دموع لا تغتفر

البارت العاشر

صباحو متابعيني العسل 😍😘❤️

طبعاً جداً اسفه واعرف مقصره هواي بهاي قصتي بس خلاص راح ارجعلها لان قصتي الثاني ختمت الجزء الاول منها ورا العيد ارجع اكملها وبلگي قبل العيد اخلص هاي القصه لان عندي قصص جديده حيل مشوقه

نشرت بارت بقصتي الثانيه عازف على قبور اعدائي روحو هناك

وحالياً تفاعلو هنانه وان شاء الله ماراح اقصر بالتنزيل كل يوم الفجر انشر بارت واذا مانشرت معناها لليوم الوراه متفقين حبايبيني هيج وكل مايزيد تفاعلكم انشر اكثر
*******

دموع لاتغتفر
الكاتبه:ايات جابر

.
.
.
.
قراءة ممتعه
+++++++++

يگـول إلـها:
تـرى المـفروض تتـقدس تفاصيلچ..
وارتـب شـعرچ بـ أيـدي وابـوس ايـدچ وأغـنيلچ
و إذا صـابچ تـعب نـامـي..
حـبيبچ بـاقي يـدعـيلچ..♥️
شاهين

_______
رفل
_________

زهره:احجي امي انتي شبيج
رفل:لو شما غلطت لاتتخلين عني
زهره:ياا شبيج ولج
رفل:اخربط المهم نوميني
زهره:ولج يانوم گومي اجهزج لخطوبتج
رفل:اي خوش
زهره:مامرتاحه لهاي الخطوبه وانتي شو صايره ويه حنان كلش شعجب
رفل:لا عادي بس هيه تحاول تتقرب مني

بعد يومين يوم الخطبه بليل

ريم:نزلت هدومج جو بالمخزن
رفل:لا ريم بطلت
ريم:ولج اذا تحبينه ويحبج ليش تعوفينه
رفل:بس ابوي
ريم:معليج وروحي اقعدو ودخلو عن عشيره ومعليكم بعد او روحو لغير محافظه
رفل:هوه گالي انتظرج بنهايه البستان
ريم:خطيه شفي لاجل يحبج مدام هسه الزلم كلها بالديوان انزلي

زهره:رفل ياالله انزلي يمنا هاا ريم انتي هنانه
ريم:اي جنت اسد گلاده رفل
رفل:ياالله هسه انزل وراج😊
ريم:راح انزل ألهيهن وانتي روحي للمخزن هناك عباتج
رفل:اي

نزلت ورحت للمخزن ومااعرف بهاي خطوتي راح ادمر هواي ناس

الحب ليس شخصًا
الحُب هو أفعالنا
هو بذل كل ما نستطيع
حتى وإن كان مجرد تقديم
القطعة الأكبر من الكعكة فحسب
الحب هو فهم أننا نمتلك
القدرة على إيذاء بعضنا
غير أننا سوف نبذل ما نستطيع كله
لضمان ألا نفعل.

هكذا كان الحب في دماغي حينما هربت مع حبيبي واطلقو عليه مقوله (بنت الشيخ نهبت ويه واحد)

فراس:رفل واخخيرراا اجيتيلي عبالي بطلتي بس حبي لج وثقتي بيج خلتني انتظرج هنانه
رفل:فراس انا حيل خايفه خل نمشي لااحد يشوفنا
فراس:انا وياج لاتخافين
رفل:عفيه خل نمشي
فراس:ياالله نروح لسيد يعقدلنا جايبه اوراقج
رفل:اي

مااعرف وين اخذني رحنا لبيت مبين بنائه قديم دگ الباب طلع لنا شيخ شرحله الوضع فراس اول شي رفض بعدين اقتنع وعقدلنا طلعنا من بيته وصرت مرته شرعاً