دموع لا تغتفر

البارت السادس والثلاثون

صباح الخير
السلام عليكم

شلونكم شخباركم مشتااااااقتلكم كومايات كومايات والله العظيم طبعاً اسفه على التأخير

الف الحمدلله والشكر الف الحمدلله الله وفقني ونجحت طبعاً هذا كله بفضل الله ثم بفضل دعائكم لي والله مااعرف شلون اشكركم وشلون اجازيكم على محبتكم ودعائكم لي والله عجزت شلون اشكركم احبكم يااحلى ناس بالدنيا

راح انزل بارت ملخص عن معاناتي واتركه يومين واحذفه والله للعبره مو اكثر واحبكم وشكراً لكم😘😘😘❤️❤️❤️❤️
*********

خسرنه گلوبنه الما عرفت تعاشر
خلصنـه العمـر مـن باچر لـباچر
خلصناها تگظي الله كريم تهون
واحنه جروحنه شما كبرت نكابر 
وادمنه اعلى طيبك تستغل البيك
ومن توگع لجلهم تنحسب خاسر.❤️

.
.
.
.
{{دموع لاتغتفر}}
الكاتبه:ايات جابر

.
.
.
.
قراءة ممتعة

____
شاهين
_________

شاهين:السلام عليكم
الكل:وعليكم السلام
الشيخ:تعال يبه
شاهين:شصاير شو گتلي تعال بسرعه والمضيف فارق وانته گاعد هنانه صاير شي
عگاب:اي قررنا نخطبلك فتله
شاهين:ههه لي الشرف
الشيخ:انتم شمالكم ويه بنيت عمتك هاا
شاهين:هسه عوفنا شصاير شيخ

الشيخ:لي صاير سالفه امس متدخل بعد بيها طرف
شاهين:منو بعد
الشيخ:عشيره العبيد والسواعد
شاهين:اوووف اووف شدعوه عمي هاي موش سالفه فشار وكتل
الشيخ:العرض هذا شلون يبه ترضا يحجون على عرضك
شاهين:اهدم سلف بحاله غير
الشيخ:شفت لذالك هذول سوو هيج

صگر:زين بس اريد اعرف لبنيه ليش خذوها
الشيخ:ليوم فهمني السالفه كلها شيخ دحام
عگاب:اي سولفنا خلينا نفهم

الشيخ:گاعدين جمعه ولد بالكهوه على كوره (طوبه) ولد وطايشه گايم ابن عواد مفشر على ابن حمدان صايره عركه متذابحين فلت العركه يردون يتراضو واحد يطيح على الثاني راحو لبيت جواد يعني الرجال صحيح دخل طرف ثالث يحل المشكله بديوانه وهم صارت عركه واحد تحلف بالثاني وكل واحد راح لبيته هدت السالفه اسبوع ماكو شي بيوم ولد جواد طالعين نازلين للولايه وهذا اخوهم ولد حمدان ولد عواد كلهم يشتغلون بمكان واحد بيومها ولد عواد ولد حمدان مااجو صار الخرط بلرشاشات على لي بلشغل متصوب ابن جواد تراكضو بيه للمستشفى على ماوصلو مات بس واصل الخبر اخوانه ولد عمه رايحين داكين بيت عواد وماخذين بنته وهم صارت عركه بيناتهم تلاثتهم داخل بينهم شيخ العبيد ومهديهم كل هلمده شاف ماكو هدنه بينهم لاراضين بلفلوس ولاراضين بلگعده مخلي وزعلانه ورايح گال بعد ماادخل

شاهين:عفيه عفيه عويصه السالفه كلش كلش
الشيخ:انا ليوم حاجاني شيخ دحام وگال طلعت منها لان ماحترموني ولدهم تنطط بينهم مالهم كل ردان
عگاب:صحيح حتى امس هيج مالهم جبير يلفهم بنعال على حلگهم
صگر:اريد اعرف لبنيه وين انا احس مو عند ابو جواد
وليد:حتى انا والله حسيت
اسد:اگلكم شي
عگاب:گول بالله دكتورنا
اسد:احس السالفه كلها هاي من ورا هاي لبنيه وگعت بين العشاير وفلتت
نمر:نهبت
اسد:مو نهبت هيه داگه الدگه وموگعه بين الولد وله جواد ليش ياخذها