اسكريبتات

جرائم القتل😁

#لـِ مريم نصر "ظلال خفية"

#جرائم القتل.

دلف إلى غرفة الطعام لكي يرى ماذا تفعل زوجته ولكنه وجدها تمسك بالسكين وتضع سنها على اصبعها وهي تتأملها وتفكر في شيء ما.

زياد بتعجب :
"بتعملي ايه؟"
ايلين بأنتباه :
"ولا حاجه."
زياد بتساؤل :
"اومال واقفه وماسكه السكينة مبحلقه فيها كده ليه؟"

فنظرت له إيلين بهدوء ثم اقتربت منه ببطء وعندما أصبحت أمامه في غفلة منه وضعت السكين على رقبته.

زياد بخوف :
"انتي بتعملي ايه؟"
ايلين بشر :
"انت مش بتقرى الاخبار ولا ايه؟"
زياد وهو يبتلع ريقه بتوتر :
"ليه هو في حاجه؟"
ايلين بابتسامة مختله :
" اصل جرايم القتل زادت اووي والستات عماله تقتل في اجوازها فعجبتني الفكرة."
زياد بتوتر :
"عايزه تقتليني يا ايلين بعد العمر ده كله؟"
ايلين برفعة حاجب :
"انت هتستعبط؟ دول هما شهرين."
زياد بتساؤل :
"طب عايزه ايه؟"

ايلين بابتسامة :
" مش هعمل شاي ولا هعمل اكل ولا هكوي ولا هعمل اي حاجه من اللي بعملها."
زياد بتوتر وهو يحاول أبعاد السكين عن عنقه :
" خلاص يا حبيبتي ولا تزعلي نفسك، هجيب اكل جاهز وهودي الهدوم للمكوجي ومش هشرب شاي أو ابقى اشرب على القهوة."
ايلين بسعادة :
" كووييس."
زياد بابتسامة :
" ممكن بقى تنزلي السكينة؟ "
ايلين بإيماء :
" ماشي بس خليك شاطر بقى واسمع الكلام."
زياد بسرعة :
"حاضر."

وعندما اخفضت ايلين السكين وادارت ظهرها له.

زياد بتعجب :
" بت الهبله كانت هتقتلني علشان بتعمل واجباتها كأي زوجه."

فالتفتت له ايلين وهي تنظر إلى السكين الذي بيدها بشر.

ايلين بشر :
"بتقول حاجه يا حبيبي؟"
زياد بخوف :
" لا خالص يا حبيبتي كنت بقول يا ترى مرات جوز الهند اسمها ايه؟"
ايلين برفعة حاجب :
"اسمها هند يا اخويا."
زياد بسرعة :
" صح انتي صح، انا هروح اطلب اكل."
ايلين بصوت مرتفع :
"وقوله ما يتأخرش."
زياد بإيماء :
"حاضر."

ثم ذهب لكي يقوم بطلب الطعام وأيضًا لينجوا من سكين ايلين.

ايلين بابتسامة سعيدة :
" رجاله مابتجيش غير بالعين الحمرة."

#لـِ مريم نصر "ظلال خفية"