دموع لا تغتفر

البارت الرابع والعشرون

صباح الخير لعيونكم الجميلات💕🥺🥰
شلونكم شخباركم

اولاً التفاعل ماينطي واهس لواحد يكمل ابد والله لاتعليقات لا لايكات لا متابعه لحسابي والله حيل مكسور واهسي 💔😔

ثانياً هوه تفاعلو لان ماعندي شي

ثالثاً شو ماخذاتها سمردحي مدح برافد على فكره هاي فكره جده علمود يكشف كلشي هوه مجرد كان يوصل كلام لجده الله يرحمه وبعدين جده حاجه معارفه وانس لي ساعده ومن مات الشيخ هذال الله يرحمه رافد استلم الموضوع وخلصه لحمدلله

رابعاً وراح ابدي بعركات وصمت وعناد شاهين ودنيا ولحد يتفاجئة من صمت شاهين لان ماسوه شي لعائله الشيخ هذال بلمستقبل تعرفون اوكي قبلاتي لكم🥰😘❤️💕🥺 تفاعلوو عفيه
*********

يگول ؛
اذا خليتچ تغارين
من حُب غيرچ لوحدة
-زحمة اعله الرجال انعد ،🔥

نصيحه اليوم 💕..

‏للسقوط أنواع :
البعض قد يسقط من عثرة .. والبعض قد يسقط من العين .. والبعض قد يسقط من الذاكرة .. والبعض قد يسقط من القلب .. وهو أشدها " 🖇💞 فاانته انتبه جيداً في اختياراتك

____
رافد
________

رافد:عميييي

ركضت عليه لزمته خنگ رضا موته گوه جريناه انا ورحيم وابو رحيم وعلاء تخبل كلش يمكن حس على غلطه وتندم لان ماثق بيها وهوه ضحك عليها وعيشها برعب اتهم مرته لي هيه شرفه گوه طلعناها بقت دنيا واگفه صحت عليها

رافد:ياالله امششي
دنيا:دقيقه

راحت تقدمت لرفل وگفت فوگ راسها لان چانت گاعده بالگاع وتدگ وتنوح وتبجي

دنيا:شنو سويتلج علمود هيج تسوين وياي هاا گعدتج بيتي خدمتج حشمتج ماتعديت عليج بيوم وجنت مبتعده عنج شنو ذنبي انا ان كان زوجي فعلاً قاتل زوجج ليش سويتي هيج
رفل:فدووه اروحلج سامحيني فدوه والله ماجنت اعرف والله عبالي صحيح يحبني والله
دنيا:وشنو شعورج من الزلمه الشردتي وياه طلع داعشي ومستغلج ودمرتي اهلج الله يطلع حوبتي بيج ودموعي وقهري لحمدلله ربي مايخلي عبده مظلوم تبقين انتي البنت النهبت ويه واحد وابقى انا مره شاهين لي الكل يحلف بااسمه

رافد:ام غياث ياالللله

طلعت وعفتهم واحد يكتل بالثاني ومايعرفون شنو يسون رضا شرد وريم ماتعرف الضرب منين يجيلها حل يستاهلون خليهم يعرفون انه الله ربهم وبلاها رفعه لخشوم خليت بالي بعد اذلهم بالبيت وانا اصلاً مامحتاجه راحت لدنيا صعدت بسيارتي وعمي ورحيم جاي يسولفون رحتلهم مسكني عمي من قميصي

شاهين:ولكككك انتههههه ليششش ماگلتلللللييي هاااا خليتنيييي اظلللممم بنت الناسسسس وييياييي
رافد:انا ليوم عرفت واعتقد گتلك لاتسرع علمود لاتندم وهسه نزل ايدك ياعمي عني
شاهين:حسابك بالبيت موهنانه انا اعلمك
رحيم:صلُ على محمد شبيكم
شاهين:اسمعوووووني يابيت هذال والله لااندمكم وعاركم لو زلم اطمونه وحگي مااسكت عنه وانا اعلمكم
رافد:يالله نتوكل خليهم همه يصفون حسابهم واحد ويه الثاني