أمتلكت كياني
~««««««♡»»»»»»~
لقد تبرأت من ذنوبكم
♕♕♕♕♕♕♕♕♕
البارت 10
أ
قترب منها أنس علي غفلة ولا يوجد مسافة بينهم سوا سنتيمتر
ليدخل أحمد فجأة ليردف بصدمة: أنت بتعمل إيه عندك يا أنس
أنس: أحمد أنت فاهم غلط أنا كنت...
أحمد: كنت إيه يا قليل الأدب يا من...
أنس: إيه يا عم فيه إيه دي مراتي والله مراتي والله كاتب عليها
ضحكت كيان بخفوت لتردف: هو معملش حاجة يا أحمد هو كان عايز يقولي حاجة
أنس: الله الله انتِ كمان بتبرري ليه
كيان: بس بقي أنت بتشك فيا يا أحمد
أحمد: أكيد لاء بس لازم يكون فيه حدود
أنس: وعلي إيه أنا كنت جاي أصلا علشان نحدد الفرح
أحمد ببعض الأنفعال: فرح إيه حضرتك أنتوا مكملتوش 10 أيام
أنس بتحدي وإستفزاز: والله أحنا حرين
نظر أحمد لكيان.. معني أنه تكلم بصيغة الجمع أنه نال موافقتها
دخل عليهم سمير بهدوء: فيه إيه يا ولاد
وقف أنس إحتراماً له ثم جلس: مفيش يا عمي كنت عايز نحدد يعني ميعاد الفرح
سمير: مش شايف إن لسه بدري علي الموضوع ده
أنس: خير البر عاجله
نظر سمير لكيان وجد شبح أبتسامة تحاول أن تخفيه ولكنه لمحه: يبقي علي خيره الله
***************
مر أسبوعين وجاء موعد الزفاف
ارتدت فستانها الأبيض وارتدي حِلته السوداء وأُصِرت كيان على أن يتم الزفاف في قاعة منفصلة وبالفعل تم
أنس: أنا مش مصدق إني هاخدك كده ونرَوح بيتنا بجد؟
كيان: أنس يا حبيبي أهدى كده
أنس: يا إيه
كيان: أه حبيبي وروحي وكل دنيتي كمان عندك مانع
أنس: أخيرًا الجماد نطق... بس تعرفي أنا بحبك أوي
كيان: وأنا بموت فيك والله
أنس: يالهوي كده كتير والله... طيب تعالي نروح وأقولك كلمة سر
قطع حديثهم دخول والدتها وهي تبكي: خلاص يا كوكي هتمشي وتسبيني
كيان بمزح: علشان تعرفه قيمتي بس يا ماما وبعدين أنس طيب
الشفاء: هاجي من السفر أحكي مع مين ولا أطبخ لمين ورق العنب والبشاميل
كيان: يا حبيبتشي أنتِ تعملي وتبعتيلي عادي طريق البيت ميتوهش
أحمد: انت عارف لو زعلتها أنت حر
أنس: وعلى إيه أحنا مصدقنا نبقي صحاب
سمير: روح قلبي اللي كانت مونساني وصحبتي والله هتوحشيني يا ست الحلوين
أنس بمرح: خلاص يا جدعان اتأخرنا كده
أنتهت حياة العزوبية وبدأت الحياة الزوجية
**************************
دخلا منزلهم بكل حب وسعادة
أمسك يديها وقرأ دعائه لها ثم قَبلَ جبينها ويديها
لتردف بخجل: أنس أنا عايزة.. يعني.. تصلي بيا إمام نبدأ حياتنا بالصلاة
أنس: أنتِ لسه هنا روحي أتوضِي وغيري فستانك ونصلي
وبالفعل صلى بها إمام ولأول مرة تُسعد هكذا
أنس: فرحانة؟
كيان بسعادة: أووووووووي
أقترب أنس منها بخبث: طيب تعالي أقولك حاجة جوا ولا أقولك تعالي نشوف أوضة النوم
كيان: أااااانس أسكت يا حبيبي
أنس: كيااان شوووفي إيه اللي وراكي
وقبل ان تستدير كيان رفعها أنس بين يديه
لتبدأ حياة سعيدة بينهم
********************
كان يقف ينظر لها وهي تبكي
لتأتي شقيقته بجانبه: أجوزهالك يا حبيبي
أحمد: أه ياريت والله... إيه يا بت إللي بتقوليه ده إحترمي نفسك
شفاء: كوكي كانت أسرارك كلها معاها لكن عمرها ما كنت حفظاك قدي
أحمد: هو أنا مكشوف لدرجة دي
شفاء: وأكتر وحياتك.. يلا أشوفك بخير يا قلب أختك
أحمد: برده هتمشي دلوقتي أستني للصبح
شفاء: مينفعش يدوب الحق الطيارة خلي بالك من ماما وبابا
