دموع لا تغتفر

بارت الحادي عشر

صباح الخير🍃💕

اكو وحده من متابعاتي الجميلات طلبت دعون لاامها واخوها ادعولها فدوه دعاء اربعين شخص غريب مستجاب ربي يشافيهم

دموع لاتغتفر
للكاتبه:ايات جابر

.
.
.
.
قراءة ممتعه
****

يگول ؛
اذا خليتچ تغارين
من حُب غيرچ لوحدة
زحمة اعله الرجال انعد ،🔥

أدركتُ مؤخرًا بأنّه كلما كتم المرء أحزانه وراكمها، كلما تحولت تدريجيًا إلى آلام جسدية، تخيلوا مدى هشاشة المرء حين يظن أن الكتمان انتصار، بينما في الحقيقة هي أكبر هزيمة قد يرتكبها بحق نفسه..!!💔

بطلتي الثالثه ليوم تتحدث
______
دنيا
__________

رفل:بس ردت اشرب ماي
دنيا:تفضلي هذا البراد
رفل:اسفه يمكن جاي ازحمج وياي
دنيا:مو مشكله

نار احس بگلبي ومااعرف شلون اطفيها خايفه تعبانه مرعوبه داخله بحاله انذار خايفه على شاهين يسوي شي لرجلها وخايفه شاهين يطلگني وين جانتلي هاي ومنين طعتلي عايزه انا مصايب ربي فدوه اروحلك ماارتاح مكتوبلي العذاب من زغري كملت عشاي دخلت اسبح شفت الساعه ٧ وبعده ماراجع شلت تلفوني ردت اتصل عليه اتصلت عليه اختي مروه فرحت والله مشتاقتلها حتى ماشفتها لابخطوبتي هههه هوه على اساس اكو خطوبه

دنيا:الوو هلا مروه
مروه:هلا بيج بعد روحي شلونج
دنيا:لحمدلله انتي شلونج جهالج شلونهم مشتاقتلج والله
مروه:لحمدلله كلهم بخير والله وانا مشتاقتلج شلون رجلج وياج حتى مااجيت وشفتج
دنيا:لحمدلله زين
مروه:والله لبارحه گلت لضياء خل نروح نشوفهم
گال شيوديني لبيت الشيخ انا
دنيا:شدعواته مشتاقتلج والله
مروه:انتي شلون حياتج ويه رجلج
دنيا:لحمدلله زينين خوش رجال
مروه:لحمدلله والشكر بالكي يخاف الله بيج ويگول يتيمه عدج حموات عمه

دنيا:لا خيه هوه وحيد فريد اهله ماتو امه وابوه واخوه هسه عنده بس ابن اخوه وسالفه اهله هم الله يعينه طويله لي سولفلياه من ورا بيت الشيخ توفه ابوه وبعدين امهم ماتحملت وماتت
مروه:ياا خطيه جا هذا حظج رجلج اخس منج
دنيا:لحمدلله على كل حال المهم هسه هوه عندي يسوه الدنيا
مروه:الله يخليه لج ويفرجها عليج ويوفقج بحياتج
دنيا:وين يوفقني وهوه رايح باجر يتطوع بالحشد

مروه:يااا فلك توكم معرسين
دنيا:بعد يگول ماموريه وكان لازم اداوم من هذاك الخميس بس تزوجنا بيه بعد الله كريم
مروه:ونعم باالله ياالله اجا ضياء خل اروح مع السلامه
دنيا:الله وياج

جنت منطيه ظهري للميز اريد ارتب غراضي لان غلست مااتصل على شاهين مااحس له حوطني واحد من خصري ودفن راسه برگبتي عرفته شاهين بس مو عطره

دنيا:شاهين شاهين
شاهين:هممم عوفيني هيج

لتفت عليه اشوف دشداشته دم وايدي ملفوفه صح ولطمت على خدودي