اسكريبتات

عيد ميلادي💕😊

#لـِ مريم نصر "ظلال خفية"

#عيد ميلادي.

مروة بنداء :
"اشاااااف يا اشاااااف."
اشرف بملل :
"يا ربي مخلف سواق توكتوك، ايه اشاااف دي يا بت؟ عيب انا زي ابوكي."
مروة بسعادة :
"يا اشرف انا كبيرة وبقي عندي ١٦ سنة فبراحتي بقى."
اشرف برفعة حاجب :
"اه يا قليلة الربايه."
مروة ببرود :
" شكرا يا حاج بس ماتنساش انك اللي مربيني."
اشرف ومازال على حاله :
"امشي يا بت مش ناقصه صداع."
مروة بدلع وهي تقترب لتجلس بجانبه :
" بابا."

فنظر لها اشرف ببرود ثم نظر إلى الجانب الاخر.

مروة بدلع :
"بابي، دادي، يا اباااااا. "
اشرف بملل :
" مخلف غفير يا ربي، عايزه ايه يا زفته؟ "
مروة بدلع مصطنع :
" اباااا انا عايزه اتدوز."
اشرف برفعة حاجب :
" تتت ايه يا اختي؟"
مروة بخجل مصطنع :
"عايزه اتجوز."
اشرف بصوت مرتفع :
"الحزاااااام فين الحزاااااام؟"
مروة بخوف :
" ايه يا حاج؟ اهدي انا كنت بهزر معاك، انا عايزه هديه بس."
اشرف وهو على وشك الانفجار في وجهها :
" مافيش زفته غوووري."
مروة بحديث غير مفهوم وهي تبتعد :
" ايه الظلم ده؟ انا بس، مش عارفه ايه ده، حاجه وحشه."

ثم ذهبت إلى مكان جلوس والدتها وبدأت تقترب منها.

مروة بدلع :
" صفصف."
انصاف بلامبالاة :
" ايه؟"
مروة ومازالت على وضعها :
"مش فاكره حاجه النهارده؟"
انصاف بلا اهتمام :
"حرب أكتوبر؟"
مروة بتذمر :
"حرب أكتوبر ايه يا ماما اللي هتبقى يوم ٢٣ أكتوبر؟"
انصاف ومازالت على وضعها :
"ذكرى وفاتك؟"
مروة بصدمه :
"ليه وهو انا مت؟ ماكنتش اعرف اول مره اعرف اني مت، كده تخبو عليا كل ده؟ ده مش عدل على فكره."
انصاف بملل :
"امشي يا بت من هنا يلا."
مروة برجاء :
"يا ماما النهارده عيد ميلادي عااايزه هديه."
انصاف ببعض الغضب :
"مافيش هدايا يلا على اوضتك بلاش صداع."
مروة وهي تذهب إلى غرفتها :
" هما ليه مش عايزين يقتنعوا اني كبرت وبقى عندي ١٦ سنة؟ وماينفعش اتعامل معاملة الحمير دي؟ يا رب صبرني، انا مش عارفه ليه ماحدش عايز يجبلي هديه يعني اجيب هديه لنفسي مثلا؟ "

#لـِ مريم نصر "ظلال خفية"

الاسكريبت ده كان المفروض انزله يوم ٢٣ يوم ميلادى بس حصل مشكله وماقدرتش اكتبه ولا انزله ولسه كاتباه حالا يلا اسمع احلى كل سنة وانتي طيبة واللي يقدر يجيب هديه مش هعترض والله😂😂😂😂