دموع لا تغتفر

البارت الرابع عشر

السلام عليكم شلونكم حبايبيني اعتذر على التأخير
وعوضتكم بارت طويل

يگول :
زعلانه راحت من وكت
ذيچ البريئه عيونها
چانت عَلي تمطر وفه
بَسّ گلبي چان يخونها
*****
أيھا الصامت المظلم..
أمازلت تنتظر منه أن يأتي أو ان يكتب لك...
عقود من الزمن مررت بها وأنا أجلس بنفس الأريكة وعلى نفس الزاوية وسط الظلام أنتظر...
هو لن يأتي..
لا تعقد الآمال لن يرسل..
هو لا يعلم بظلمتك وصمتك وانتظارك...
سوف يأتي ليل أسوأ من هذه الليلة..
وستشعر أن الظلام الذي يحيط بك كان نورا...
"نصيحة"
كن طبيعيا وإن أردت الإنتظار فانتظر النهار والشروق كبديل للأشخاص.
########

{{دموع لاتغتفر}}
للكاتبه:ايات جابر

.
.
.
.
قراءة ممتعه

**
دنيا
*****————

عظامي متكسره جسمي نحلان تعبانه باوعت لساعه بال١الظهر بوحدي بالغرفه وبيت الشيخ يمتى نمت انا گعدت عدلت عباتي ولبستها وگمت اريد اطلع

مشاعل:هاا گعدتي اجيت اشوفج الشيخه تريدج
دنيا:اي بس وين الحمامات خل اغسل

خذتني للحمامات غسلت عدلت شالي ولفيت عباتي وطلعت لگيتها منتظرتني

مشاعل:ياالله تعالي بعدنا مامتغدين ننتظرج
دنيا:ليش جان تغديتو انا رايحه لبيتي
وداد:شنو لبيتج عيب عليج ننتظرج احنا وبيت الشيخ هذا وامي الشيخه تريدج ياالله امشي

الشيخه:هلا يمه گعدتي نوم العافيه مبين البارحه ابو غياث مامنومج😉
دنيا:اي مو ايده تأذيه خطيه
كمايل:هههه لاتستحين منه كلنا بالهوه سوه عگاب گعد معصب لبارحه نام والشيخ گعده علمود شاهين وگله بعدين نطلع لفاتحه ب....
الشيخه:هوه عمج متسودن على ولده كلش
وداد:وهذا الغدا جهز ياالله تفضلن

شفت غداهم لحم وفواكه وخبز وخيرات الله هواي انا مااگله لحم واصلاً مالي نفس بلاااكل بالي يم شاهين ومااعرف وصل لو لا

الشيخه:اكلي يمه والله الحافظ شاهين ان شاء الله
دنيا:جاي اكل
مشاعل:شتاكلين هالتنقش لاتستحين نگوم عنج
دنيا:لا والله منين استحي خواتي انتن بس انا مامشتهيه ومااكل اللحم

الشيخه:ياا شنو تردين شي هسه يسولج البنات
دنيا:والله مااريد هاي نعمه لحمدلله گدامي والله يكثر خيركم يشيلن البنات ويخلن گدامي فواكه تمر لبن زلاطه كليت شويه وگمت رحت غسلت ورجعت لگيتهن يلمن السفره ردت اساعدهن ماقبلن جابن الچاي شربنا گعدت شويه وياهن گتلهن اريد اروح لبيتي حتى تلفوني بالبيت لو يدگ عليه شاهين ماادري

كمايل:دنيا ابن حماج يريدج برا
دنيا:موجود هوه عبالي راح

گمت رحتله طلعت يم الباب مال الاستقبال

رافد:شلونج شلون صرتي
دنيا:عادي انته شلونك
رافد:نفسج انا
دنيا:رافد شلون راح نتحمل غيابه😭
رافد:كافي تبجين وادعيله يرجع سالم مايفيد البجي ابد
دنيا:مااتصل عليك
رافد:مااتصل وهوه گلي لاتتصل عليه ابد
دنيا:حتى انا گلي لاتتصلين
رافد:الله كريم محتاجه شي لان اريد اروح لخوالي
دنيا:سلامتك بس اخذني وياك للبيت
رافد:انا بس هالفتره وانقل مدرستي هنانه
دنيا:براحتك اترخص من الشيخه واجيلك
رافد:انتظرج