مبعثر فيك ماللحزن لايشفى

البارت الرابع عشر

البارت الرابع عشر

خذت بلقيس سيف ولفلفته بمنشفه كبيره ..
سيف خذ منشفه من ع الكرسي ويتلفت ..:
وين مهره .. غريب ماطلعت .. !
بلقيس شالت سيف: عاد هي قالت بتطلع .. بس يمكن راحت تساعد امي ..
فارس يتلفت وهو قاعد على كرسي :
او تلاقيها راحت تقصص في الزاريع ..ماتوب هالفلاحه ..
ضحكت بلقيس :
تموت في الأعمال الشاقه ..
سيف دخل .. وراح يناديها .. طل على امه في المطبخ..: مهره يمك .. ؟
موضي : لا ماشفتها .. ماطلعت لكم .. ؟!

استغرب .. وطل من باب المطبخ بره على ابوه ونواف يشعلون الفحم ..:
مامرت مهره يمكم ..
ضحك سعود وغمز لنواف :
ولدنا قضا يانواف .. يدور على مهره .. كنها بزر وشرد..
نواف يضحك : يسمونها خرفنه يبه .. كبيرنا تخرفن
سيف :الشرهه ماهو عليكم .. علي جاي اسئل ..
.......
مهره كانت تمشي في اراضي المزرعه .. كأنها تهرب .. بس ماتدري وين ..
تتخيل ذاك اليوم .. بتفاصيله ..
وقفت وهي تحط كفها على جذع شجره .. شردت بصدمه ..
عساف ..
هو عساف ..
اصلاً ياما مواقف .. شفت عساف بعيونه .. شفته في حدته وألفاضه ..
لما يرمِّي علي بالحكي .. !
لما يطالعني نظرة اتهام .. !

مسكت راسها:
ايشششش بسوي .. راح اجن .. والله بجن .. كيف ينخدعون كلهم فيه ..
تلفتت .. وباهستيريا :
لازم اخذ ولدي واختفي عن هالمريض .. ماراح اخليه يلعب بعمري من جديد ..
ارجعت للفيلا .. !!
مالقت اغراضها .. اكيد صعدتهم الخادمه فوق ..
راحت بسرعه .. في الغرفه اللي لها ولسيف .. دخلت ..
بعصبيه ..راحت تجمع اشياءها .. جسمها كله يرتجف ..

طلع سيف من دورة المياه .. باستغراب : وينك مختفيه .. من مساع ..
مهره تقفل الشنطه : ابي ارجع .. سيف .. ابي اروح لجديده ..
عقد حواجبه .. : تستهبلين .. ؟!
مهره وقفت .. وبانفعال ماهي عارفه تسيطر عليه:
لااا ماستهبل .. مابي اظل ولادقيقه .. اخذني من هنا .. اصلا ًولاابي ارجع بيت ابوك .. ابي اروح مزرعتنا .. ابي اروح لجديده ...
سيف مصدوم من تصرفها ..
راقب تحركاتها.. وهي تمسك شعرها عن جبينها ..وتوقف كذا وتطالع الجدار بصدمه .. قرب منها ..
وقف قدامها .. حط كفوفه على كتوفها ويبي يتمالك اعصابه لأنه مو لاقي اي مبرر لتصرفها :
مهره حبيبي .. وش فيك .. ايش صار ..
طالعته بعصبية .. وبعدت عنه وهي تمسك كتوفها :
لاتلمسني .. سيف لاتقرب مني .. لاتحط يدك علي .. احنا زواجنا كله غلط في غلط .. سيف خذني لجديده .. وخلنا نخلص المهزله هذي كلها ..
توسعت عيونه بصدمه ومو فاهم شي ..
صاح فيها :
خبله انتي .. ما انتي صاحيه ..
مهره بتوتر .. تتكلم بعصبيه ..وكنها تكلم نفسها : الحين لو نطلع من هنا ونتوجه على طول للمزرعه .. كم نوصل .. ايه لاني ماراح امر بيتكم ..اتوقع ساعتين .. صح او اقل .. يلا .. بتوديني ولا بكلم ايوب يجي ..

رفعت عيونها وكنها تنتبه وبهلع : سيف وين سيف .. لايكون تركته مع اخوك في المسبح .. والله يتركه يغرق .. عادي يذبحه ..والله يخليه يغرق ويسوي انه مات بدون قصد ..