مبعثر فيك ماللحزن لايشفى

البارت الخامس

البارت الخامس

شردت مهره من نافذة السياره .. وكانت في المقعد الأمامي في سيارة سيف ..
بترجع معاه . لبيته ..
وسيف الصغير نايم ورى ..

من شوي .. بعد ماكلمها وقال بيمرها ..
كانت سندس وزينه جالسين ع الطاوله بره .. يشربون شاي العصريه ..
جات لهم بره وبربكه : سيف بيمرني ..الحين .. وبروح ..
زينه بحنيه قامت لها وضمتها:
بعد قلبي .. ان شاء الله زواجة الدهر والعمر ..
سندس ضلت معطتها ظهرها وتشرب بالاستكانه بدون تلتفت ..
ابتسمت مهره بتأثر وبوست زينه :
بفقدك زينه .. عاد امانه .. لاتخلون الخميس تعالوا حفلتي ..
زينه وخلاص بتبكي ..راحت ضمتها من جديد .. :
اكيد يابعدهم .. واحنا نقدر نخليك .. اليوم بروح واطق لي هاك الفستان الزين .. فرحانه عشانك والله ..
بلعت مهره ريقها بغصه وتطالع ظهر سندس :
سندس ..بتجين صح ..؟!
مالتفتت عليها..
كررت برجا : سندس .. قولي لي انك بتجين .. ردي علي ..
زينه ببتسامه تدف مهره لداخل : بتجي .. غصب عنها .. روحي جهزي قبل يوصل سيف .. قلتي لجديده ..؟!
مهره باحباط وعينها على سندس :
قلت لها .. قاعده تطلع ذهبي عشان اخذه معي ..
زينه : تمام .. بدلي وحطي لك ميك اب خفيف .. يلا حبيبتي  .
وهم في الصاله الداخليه .. مهره : تكفين زينه كلميها ..تسويها سندس وماتجي ..
زينه : يابنتي ماعليك منها .. يلا لاتتأخرين ع الرجال .. ويصير ممشاكم كله ليل ..
مهره : طيب زينه لبسي سيف .. في بدله كويتها له ع الكنب ..
زينه: ابشري ..من عيوني ..

مشت من عندهم .. وسندس .. تحاشت تكون موجوده لوداعها .. يالله وش قد زعلانه منها .. !!

.

.

.

التفت سيف عليها وهي شارده وحب يتحرش فيها ويطلعها من حزنها :
الوووو ..
التفتت وابتسمت بخفوت:
هلااا ..
سيف : وراه يابنت .. وش هالصمت .. قولي شي ..
هزت كتوفها وبحيرتها وضياعها : مادري والله وش اقول ..
التفت وعطاها نظره .. ومد يده لخدها.. قرصه :
قولي اي شي .. اسئلي .. صيري فضوليه .. شفتي بذا الطريق .. لو تامرين على خصوصياتي طرحتها لك بدون تحفظ ..
ضحكت :
مُصر ان ميته واعرف خصوصياتك ..
رفع حاجب :
والله يامهره .. اني اعرض عليك شي .. بتدورينه مع الأيام .. بس هي فرصه وبتقضي مع وصولنا ..
مهره : ياشيخ ..؟!
سيف وبثقه بنفسه : انتي الخسرانه والله . .
مهره بدلع عفوي :
بالله لاتفكر اني كذا بتخرفن وبقولك تكفى .. الكلام هذا ..مثلا ً ممكن يغري نوف ..هيا .. بس انا لا ..
مد شفته ورفع حاجبه :
طيب وان قلت لك .. العرض ذا لم يسبقكِ عليه احد ..
مهره كذا حطت كوعها على التنده وتتكلم :
تبي تقنعني .. انك ماتجاوب على فضول زوجاتك .. من قبل ..
هز راسه نفي : لا .. !
مهره تبي توقعه: يعني لما تجي من نوف وتقولك هيا .. وش عشتك نوف ..؟! .. ماتقول ..
سيف : ابد .. مالها دخل .. كل وحده لها حياتها الخاصه ..الثانيه مالها حق انها تعرف ..
مهره : طيب تمام .. خلينا من عشى نوف .. لما نوف تقولك .. وش لبست وانت رايح لهيا .. رسمي شماغ وكذا .. ولا كاجوال .. تجاوب ..
ضحك : يهمك تعرفين .. ؟!
مهره : ايش اللي يهمني . انا اضرب لك مثال ..تجاوب على نوف ولا ..
سيف بمكر :
ماجاوب على نوف.. بس لوتسئلين الحين هالسؤال بجاوب ..بما اني معطيك الضوء الاخضر ..
مهره : طبعا ً ماراح يهمني .. اسئل .. هذي خصوصياتك اللي ماتعنيني ..
سيف : بس يمكن خصوصياتك تعنيني .. فلازم تجاوبين ..  لو سئلتك ..
مهره :بالله .. اضف لشروط هالزواج ماحد له دخل بخصوصيات الثاني ..
سيف ببرود وابتسامه طالعها بجنب عينه :
طيب خلينا نجرب ..لابسه قميص او بادي . 
مهره بنص عيون : ايش دراك يمكن فستان ..
سيف بمكر ..: شفتك لابسه  جنز ..  بين وانتي تركبين ..
مهره توسعت عيونها :
مااااشااء الله ..!!!!!!
سيف : واللحين جاوبيني .. بدي .. ولاقميص..
مهره ..:
وانا قلت مالك دخل في خصوصياتي .. لازم تلتزم بالشرط ..
سيف : بس انا ما وافقت عليه .. 
مهره تسند وتتكتف : اجل انتظر اللي بيجاوبك ..
سيف وبدون مقدمات .. سحب عباتها من فوق بخفها .وفتحها .. وقبل تستوعب .. سحب بلوزتها من فوق ..
والقى نظره :
قميص .. كنت متوقع ..
شهقت وهي تضرب يده وتضب عباتها : سيف ..!!!!
ابتسم  وهو يرجع يركز في الطريق :
ماراح انتظرك تسمحين لي بخصوصياتك .. لابغيت اعرفها .. جاوبي ولا اعرف بطريقتي ..