقعدي متخافيش جلست بتوتر وتردد .. ليردف بأمر وحزم: خروج لوحدك ف وقت زي ده متتكررش تاني
كيان: وانت مين علشان تأمرني كده اخرج ولا مخرجش انا حره وبعدين انت لو بصيت ورا هتلاقي بيتي يعني مش هلحق اتوه
انس بنبره لينه وهو يتجاهل كلامها: وبعدين انتي صوتك كان عالي وانتي بتعيطي وبتتكلمي كان ممكن صوتك يبقي واطي شويه انتي متعرفيش ان صوت المرأه عوره
كيان: انت انسان متحكم انت ملكش انك تقولي اخرج امتي ولا مخرجش ولا ليك حق انك تقولي صوتك عالي ولا واطي انت لا اخويا ولا ابويا ولا جوزي ولا حتي خطيبي
انس ببرود ومكر: لو عايزه انا معنديش مانع في اي وقت
كيان: انت انسان متطفل وقليل الادب اصلا
انس: انتي محدش قالك ان عيب تشتمي حد اكبر منك قومي يا شاطره روحي اجري
كيان: انت اللي جيت قعدت يعني انا هنا قبلك وبعدين مش بحركو هو انا اجي وقت محب وامشي برده وقت محب انت انسان فصلان
انس ببرود: مش خرجتك من جو الدراما اللي كنتي فيه
كيان بهدوء: الحزن عمره م كان دراما وانك تحزن علي حزن شخص قريب ليك عمره م كان دراما
احس انه سخر من حزنها ولو بنسبه قليله
انس: كنتي بتدعي لأخوكي؟
كيان: اكيد مانا مليش غيره ادعيله
انس ببعض الانفعال لا يعرف سببه: ليه مانتي كان ليكي حبيبك اللي كنتي بتكلميه من يومين قدام الجامعه
كيان بإبتسامه بسيطه سحرت قلبه: هو فعلا حبيبي وصاحبي واخويا وابويا بعد بابا وابني وكل حاجه ليا
انس بدون وعي منه: معرفكيش غير 3 ايام وقلبتي كياني فيهم بقيت بفكر فيكي بكل تفاصيلك
كيان بصدمه:...........
«»«»»««»»««»«»«»«»«»«»«»»«»««»«»«»«»
ملتزمه بمواعيدي واتمني انكو تشيروا الروايه وعايزه تفاعل كتير عايزه الروايه توصل للصفحه الرئيسية
«»««»«»»«»««»«»«»«»««»«»«»«»«»««»«»
