مبعثر فيك ماللحزن لايشفى

السادس والعشرون

البارت السادس والعشرين

مهره بعد مكالمتها من زينه.. كانت ختمتها وهي على اخر درجه..وهي تقول(انا اكلمها واعزيها.. الله يصبرهم.. انتبهي لحالك واذا عيوش مانامت خليها تجي عندك..)..

في الصاله كانوا سيف ونواف وفارس..
سيف:وش صاير من متوفي..؟!
مهره:اخو زوجة خالي فلاح.. وجديده رايحه عندها.. وظلت هناك.. عشان تكون حولها بايام العزا..
نواف عقد حواجبه:زينه معها..؟!
مهره:لاا.. هذه اشغلتني الله يهديها.. ماراحت.. ماتبي تصادف.. خوات عبدالاله وامه..

نواف بعصبيه :تستهبل.. طيب ليش ماقالت لي اتصرف..  ماتوب اختك.. الحين ابن الكلاب ذاك تجرء و وصل لها هنا ببيتنا..
وقف بانفعال:
من جدها.. وش قعدها الحالها..
سيف:يارجل.. وهو وش يدريه انها لحاله.. اقعد بس.. الدنيا ماهو فوضى..
مهره:والله الوضع وضع انو ممكن يدري.. لان عزا بالعايله.. ولو وحده من خواته بتقول زينه ماجات.. هوبا بيدري انها بالمزرعه..
نواف.. شال مفتاحه.. وجواله :الله يلعنه..
سيف بدهشه:وين..؟!
نواف:بروح لها.. بس مهره لاتقولين لها شي ممكن..
مهره ابتسمت:ممكن..!
فارس بضحك:يلعن ابوو الحب شيسوي بالواحد..

خلاهم وطلع..
مهره:ياحليل نواف.. والله شكله صدق حب زوين..
سيف وفارس تطالعوا..
مهره:شهالنظرات.. وش فيكم..
فارس :نخاف نقولك وتفتنين..؟!
مهره بتسائل:وش.. قل فارس..
سيف باسترخاء:ان درا عمك بيعلقك.. ويصلخ جلدك..
ضحك فارس:والله لساني ياكلني.. مهره بقولك.. بس امانه ماتقولين لزينه شي..
مهره :اييييييه..؟!
وخر لها فارس.. كلشي يعرفه عن حب نواف لزينه.. بالزمان والمكان وكلشي..
ومهره مصدومه.. من هالحقيقه..! :
طيب ورى مايقول لها..
سيف:على قوله لغايه في نفسه.!.

******

توسعت عيونها وتبي تصرخ..
وذراعه القويه تحوطها..
همس في اذنها :
انا.. يافالحه.. انكتمي ولاتصرخين..
وشال كفه..
وهي بذهول :نـ.. نواف..!

هدها.. والتفتت عليه وبصياح:خبل انت.. بغى قلبي يوقف.. ورب الكعبه..يبست..
هو بانفعال:ودامك خوافه وماتعرفين تصرفين.. وش مقعدك لحالك..
زينه بانفعال:عاد وانا وين قاعده فيه ترى بيتنا.. وترى مالك اي حق  تدخل بهالاسلوب وترعبني..

نواف واللي كان معصب اصلا منها:
والله ترى بنفس الاسلوب اللي انا دخلته.. ممكن اي احد غيري يدخل.. ترى انتوا بمزرعه.. وعندكم عزاء.. ومجتمعكم صغير.. لو الكلب عبدالاله سواها وش كنتي بتسوين..
زينه وهي تتحرك باعصبية :ماراح يسوي شي.. خلصنا منه.. وانتهينا.. ذا مب مبرر لك تجي بهالاسلوب.. اففف نواف.. اففف..
شافها كيف راحت جهة كرتون مويه  على جنب.. وخذت علبه فرغتها بجوفها وهي ترتجف..
وافتحت ثانيه.. ارشحت وجهها ورقبتها.. وظلت كذا سانده كفها في جدار وكنها تبي تسيطر على نفسها..
ظل يناظرها كذا.. ورحمها.. كيف خافت راح لها حط يده على كتفها:
طيب زينه نعتذر.. ومنكم السماح..
بعدت كتفها.. وهي ترمي العلبه على الارض.. وتركته بالصاله.. ودخلت غرفتها.. وسكرت الباب..!
.....
بعد اشوي..
راح فتح عليها .. ولقاها.. قاعده ترتب.. وتحط باقي الاكياس في الشنطه بعصبيه وتقفلها..
ابتسم.. على مودها وشكلها وهي معصبه عليه.. سكر الباب..
وهو يتلفت في غرفتها.. مرتبه ترتيب.. اللي ولاغلطه مع بساطة الاثاث.. الا ان كلشي فيها يلفت الانتباه.. تركها.. وراح يتأمل في تفاصيل غرفتها وعالمها..
تأمل.. لوحات النسيج.. على الجدران.. وكلها تحمل توقيعها المطرز تحت اللوحات..
ارفف عليها شموع وكتب اغلبها انجليزيه.. وتخص الصوف والنسيج..
شال فريم من على الكومدينا.. فيه هم الثلاثه بعمر صغير..
ابتسم.. على جمال الصوره.. وكيف سندس في الوسط وتحاول تحاوطهم ثنتينهم..
شال فريم ثاني.. فيه صورة ابوهم..
الا سحبته منه:
من سمح لك تلعب في اشيائي..
رفع حاجب:
انتي وماتمتلكين لي..
حطت الفريم وبسخرية: ياشيخ..!!
راح عند الرفوف.. : غرفتك.. تشهي للقافه..