وصل اريان ارض اسبانيا بطائرته الخاصه به وركب سيارته واتجه الي الفيلا الخاصه به وصعد الي غرفته
وصلي فرضه ونام وغرق في احلامه
اريان وهو علي نائم علي السرير سمع صوت بنت
اريان فتح عينيه: مين
الفتاه وهي مدياه ضهرها: تعال
اريان باستغراب : حضرتك مين وشك مش باين ليه كدا
الفتاه وهي مشيه ونزلت من الفيلا وركبت عربيه ونزل اريان وراها وركب عربيته وفضل سايق وراها لغاية ما توقفت عربية الفتاه عند البحر
نزلت الفتاه من العربيه وقالت لاريان من غير ما تبص ليه
الفتاه: تعال ورايا
اريان باستغراب:اجي فين
الفتاه وهي ماشيه في البحر وعماله تقوله تعال ورايا تعال ورايا تعال ورايا
قام اريان من سريره مفزوع من هذا الحلم الغريب علي صوت صلاة الفجر ولاكن من هذه الفتاه هو حتي مشفش وشها واستغرب وكلمة لسه بتتردد في عقله وهي تعال ورايا
قام اريان وصلي فريضته وقعد علي سريره ولسه الحلم
شاغل دماغه فقرر انه هيروح الصبح هناك وحاول انه ينام حتي نام من كتر التفكير
في فيلا جميله جدا وتتسم بالهدوء والجمال
في داخل الفيلا
علي:شيماء هو حبيب بابا لسه نايم مرحش الشركه
شيماء وهي خارجه من المطبخ وتحمل الفطار معها
شيماء:لا مرحش حتي انو مرحش امبارح
علي بفزع:هو تعبان والا اي
شيماء:لا هو كويس يا حج اهدا بس هو عايز ياخد يوم راحه
علي باطمئنان:طيب ياقلبي
شيماء:طب انا هطلع اصحيه عشان ناكل مع بعض اشطاا احب وبتغمزله 😉
علي بضحك علي حب عمره:اشطاا احب
طلعت شيماء الي غرفه رقيقه وجميله بتدل علي ان الشخص اللي بينام فيها رقيق وهادي
شيماء:حبيبي قوم يلا عشان نفطر مع بعض يلا يا كنان قوم بقا
كنان بابتسامه:حاضر صباح الخير يا ماما
شيماء:صباح النور يا حبيب ماما قوم يلا
كنان: حاضر
نزلت شيماء وقام كنان وعمل تمارين رياضيه واستحمي وتوضا وصلي ونزل ليهم
دخل كنان كنان اوضه الطعام
كنان:صباح الخير يا بابا
علي:صباح النور يا حبيبي
وقعد واكل معهم ثم ذهب الي الشركه الخاصه باريان فهو يعلم بان اريان مسافر وفي شغل كتير في الشركه غير الصفقات
بينما في منزل لؤي وهو لسه نايم دخل عليه محمد
بطبق كبير مليان ميه وراح راميه علي لؤي
لؤي بفزع:عااااااا البيت بيغرق بعد ما نزل من علي السرير اتزحلق بسبب الميه ووقع علي وشه
لؤي وهو نايم علي الارضيه بوجع:ااااه ياني ياما العصعوص وجعني جامد بس الميه ده جات منين وبص وراه شاف ابوه
محمد: قوم ياااواطي هات الاستشوار واعملي شعري
لؤي بصدمه بعد مقام من علي الارضيه:شعرك هو فين شعرك.ده
محمد:متقوم يلاا انت مجرد خادم معفن قوم يلا اعملي شعري زمان سوزي بودي بودي جايه وهنخرج مع بعض
لؤي باستغراب:سوزي بودي بودي مين ده
محمد بهيام:ده هتبقا زوجتي وقرة عيني وكرشي وبيحط ايده علي بطنه
لؤي بصويت:احيين ياابو سوسو انحرفت يا محمد انحرفت اذا كان ابنك اهو لسه متجوزش انت هتتجوز يا عجوز انت هتتجوز يا محمد يا فضحتك يا لؤي ابوك هيتجوز وانت هتفضل معنس عااااا ياني يااامه
محمد وهو بيجري ورا لؤي بالشبشب:باصصلي في الجوازه ياابن الكلب يا معفن
لؤي وهو بيوجه وشه ليه عشان يهديه لاقي الشبشب لزق في وشه 😂
محمد وهو بيكلمه وبيبص علي الجاكت اللي لابسه:بقولك يلا هي سوزي هتحب الجاكت ده
لؤي بلا مبالاه ومبصش اصلا:اه هتحبك من اول نظره ليكم في القبر باذن الله
وكان ماشي ولاكنه توقف واستدار مره واحده وقال بصوت عالي افزع محمد:الجااااكككت بتاعي.
لؤي بعياط مصطنع:الجاكت اللي لسه جايبه وملبستهوش واالا مره لبسته يا محمد عااااااا ااااه ياني يا مه تعالي وخديني يا بركه واستريح من الاخ روميو ده هو الست جوليت اللي هي اصلا واحده طالعه من القبر برخصه وراح اوضته لبس وصلي ونزل وراح الشركه.
بينما في قصر اريان
صحيت براء ونزلت وفطرت هي وامها وركبت سيارتها وذهب الي كليتها
نزلت براء من السياره وبتدور علي صاحبتها الهبله دانه
وكانت بدور عليها ولكنها لمحت تجمع مليان شباب وبنات ووقفت بنت
براء: هو في اي
البنت: في واحده هبله بتضرب شاب
براء اول ما سمعت هبله عرفت انها دانه ومن غير دانه صاحبة المشاكل الدائمه
براء سمعت صوت دانه وهي تقولي لشاب: طب لو راجل تعال هنا وانا اعلمك الرجوله الصح يا روح امك
الشاب: ما تتلمي يابت انتي متعرفيش انا ابن مين
دانه: ومش عايزه اعرف يكونش ابن وزير الداخليه وانا معرفش
الشاب وهو يعدل من قميصه بغرور:طب منا فعلا ابن وزير الداخليه يا ماما
دانه بعد ما سمعت كدا حست انها هتعملها علي نفسها قالت: احييين ووقعت مغشي عليها
في داخل البحر
اوركيدا و ورسيل ورانسي والفتاه ذهبوا الي الملك اللي قالب الدنيا عليهم ووصلوا الي الملك وكانو خايفين منه جدا انو يزعق ليهم جامد
الملك ميلالوبو بغضب:كنتم فين يا بهوات هااا ردوا
اوركيدا بمزاح:اهدا بس يا حاج هيجيلك شوجر وانت لسه شاب مز وحلو ولسه المفروض تتجوز مره تانيه
زوجة الملك بغضب:نعم يارووح امككك اش حال انا امك يابت عايزه ابوكي يتجوز عليا يابنت كرشي
اوركيدا بمزاح: اهدي يا شابه سكهااي my mam اهدي يا زيديجا بس اهدي في شريان عندك هينفجر ناووو
زيديجاا بغضب من البنت ده مستحيل تتغير ابدا
الملك ميلالوبو بغضب: اوركيدا اعتذري من مامتك حالا يلا
اوركيدا بزعل: اسفه ماما اسفه بابا
ومشيت هي واصاحبها
رانسي بغمزه محاولة التخفيف عن اوركيدا حتي تنسيها زعلها :شباب اي رايكم نطلع نعاكس اللي نلاقيه فوق سطح الميه
روسيل وهي تضحك:اشطاا احب عمري يلا وكمان لو طلع شاب اوركيدا هي اللي هتتكلم معاه وتعاكسه بينما لو بنت رانسي هي اللي هتكلمها اما لو حيوان انا اللي هاعكسه 😂
رانسي و اوركيدا بضحك: اشطااا اباشااا واحنا موافقين يلا نطلع
بينما عند اريان صحي وطلع من الفيلا وركب عربيته ووصل عند البحر وكان بيبص ليه بنظرات تائهه
وصل اريان الي المركب بتاعه وبيركب وشاف القبطان
القبطان: ازيك يا اريان بيه
اريان بابتسامه :الحمد لله بخير
اريان: انا هاخد لفه كدا لوحدي بالمركب انا بعرف اسوق
القبطان ببعض القلق عليه: متاكد يا اريان بيه
الريان بلا مبالاه: اه يلا
نزل القبطان واريان شغل المركب حتي وصل الي منتصف البحر وقعد يفكر اي الحلم اللي حلمته بيه امبارح ده فنام من كتر التفكير غافل عن الاعين التي تراقبه من بعيد
فماذا سيحدث يا هل ترااا
