دموع لا تغتفر

البارت السابع

هلووو شلونكم صارت وياي شغله لبارحه لدرجه من گعدت من النوم ملخت نفسي هاي لبارحه مو كتلكم انزل بارت بقيت ل٢ونص اكتب بيه واعدل مااعرف يمتى غفيت گعدت وله البارت حاذفته المهم انجلطت جلطه معدله ضغطي ارتفع😖☹️

المهم طلب اخوي ويمكن انتم لو طلبتو الله يهديه الولد صار اسبوع اطلب من رافد يكتب قصته لان تخبل تخبل مو قصه كارثه وحتى دنيا تقنع بيه ماقابل هوه راح يقرا تعليقاتكم هنانه ويشوف يكتب لو لا كل لي اگدر اگول قصه رافد تموت

وشغله لخ راح اسوي كتاب بيه قصص قصيره يعني إჂ̤ قصه تنعرض عليه وبيها هدف وتوعيه انشرها بهذا الكتاب وحقيقيه كلها عنوان القصه لي هسه بالي {{لكل حياة قصه}} وراح يضم هواي قصص بيها وگلت القصص لي تنعرف عليه راح اكتبها بهذا الكتاب او القصه
+++++++++++

لا تندموا على حب أو معروف أو خير قدمتموه لأحدهم ولم يكن يستحقه، كونوا دائماً معتزين بنقاء قلوبكم وإياكم أن تلوموا طهارتكم.
*********
لا چن گعدنه سوه ولا چن حچينه وياك
عليتني للسما وهديتني من هناك .
******

{{دموع لاتغتفر}}
للكاتبه:ايات جابر

.
.
.
.
قراءة ممتعه

______
رفل
__________

رفل:خفت وانرعبت من الرساله ياربي منو هذا معقوله ريم حجت لرضا وهيج يهددني محد يعرف بالموضوع غير ريم بقيت ارجف بعدين قريت ايات وتعوذت من الشيطان ونمت

بعد يومين اجا رافد بس مبين على الانكسار سوده عليه تعبان ولابس دشداشه سوده سلم علينا وگعد يم امه

رفل:ياحبيب خالتك الله يصبرك ويقويك على كيفك ويه نفسك
كرار:اي خالي قوي نفسك وهذا امر الله والله يرحمه ابوك هذا حد يومه من الدنيا
رافد:الله كريم صاعد اسبح وانام يمه لاتگعديني
زهره:روح يمه رتاح بعد روحي

كرار:زهره هدي ابنج وصبريه لاتبجين گدامه وان شاء الله يتناسى ويه الوقت بعده جرحه طري (جديد)
زهره:ان شاء الله ياخيي الله يصبره
رفل:انا صاعده له شويه احجي وياه
كرار:عوفيه تعبان مو وكتج
رفل:مااطول شويه واطلع حتى انا تعبانه صاعده انام
زهره:شبيج خذيتي علاجج
رفل:مابيه شويه دوخه اي اخذت

صعدت له لگيته توه طالع من الحمام خاوليه على راسه

رفل:ان شاء الله نعيماً
رافد:الله ينعم عليج
رفل:ياخالتي على كيفك ويه نفسك وانتبه لدراستك فدوه وامتحاناتك مابقالهن شي
رافد:الله كريم
رفل:ونعم بالله بس هم دير بالك على نفسك لخاطر امك
رافد:ان شاء الله

عفته وطلعت لان مبين تعبان وحتى بالگوه يحجي
انا هم رحت لغرفتي اخذت علاجي ونمت گعدت المغرب اگلب بتلفوني لگيت رساله من رقم فتحتها

فراس:حبيبي انا فراس واحفظي هذا رقمي واحبح
رفل:صح فرحت برسالته بس مااعرف منين جاب رقمي ياربي والله بس يعرفون اخواني وابوي يموتوني منين جاي تجيني هاي الارقام حفظت الرقم ونزلت لگيت ابوي بالصاله وعلاء رحت بسته من راسه وگعدت يمه