دموع لا تغتفر

البارت التاسع عشر

السلام عليكم شخباركم ان شاء الله زينين

طبعاً اعتذر عن التأخير بس بعد امتحانات وماافرق اكتب والله وادعولي الله يوفقني وانجح واخلص من هلصف لي ماجابلي غير الفگر ادعولي دعوه اخت فدوه

البارت اكثر من ٣١٠٠ هذا تعويض ❤️🥰
*****

دموع لاتغتفر
الكاتبه:ايات جابر

.
.
.
قراءة ممتعه
****

چنت اسكت
وتگلي السكتَه حافظها
واجذبك والمُصيبه
ادريك حافظني ..
وهسه احچيلك البيه
وتردلي بكلمة المدري
يولفيّ شغيرَك عني

نصيحه مني لكم وبكيفكم بعد

‏‌‎
انطلق وراء حلمك✨
لا تجلعه حلماً بل واقعاً يُعاش
من قال أنك لا تستطيع؟
بل تستطيع أن تصنع مُستحيلاً
ومن يقولها لك اصفعه باستطاعتك
كن من الذين يرفضون التوقف والإستسلام
مهما ‏جروحهم
كن من المقاومين الذين يؤمنون
بالوصول إلى الحُلم أشد الإيمان
أنت إنسان
والنجاح خُلق لك💪♥️😍

____
شاهين
_________

دخلت لديوان الشيخ الكل وقف مصدوم بيه بعد غياب اكثر من سنه وكلشي متغير بيه سلمت على الشيخ والناس لي كانو يمه اشرت الاسد يگوم اريد اشوف مرتي وين ليش البيت مقفول

شاهين:اسد مرتي وين
اسد:گول مرتي وجهالي وين هههه
شاهين:شنو ياجهال
اسد:لحمدلله مرتك جابت وتوم هم بعد
شاهين:تحجي صدگ لو تشاقه
اسد:والله وروح شوفهم هناك عند امي
شاهين:والله اموتك اذا شقه شوفلي طريق خل ادخل

مااعرف اوصف فرحتي بهذيج لحضه احس روحي طير وبس اريد اشوف صدگ صرت ابو وطفلين عندي دخلت لغرفه الشيخه صدگ يمها طفلين گامت تلگتني

الشيخه:الف لحمدلله على سلامتك الف لحمدلله على سلامتك يايمه ياهلا بيك نورت دارك الف لحمدلله والشكر من رجعت سالم لجهالك ومرتك

بست راسها وايدها حضنتني وبقت تبجي اجا الشيخ وراي

ابو عگاب:بسج يامره افرحي رجع بالسلامه ومرفوع الراس
الشيخه:الف لحمدلله والشكر كلللللووووووشششش
شاهين:يمه صدگ هذوله جهالي
الشيخه:اي يمه بالمبارك عليك يربون بعزك ودلالك ان شاء الله
اسد:اكلك شي شو انته مامصدگ بيه قابل اجذب عليك
شاهين:يمه مرتي وين
الشيخه:راحت لدكتوره تطمن على وضعها
شاهين:ليش شبيها
الشيخه:مابيها شي يمه هيه گلتلها ١٢يوم وتعالي
شاهين:ليش صار لها ١٢يوم من جابت
الشيخه:اي
شاهين:شسميتهم شيخ
ابو عگاب:نتاني ابوهم يسميهم
شاهين:وانته جدهم جان مسميهم
اسد:الى متى تبقى تباوعلهم هيج احضنهم بوسهم شيلهم
شاهين:مااعرف

دنگت عليهم بستهم مااعرف خايف اشيلهم بعدهم زغار
كلشي مامبين من ملامحهم بس لبنيه احلى من الولد اتصل اسد على رافد گال خل ابشره اجيت طلع خابره ورجع امي الشيخه خلتهم بحضني وخايف شلون شايلهم