مبعثر فيك ماللحزن لايشفى

الثاني والعشرون

البارت الثاني والعشرون

وتمر الأيام..
وتمضي بابطالنا..
والآن شعبان..

نبذه عن بعض الأوضاع..!
*مهره حملها سيطر على الاجواء.. والكل فرحان.. الطفل.. اللي كسر قاعدة سيف..بأنه يخلف من غير نجود..!
وطبعاً قبله مهره اللي غيرت كل حياته.. وازاحت كل الحزن والهموم.. اللي كانت مشوهه داخله..!

*شاهين عرف ان جمان بإيطاليا.. وضبط جدول رحلاته.. انُ يكون اغلبها على روما.. بحث في كل مكان يعرفه وزاروه سوى.. خاصه.. ان شهر عسلهم كان هناك.. بس عجز..
زار مكان دراستها..حاول يطيح على اي شي ممكن يوصله لها.. لكن..!
الوضع كان استحالي..
ابوها واخوانها.. حاولوا يساعدونه.. بأي شي يعرفونه.. بس ماوصلوا..
خاصه ان جمان عاشت حول الأربع سنوات هناك.. وكانت لها علاقاتها.. وتنقلاتها.. بحكم دراسة الرسم..!

*جمان.. ترسل احيان لابوها ايميل.. تطمنه.. بس ماكانت تتجاوب مع اي ايميل سؤال.. او محاولة اقناع في الرجوع..
باتت سجينه في عناد مرضي.. ومتشبكه بطفل.. كالبنيان الآيل للسقوط.. حذرها الاطباء.. ان حملها صعب.. واوصوها بالابتعاد عن كل مايثير عصبيتها.. او غضبها..
وشاهين..
لاتجد له.. الا كل حنق وغضب ورغبه بالافتراس..!!

*هادي وبلقيس.. وعجز هائل في المواجهه.. موضوع بلقيس معلق..عند ابوها..!
وهادي مقتنع.. دام ماقام بهالخطوه قبل.. ايش صورته وهو يقطع الخط على ولد عمها.. ويقنع نفسه.. ان ذا افضل لها..!..
احسن من الناس تاكله بانه طمع فيها.. وانهم يثيرون الجدل بالفارق بينهم..!
بلقيس كانت غاضبه منه.. و ماعادت تتواصل معه.. ووصلت لنتيجه.. ان قطع العلاقه مع هادي افضل حل..!
حتى لو ماتزوجت شبيب..

*زينه.. تعيش براحه وخفه.. ومايعكر صفوها.. الا الحاح عبد الإله.. ورسايله.. انه يبي يرجعها.. وابوه تواصل مع جدتها.. والجده رفضت.. هو حاليا ً.. بمصر.. ومن جد يتعالج.. هي تتمنى له كل خير بس بعيد عنها.. عدم يأسه فيها مقلقها..

__في صباح جميل.. الخوات في مزرعة صبحا.. مبيتين.. وفالينها.. والجده اللي كانت معودتهم على الحنه في شعبان كاطقس شعبي..

مهره صاحيه الصبح..
وتستفرغ بالحمام..وتبكي.. وتهاوش.. لانها كانت رافضه الطبوقه والجده اصرت.. ومع الوحم ريحة الحنه لعبت بحسبتها..
وسندس تضحك عند الباب.. وتطق:
طيب خلاص فتحي يازبده.. لايغمى عليك..
مهره:بموووت سندس.. الشرهه مب عليكم على اللي يطيعكم.. ريحة الحنه بكل مكان.. شسوي.. شسوي..
زينه تطق:طيب اطلعي.. اخذي ليمون.. تخفف لوعتك..
مهره تصارخ :مابي شي.. مابي شي.. انتي متخيله اتمضمض.. والحنا بيدي.. ارشح وجهي واشمه..شهالحاله..!!!!!
وشهقت:.. خشمي قام ينزل منه دم..
انصفقت وجيهم..
وسندس تطق :فتحي.. ياتبن..مهير فتحي خلاص..
زينه:بعدي عن الباب.. بشوته..
افتحت.. وحاطه فوطه بخشمها.. ووجهها اصفر.. :سندس.. من جد انا تعبانه.. حاسة الشم تلفت.. والتذوق.. والدنيا.. انا ابد مو طبيعيه..