دموع لا تغتفر

البارت السابع والعشرون

صباح الخير

اعتذر على التأخير والبارت ردت انشره من الفجر يعني هسه مو فجر لان طلعت الشمس بس الواتباد مايفتح عندي المهم ماعلينا

بلكي يروح عني الصداع واسويلكم سبرايز لم يسبرزهو المتسبرزون من قبل شرايكم😁😁✋🏻
********

لاچن كعدنه سوة
ولاچن حجينه وياك
عليتني للسمة
وهديتني من هناك

نصيحه ليوم
العلاقات لا تُقاس بطول العشرة إنما تُقاس بجميل الأثر وجميل الأخلاق .. فكم من معرفة قصيرة لكنها بجمالها وهدوئها أعمق وأنقى من أطول معرفة.♥️
*******

دموع لاتغتفر
الكاتبه:ايات جابر

.
.
.
.
قراءة ممتعه

____
دنيا
_________

شاهين:نزلي لسلاح ولي تردينه يجرالج
دنيا:مااريد انا اريد اموت ارتاح منك
شاهين:بس انتي راحتي رافد عوفنااا

دنيا:ليش هيج سويت
شاهين:ذبي السلاح وخليني نحجي ولي تردينه يجرالج
دنيا:تطلگني
شاهين:انطيني السلاح هسه ونتفاهم

تقرب عليه اخذ السلاح من ايدي وگعت بالگاع حضني بحاله ضعف حضنته وبقيت ابجي الجهال يبجون راحلهم رافد خذاني للغرفه الثانيه آمن السلاح وخلاه على الميز

دنيا:عوفني
شاهين:اشششش كافي
دنيا:ليش سويت هيج هاااا ليشششش بشنو قصرررتت وياااك احجي وابجي واضرب على صدره
شاهين:وروح اخوي مو قصه قصور والله مجبور وحتى لو قصرتي انا مااسوي هيج وتدني نفسي علمود غريزه وليش اسوي وعندي مرتي وحلالي خل اسولفلج السالفه وانتي احكمي بس والله غصبن عليه
دنيا:شسولف هاا

شاهين:الرائد من وكلنا بهلمهمه گلنا واحد يدافع عن الثاني واحنا اربعه مايصير نخلي بواحد علمود مصلحتنا اي غلط نتحاسب كلنا من دخلنا لقاعده داعش ردت اكسب ثقتهم شلون ماكان انا وربعي علمود نوصل خططهم لضباط وهمه يتصرفون مجرد عملاء بينهم بيومها نقذت هوه رئيس داعش لي عليهم من الموت وكانت هاي خطه فا هوه ماثق بيه كلش لا جربني بالجواري لي عنده وكانت هاي اجملهن وبنيه هيه محد متقربلها راد يكشفني كانت مو بس روحي بيده لا وروح ربعي الثلاثه لي اهلهم ينتظرونهم بس توصللهم معلومه انه ماسويت لي يردونه نروح بالف يا علي لكن الصدفه انه كان فراس يريدها وكشفته هوه لي قاتل اخوي اجيت اكتله وضربني وشرد گعدت مااعرف الصار صح لگيت قميصي منزوع بس مااعرف لي صار وداعة اطفالي لي بعدهم ماكبرو وروح اخوي مااعرف لي صار

دنيا:بس نمت وياها ولي تگوله لي گلته لها
شاهين:ولج انتي مرتي روحي من الدنيا شنو هلقذره تشبهين روحج بيها هاا دنيا وروح اهلي اعشگج وماعندي بالدنيا غيرج انتي مخبل انا افضل وحده عليج
دنيا:هواي اذيتني شاهين قبل لا ألم الجرح القديم تفتحلي واحد جديد
شاهين:والله اعتذر وانا اسفه وندمان على كلشي صار بس والله غصبن عليه شي مااگدر اسيطر عليه گلبي يحبج يابنت الناس وعاشگج الموت حق مو لكن انا بكل الطرق بعدته عني وجنت خايف يجيلي وانا ماشبعت منج