قصر التركماني بقلم ضحي حامد .

البارت السادس

وعند بزوغ أشعة الشمس فتحت نوران عينيها المنتفخة قليلا من قلة النوم فهي لم تنم سوى ساعتين بسبب كثرة التفكير .

انطلقت تبحث عن فوزيه بعد أن ارتدت فستان وردي قد أحضره لها احمد بعيد ميلادها السابق وعقدت شعرها علي هيئة ذيل حصان  ..تمرددت بعض خصلاتها ونزلت علي وجهها الابيض الناعم مما أضفي عليها جمالا فوق جمالها.
...
دخلت المطبخ وجدت فوزيه تفطر بصحبة بهلول زوجها الذي إبتسم تلقائياً عندما رأها وتحدث بود : اللهم صلي علي النبي ...ايه الجمال ده
إبتسمت نوران بخجل علي كلامته البسيطه التي ذكرتها بوالدها يالله كم اشتاقت له وكم ودت أن تسمع صوته الحنون

فاقت من شرودها علي صوت فوزيه وهي تناديها للإفطار معهم لبت ندائها وفطرت بصحبتهم ..ذهب بهلول إلي عمله خارج القصر وتبقت هي وفوزيه فقط فاستغلت الفرصه وحدثتها قائلة : طنط فوزيه هو مفيش حد ..يعني..اتصل عليا ..أو ..سأل عليا
_لاء والله يا حبيبتي ،بس انتي ممكن ترني عليهم
تحدثت نوران بإحباط : احنا مش عندنا تليفون في البيت ..بس ماما قالتلي انها هترن عليا من عند جارتنا

شعرت فوزيه بالحزن علي هذه الفتاة المسكينه وحدثتها محاولةً التهوين عليها : اكيد يا حبيبتي حصلت ظروف منعتهم من أنهم يتصلوا بيكي

هزت الأخري رأسها بحزن وهي تفكر هل من الممكن أنهم لم يشتاقو لها أم أن هناك شئ حدث بالفعل

_ انا هروح اشوف ناريمان هانم صحيت ولا لسه
= ماشي يا بنتي وانا هطلع اشوف الكسلانه بتاعتي مصحيتش ليه لحد دلوقتي عندنا شغل كتير النهارده الجمعه وزي ما انتي عارفه هيتجمعوا ومراد وعثمان وكمال بيه رجعوا من السفر

كانت تسير وهي شاردة الذهن ولم تنتبه لمرجان التي اصتدمت بها والتي اردفت بحده : مش تفتحي يا بنت انتِ
_ انا اسفه مكنتش مركزه

كانت ستذهب ولكنها ألقت عليها نظره سريعه متفحصه وتحدثت بسخريه : ايه الي أنتِ عملاه ده

نظرت نوران لنفسها ثم نظرت لها مره أُخري وتحدثت: في ايه في حاجه غلط في لبسي أو شكلي ؟!
_في اهتمام زياده
ردت نوران بإستغراب وتسأل أيضاً : و ده يضايق حضرتك في ايه؟!
_لاء طبعا مش مضايقني بس اصل المرافقين مش من عادتهم يلبسوا فساتين ويهتموا بنفسهم زي سكان القصر إلا لو في حاجه في دماغهم و ده الي انا مش هسمح بيه ابدا
_ انا لما بهتم بنفسي بيكون علشاني انا مش علشان حاجه ..ومليش دعوة الباقين بقا بيهتموا بنفسهم ليه أو إيه هدفهم ...بعد اذنك
تركتها نوران وسط زهول الأخري من جرائتها
...
ابتسمت ناريمان واردفت  عندما أتت إليها نوران وألقت عليها تحية الصباح كالعاده بإبتسامتها الهادئه
_انا مبسوطه انك بدأتي تاخدي علي جو القصر هنا
=طب ممكن بقا ناخد العلاج واطلب من حضرتك طلب صغير ولو سمحتي من غير اعتراض
ابتسمت ناريمان قائله : من غير اعتراض ايه بقا هو الطلب
تحدثت نوران وهي تعطيها كأس الماء المُطلى بماء الذهب لتشرب الدواء : ممكن نخش نقعد في الڤرنده
_هو ممكن بس إيه السبب
=علشان خاطر انا سمعت من احمد أن الشمس في الوقت ده بتكون مفيده جدا للجسم
_ احمد مين أنتِ مخطوبه؟
=لاء فاكره حضرتك اول يوم جيت فيه هنا القصر وقولتلك أن عندي واحد قريبي دكتور وهو الي علمني هو ده احمد ...بصراحه هو مش قريبي هو اخويا في التربيه