قصر التركماني بقلم ضحي حامد .

البارت العاشر

حَضر كل مَن بالقصر علي أثر هذا الصوت حتي دولت التي لا تخرج من غرفتها إلا للضرورة

نظرت مُرجان لنوران المنكمشه علي نفسها بزاويه الغرفه بشفقه واقبلت عليها واحتضنتها
وقد فهمت ما قد حدث دون شرح من حاله نوران والتى كانت واضحه من ملابسها الممزقه وجسدها الذى ظل يرتجف ظلت تربت علي ظهرها وتجفف دموعها
وبعثت لنبيل نظرات اذراء واحتقار حارقه
أما نبيل !!
فلم يلتفت لها وكل ما يُفكر به ردت فعل والده وناريمان

أقبلت فوزيه مسرعه هيا وزمرد
لتوقفهم ناريمان بيدها !!
انتم ايه اللى طلعكم فوق يالا انزلوا من غير ولا كلمه

شعرت فوزيه بإلاحراج فأتجهتت للأسفل مره اُخري وهي تجر إبنتها المُنزعجه فكانت تود وبشده معرفه ما يحدث خاصتاً أنها لم تري نوران فشعرت بالخوف يتسرب إليها من أن يكون حدث لها مكروه .

كان كمال مطأطأ رأسه للأسفل من أفعال إبنه المُهينه
وخلع جاكت بدلته وألبسه لها واعتذر كثيراً لعله يهون عليها

-دقيقه وتكونوا كلكم في الصالون
تحدثت ناريمان بصرامه مكمله كلامها لمُرجان وأنتِ يا مُرجان خليكي هنا مع نوران متسبيهاش لحد ما تهدى

...
_طبعا انا مش محتاجه اعرف إيه الي حصل لإنه واضح جدا ،بس الي انا مش قادره أصدقه إن بجاحتك وجراءتك توصل للدرجه دي ،انا نقلت البنت في الأوضه الي جنبي علشان عارفه أفعالك القذره وبردو مفرقش معاك ودخلت عليها اوضتها ،عمرك ما هتتغير ،دلوقتي لو مكنش مراد دخل في الوقت المناسب كان إيه الي حصل ه‍ا؟؟ ردوا عليا ،سوزان البنت الغلبانه الي اعتدي عليها المره الي فاتت ربنا سترها علينا والبنت كانت يتيمه وملهاش حد ضحكنا عليها بشويه فلوس ،ومردتش اعاقبك قولت ده ولد طايش ومدلع واول غلطه يغلطها ،لكن انت مبتتغيرش ،وكمان استغليت مرض مراد وتعبه وضربته ،انت إيه
لا في اخلاق ولا ادب ولا دين ...
من الاخر انت ملكش مكان وسطنا ،اخر يوم ليك هنا في القصر تلم هدومك ومشوفش وشك تاني وتنسي إن كان ليك اهل عايشين هنا ،وطبعا الي مش عاجبه الكلام يتفضل يحصله .

قالت اخر جمله موجه حديثها لكمال واكملت : وكمان هكلم المحامي يلغي حصتك من الميراث ،المره الي فاتت انا هددت بس لكن المره دي انا هنفذ
حد عنده اعتراض علي كلامي ؟؟

_الكلام ده محصلش هي الي قالتلي تعالي الأوضه بعد ما الكل ينا...
تحدث نبيل مبرراً بكذب لكن قاطع كلامه صفعه قويه علي وجه
جحظت عيناه بتفجئ من ما فعله أبيه أمامهم جميعاً

لم يكتفي كمال بصفعه فقط إنما اكمل بغل : إنت إيه مبتحرمش هفضل لحد امتي اداري علي أخطائك واقول بكره يكبر ويعقل ..مش مكفيك الي عملته كمان بتكدب وبتفتري علي البنت الغلبانه ،كلام ماما صح انت مينفعش تعيش وسطنا ،انت بلاء منك لله ودلوقتي غور لم هدومك