اسكريبتات

ماما والتليفون😠

#لـِ مريم نصر "ظلال خفية"

#ماما والتليفون.

نوال :
"قومي يا زفتة الطين ذاكري وسيبي الزفت اللي في ايدك ده."
سما بضيق :
"حاضر يا ماما."

وتركت سما هاتفها وذهبت إلى غرفتها لكي تبدأ في المذاكره كما امرتها والدتها ولكن وهي منهمكه في المذاكره قامت والدتها بالنداء عليها.

سما :
" نعم يا ماما؟ "
نوال :
"تعالي ثواني."
سما :
" حاضر."

وذهبت سما إلى مكان تواجد والدتها حيث كانت في المطبخ.

سما :
" نعم؟ "
نوال :
"تعالي خلصي المواعين دي."
سما بتذمر :
"حاضر."

وكلما انتهت سما وجدت والدتها تضع لها أواني اخرى وفي نفس الوقت تطلب ان تفعل أشياء اخرى كثيرة.

سما بتذمر :
" يا ماما يلا انا ورايا حاجات."
نوال بزعيق :
"ليه أن شاء الله؟ وهو لما بتفضلي قاعده على الزفت ده مش بيبقى وراكي حاجات؟"
سما :
"امركم عجيب يا أيها الأمهات، نذاكر مايعجبش مانذكرش برضو مايعجبش، طب نعملكوا ايه؟"
نوال :
"لمى نفسك يا حيوانة."
سما :
"يا ماما افهمي انتي مش عايزانى امسك الفون علشان ماتعطلش عن المذاكره طب ما انتي كده بتعطليني."
نوال :
" بت غوري من هنا."
سما :
" والله يا نونو انا مابقتش فهمالك حاجه."
نوال :
" ليه يا روح امك مجنونه؟"
سما :
" مين الحمار اللي قال كده؟ المهم يلا سلام بقى."
نوال :
" تعالي يا زفته كملي بقيت المطبخ."
سما :
" يا مرررررري."

والله العظيم ماما لسه عاملة معايا كده من شوية فعشان كده قررت اكتب الاسكريبت ده، مين مامته بتعمل فيه كده؟

#لـِ مريم نصر "ظلال خفية"