دموع لا تغتفر

البارت الثالث والثلاثون

السلام عليكم
صباح الخير

بداعه الخوه واذا عزيزه عدكم ادعولي الله يوفقني وانجح لان لو ليوم تطلع نتيجتي لو الاسبوع الجاي ادعولي مايضيع تعبي وانجح

********

كالولي ضاع الوفه
كلت الوفه موجود
كالولي جفنك غفه
كلت الليالي شهود
كالولي شمعك طفه
كلت الكمر موجود
كالولي ولفك رحل
كلت ليحب يعود

_____
رافد
__________

رافد:الووو
رفل:الوو رافد هاي انا خالتك رفل
رافد:اي عرفتج گولي شتردين
رفل:امك تريدك
رافد:اي انطينياها
رفل:لا تريدك تجي تشوفك
رافد:مااجي تريد هيه تجيني هسه لان باجر مسافر
رفل:هاا وين
رافد:رايح وانا گاعد بفندق ال.... اذا تريد تجي هسه قبل لا اطلع
رفل:ماشي هسه نجي انا وياها

بقيت گاعد منتظرهن يا ترا هلمره شنو عدهن يمكن هلمره صحيح اموت لان عدت هواي رفعت راسي جوري گدامي تفاجئة شجابها هاي شدلها احمد ماعوزه بس يذيع مكاني بلحدث مبينه حتى هيه تعبانه وباجيه اجت گعدت گدامي بقينا اثنينا ساكتين محد تجرئ انه يحجي

رافد:منو انطاج مكاني
جوري:ههه وهذا الهامك ماهمك بنيه تتصل عليك ايام ودمعتها مانشفت عليك وعايشه بقلق وخوف وليلها ماتنامه بس تريد خبر منك وماخليت احد ماتوسلت بيه علمود اعرف ولو راس خيط يوصلني لك شنو سويتلك انا وتسوي هيج وياي هاا گول مااريدج ولاتبتعد
رافد:انا راح اسافر والله يوفقج
جوري:تسافر وين وعدك لي يارجال لي ماتخلف بوعدك وگد كلمتك اخر شي الله يوفقج وهيج بدون سبب گلي شنو غلطي هاا حاجيني لا تسكت🥺
رافد:مابيج غلط الغلط مني انا
جوري:ليش هيج رافد هاا ليشش شسويتلك انا
رافد:صوتج نصيه احنا بمكان عام
جوري:لا اريد الكل يعرف بحقارتك وياي
رافد:شتردين جوري ترا والله روحي مامتحملها وتعبان ومتمني الموت ليوم قبل باجر
جوري:مو بكيفك انته تموت وتشتهي وتتعب انته بنفسك وصلت هيج تتصل عليه العصر وتگلي وضعي خطر وبعدها تختفي ماخليت احد ماتوسلت بيه علمود يدليني عليك حتى للمحل رحت واخر شي رحت لعمك

رافد:رحتي لعمي يمتى
جوري:معليك يمتى وشغله ماتهمك مادام انا صرت مااهمك والله يوفقني وتريد تسافر وتترك جوري وتترك دراستك ليش هاا گلي هيج غلطج وانا مااريدج
رافد:ولج مو منج الغلط افهمي مو منج مني انا
جوري:احجي خليني بالصوره گلي شبيك
رافد:هوه خاف جانت عايزه كملت هسه

رفل:السلام عليكم
رافد،جوري:وعليكم السلام
رافد:اگعدن شصاير امي وخالتي جوري خط زميلتي بلجامعه
جوري:ليش ماتكملها
رافد:مو هسه جوري مو هسه
امي:ماتسئل على امك لي ربتك وكسرت ظهرها عليك
رافد:شوفي حالتي مال سؤال انا لي تعبان ماسئلتي عليه ماگلتي ابني وحيدي اشوفه وينه ميت عدل گتلوه اخواني وعمامي ولدهم
امي:ليش سجنت خوالك هاا
جوري:ليش ماگتلي هاا
رافد:جوري منو جابج
جوري:احمد
رافد:اوكي گومي اوصلج لااحمد ارجعي لجامعه
جوري:مو بكيفك ارجع وانا مافاهمه شي
رافد:اوكي اسكتي خل اكمل حجيي ويه امي ونحجي انا وياج
رفل:شلون نحجي وغريبه بينا