اسكريبتات

الفرح🤭

#لـِ مريم نصر "ظلال خفية"

#الفرح.

كانت تجلس دهب وهي ترتدي فستان زفافها في احد صالونات التجميل تنتظر ان يأتي عريسها ليأخذها ولكن كالعادة تأخر فهو دائمًا ما يتأخر فقامت بالاتصال به.

دهب بتساؤل :
"انت فيين؟"
عمر بهدوء :
"بلف بالعربية."
دهب بغضب :
"وحياااات طنط؟ أنجز يااا عم انا مخلصه بقالي تالت ساعات ومستنيه حضرتك تيجي تاخدني."
عمر ببرود :
"طب اهدي انا جااي اهوو."
دهب بغيظ :
"ياا عم يخربيت برووووودككك."
عمر بهدوء :
"سلااام."
دهب بصراخ :
"اهه باااااارد."

وظلت منتظره ساعة أخرى، فنهضت واتجهت إلى مصففة الشعر.

دهب بهمس :
" عندكم سكينة؟"
الفتاة بتعجب :
" لييه؟"
دهب بغضب :
" انا بسألك دلوقتي عندكم سكينة ولا لا؟"
الفتاة بقلق :
"ايوه."
دهب بشر :
" طب هاتيها."

وبالفعل أحضرت الفتاة السكين لدهب فأخذتها منها وجلست في مكانها بهدوء وبعد قليل استمعت إلى زغاريط ودلفت شقيقتها.

ضحى بابتسامة :
" العريس جيييه يااا بت."
دهب بشر :
"جاااي لقدره."
ضحى بتعجب :
" انتي ماسكه سكينة لييه؟"
دهب بابتسامة مزيفه :
"لا مفيش كنت باكل تفاحه."
ضحى بعدم اقتناع :
"امم."
دهب بهدوء مصطنع :
"خليييه يدخل."

وبالفعل دلف عمر وهو يبتسم ولكن زالت ابتسامته عندما رأى دهب جالسة وتضع قدم على الأخرى وتمسك في يدها السكين وتمررها على اصبعها.

عمر بتوتر :
" ايه الجمال ده يا حبيبتي؟"
دهب بشر :
" قصدك جمال عبد الناااصر."
عمر بتعجب :
" هو في ايه؟"

فنهضت دهب ووقفت أمامه ووضعت السكين على رقبته.

دهب بشر :
"اتأخرت لييه؟"
عمر بخوف :
"م...ما انتي عارفة السكة بتبقى زحمة ازاي."
دهب بهدوء مصطنع :
"هعمل نفسي مصدقاك."
عمر بتوتر :
" نزلي السكينة بقى."
دهب بغضب مكتوم :
" ماشي ده علشان اعدي اليوم بس."

ثم قامت بوضع السكين على الطاولة وخرجت مع عمر وهي تنظر له بشر كل دقيقة.

عمر بهمس :
"هو انا اتجوزت سفااح ولا اييه؟"

#لـِ مريم نصر "ظلال خفية"