اسكريبتات

لجنة الامتحان😳

#لـِ مريم نصر "ظلال خفية"

#لجنة الامتحان.

أروى :
"هو مين واقف علينا؟ "
ياسمين :
" مستر أحمد. "
أروى :
" يا ليله غبره، ده احنا ليلتنا طين. "
ياسمين بإستغراب :
" ليه؟ "
أروى :
" يا بنتي انتي ماتعرفيش مستر أحمد ده انتي لو مديتي ايدك علشان تاخدي القلم هيعملك محضر غش."
ياسمين :
"للدرجادي؟ "
أروى :
" انا عايزه عريس."
ياسمين :
" يا شيخه اتنيلي."
أروى :
" طب فكري معايا كده ممكن الامتحانات تتلغي؟"
ياسمين :
"هل انتي هبله؟ هل انتي أنثى برأس كلب؟ ده احنا في اللجنة اساسًا وربع ساعة وهنستلم الامتحان. "
أروى :
" كنتي صغيرة يا بنتي، ماكنش يومك يا صغيرة على الموت يا أروى يا بت عفاف."
ياسمين :
"يا بت اتهدي. "
أروى :
"انا اساسًا روحت لعفاف وقولتلها يا أمي انا ماينفعش معايا التعليم انا اساسًا ماينفعش اخرج من بيت ابويا غير على بيت زوجي قرة عيني، راحت قالتلي لا احنا بنعلم البنت قبل الولد، يا ريتني كنت ولد يا امي كان في احتمال ماتعلمش."
ياسمين بضحك :
"خلاص كفايه هموت يخربيتك."
أروى بغيظ :
" بتضحكي؟! طب إلهي تشرقي وروحك تطلع يا ياسمين يا بت الوليه اللي اسمها وفاء. "
ياسمين :
" الله يحرقك، وليه في عينك يا بعيده. "
أحمد :
" يلا يا بنات كل واحده مكانها علشان اسلمكم الامتحان."

وذهبت كل فتاة الي مكان جلوسها في انتظار توزيع اوراق الاختبار وبالفعل استلمت كل فتاة اختبارها.

أروى :
" نهار اسود، مفيش حاجه من اللي ذاكرتها موجوده."  أحمد :
" في حاجه يا أروى؟"
أروى :
"استنى كده ممكن مايغماش عليا."

واغمى عليها 😂
ده حالنا في الامتحانات دلوقتي😂

#لـِ مريم نصر "ظلال خفية"