قصر التركماني بقلم ضحي حامد .

البارت الثامن

_اهدي يا احمد
تحدثت هاله لذلك الواقف يستشيط غضباً
زفر الهواء الساخن من جوفه بعنف وجلس علي الكرسي المجاور له وظل يحرك قدمه بإنفعال
_طب فهمني فيه إيه
اكملت بتوتر محاولتاً أن تعرف ما حل به فمنذ أن جاء بموعد مخالف لموعد انتهاء عمله وسأل علي والدته وأخبرته بأنها بالسوق تشتري بعض المستلزمات وهو بهذا الحال
_ هاله انا مش طايق نفسي ...انا مش فاهم ماما كل ده بتعمل إيه في السوق

ما إن انهي كلماته الغاضبه تلك حتي سمع صوت طرقات عنيفه فتحت هاله الباب سريعا
دخلت انعام التي تحمل عدة أشياء بيديها الاثنتين ويبدو أنها كانت تطرق الباب بقدمها .

_انتِ وافقه كده لي تعالي خدي مني الحجات دي ..ايه ده يا احمد انت بتعمل إيه هنا ده مش معاد رجوعك

اخذت هاله من والدتها الأشياء ووضعتها جانباً فهي لا تريد أن تذهب لأي مكان قبل أن تعرف ما حدث جعل احمد بهذا الحال

تسأل.احمد محاولاً أن يبدو طبيعياً : ماما نوران فين
_هتكون فين يعني عند ست...
= انا لسه راجع من هناك نوران مش موجوده وستي قالت إنها مرحتش اصلا ولا شافتها من اخر مره كنا هناك

شهقت هاله بتفجئ عكس انعام التي كانت ملامحها هادئه وكأنها علي علم بالذي سيحدث ولكنها حاولت إظهار عكس ذلك وتحدثت بنبره خافته : يعني ايه مش عند ستك اومال فين
تحدث هو بشئ من الحده : المفروض انا الي أسأل السؤال ده
_وانا هعرف منين ،انا وصلتها بنفسي لحد القطر وشوفتها كمان لحد ما ركبت

تحدثت هاله اخيرا التي كانت تتابع ما يحدث بصمت : طب ازاي ركبت ومراحتش ممكن تكون تاهت
_ وهي صغيره علشان تتوه ولا دي اول مره تروح مثلا !
تحدث احمد بسُخريه
_ أو ممكن يكون فيه حد لعب في دماغها واستنتني لحد ما امشي وتنزل هي من القطر
تحدثت انعام بنبره ماكره وقد عزمت علي تنفيذ ما خططت له ولم يهُمها ما سيترتب علي تفكيرها الاناني هذا

ارتطم الكرسي علي الأرض مسبباً ضجيج عاليا بسبب وقوف احمد المفجئ بإنفعال وتحدث بصوت حاد أشبه بالصراخ : إيه الي انتِ بتقوليه ده يا ماما ،دي نوران تربيتك وتربيه بابا ازاي تقولي عليها كده ...دي عمرها ما طلعت من البيت غير لما بتجيب طلبات وترجع وطول النهار بتخدمك أنتِ وبنتك المدلعه واخرتها تقولي أنها مشيت مع واحد
_يا احمد ماما متقصدش هي بتقول ممكن
تحدثت هاله في محاوله بائسه لتهدئته
عكس انعام التي اكملت كلامها بمكر: اومال تفسر بإيه أنها بقالها اكتر من عشر ايام مختفيه
_ مش عارف بس علي الاقل ادور عليها مش اتهمها اتهامات من غير دليل ..ولعلمك انا بحب نوران ومش هسكت غير لما القيها
صمت لمده ثواني يستعيد رابطه جأشه ثم أكمل وهتجوزها
ألقي هذه الكلمات علي مسامعهم وخرج مسرعاً إستعداداً للبحث عنها
..
_ تعالي شوفي انا جبت إيه من السوق
نظرت هاله لوالدتها بذهول
=ماما أنتِ بتهزري صح نوران مختفيه وأحمد اخويا حالته حاله وأنتِ لسه متخانقه معاه وتقوليلي حجات ثم أنتِ جبتي فلوس الحجات دي منين