اسكريبتات

هااات الباسورد😢💔

#لـِ مريم نصر "ظلال خفية"

#هااات الباسورد.

دلف حمزة إلى المطبخ حيث تقف والدته.

حمزة بابتسامة :
"انا جعااان."
مريم بلامبالاة :
"عندك جبنة في التلاجة."
حمزة بغناء :
"رد رسمي لأي حاجه."
مريم بحده :
"مش بهزر."
حمزة بتذمر :
"اووومال ايه الحمام ده؟"
مريم ببرود :
"الحمام ده لما يجي ابوك."
حمزة بتساؤل :
"طب سيبك من الحمام، والملوخية والبسلة والرز؟"
مريم ببرود :
" برضو لما يجي ابوك."
حمزة بغضب :
" ليييه هو بابا معاه باسورد الحلل؟ مش كده يا ماما."
مريم بملل :
" عايز ايه انت دلوقتي؟ "
حمزة بابتسامة :
" عايز بسلة ورز."
مريم ببرود :
" لا. "
حمزة برجاء :
"الله يخليكي. "
مريم بغضب :
" قوولت لاااا، عندك جبنة ولو مش عجباك ماتطفحش."
حمزة وهو يخرج من المطبخ :
" والله كده حرااام، حراااااام. "
مريم بصوت مرتفع :
"افضل برطم كده كتير. "

بينما حمزة ذهب إلى الصالة وجلس على الاريكة وأخرج هاتفه وقام بمهاتفت والده.

حمزة بتساؤل :
" ازيك يا بابا؟ عامل ايه؟ "
أسامة :
" الحمدلله يا حبيبي، انت عامل ايه؟"
حمزة :
"كويس الحمدلله، بابا انت جي امتى؟ "
أسامة :
"بكره او بعده ان شاء الله يا حبيبي. "
حمزة بتذمر :
"لاا يا بابا تعالى النهاردة."
اسامة بتعجب :
"ليه؟ في ايه؟"
حمزة بصوت منخفض :
"ماما مش بتأكلنا يا بابا، حرمانا من الاكل بتعمل اكل وانت هنا بس. "
اسامة بضحك :
"ياااا عيني، هي بتعذبكم؟ "
حمزة بسرعة :
"ايوه يا بابا، هااات بقى الباسورد."
اسامة بتعجب :
"باسورد ايه؟ "
حمزة :
" الحلل. "
أسامة بتساؤل :
"حلل ايه يا ابني؟"
حمزة :
"ما هو اكيد ماما مش عارفه تطلع الاكل علشان عليه باسورد. "
اسامة بضحك :
" خلاص يا حمزة هااجي ومش هتأخر. "
حمزة بتذمر :
"ما تتأخرش انا جعااان. "

وبعد أن أغلق مع والده جلس لمدة خمس دقائق في صمت ثم....

حمزة بصوت مرتفع :
"ماااماااااا، انا جعاااااان. "
مريم بصوت مرتفع من الداخل :
" كُل جبنة. "
حمزة بتذمر :
" طب والله ما هاكل."

#لـِ مريم نصر "ظلال خفية"