قصر التركماني بقلم ضحي حامد .

البارت العشرين

إستيقظت نوران علي اصوات وحركه بالقصر إرتدت ملابسها علي عجاله وهي تُأنب نفسها علي تأخرها في الاستيقاظ ف قد فات موعد دواء ناريمان

إتجهت إلي جناحها وهي تُتمتم بعض كلمات غير مفهومه وكان باب الجناح مفتوحاً ف إتجهت إلي الداخل
نظرت لها ناريمان بإبتسامه قبل أن تأمُرها بالاقتراب منها وعندما أصبحت أمامهم اردفت ناريمان : احنا عاملين حفله بسيطه كده بمناسبة وجود سيرين،والمفروض كنت عملتها من بدري بس انا قولت نستني لما عثمان وكمال يرجعوا ،وكمال إتواصل معايا وهو جاي كمان شويه هو وعثمان

_اه علشان كده في شغل وحركه كتير في القصر
=احنا بنحب كل فتره كده نعمل حفله نجمع بيها العائلة وبعض الأصدقاء المقربين
_يعني في ناس غريبه جايين القصر
=أيوة طبعاً من إسكندرية ومن القاهره
_طيب هخلص مع حضرتك وهنزل اجهز نفسي
................
وقف أمام غرفتها وكان سيطرق علي الباب لولا أنه سمعها تُحدث فتاه أُخري :مقدرش يا ساميه اقول لبابا إني كنت عاوزة انتحر وأن انا الي رميت نفسي
وردت الأخري : ما إنتِ غبيه بقي ترمي نفسك علشان السمج الي إسمه ماهر ..

قاطع هو حديثهم ودلف إلي الداخل بعد أن طرق علي الباب بهدوء وطلب من اختها أو صديقتها لا يهم إن تتركهم حتي يستطيع الكشف عليها .

وبعد أن خرجت تحدث وهو يفحصها : انا سمعت كلامك مع البنت الي خرجت دي من غير ما اقصد ،إنتِ لازم تعترفي للضابط انك رميتي نفسك مش السواق هو الي داسك
_لاء بلاش بابا ممكن ي..
=وانا مينفعش اسكت والراجل الغلبان ده يروح في داهيه علشان حضرتك خايفه من بباكي
_بابا ممكن يموتني
=ما إنتِ كنتي رايحه تموتي نفسك إيه الفرق ،ده لو إنتِ خايفه علي حياتك فعلاً
_لو سمحت انا ماسمحلكش تكلمني بالطريقه دي من غير ما تعرف أسبابي
=مهما تكون أسبابك انا مش هسكت وانا شايفك بتظلمي الراجل الي بباكي مدوخه معاه من امبارح ،لا ديني ولا أخلاقي يسمحولي أشوف الظلم واسكت
_خلاص روح إعترف عليا وخلي بابا يموتني
أردف بصوت لم يسمعه سواه ؛ما ف ستين داهيه ،واحده باين عليها دلوعه ومش متربيه هتودي الراجل في داهيه
_إنت معايا؟
=اه معاكي إعملي إي حاجه غير إنك تظلمي الراجل
_زي؟
=قولي إنك كنتي ماشيه سرحانه ومش واخده بالك وخبطتي في العربيه
.................
فتحت نوران خزانه الملابس الموجوده بالغرفه وظلت تنظر لملابسها بحيره اخرجتهم جميعاً ووضعتهم حولها علي السرير وتحدثت بحيره : انا ليه قولت لنريمان هانم هجهز نفسي ،هلبس إيه انا دلوقتي ،كلهم في الحفله هيبقوا متألقين وانا... اوف ..خلاص انا هعتذر لنريمان هانم

_نوران
=خضتيني يا زُمرد ،كنتي خبطي حتي
_ما انا خبطت بس حضرتك مش مركزه معايا
=انا هقول لنريمان هانم إني مش هحضر
_بس بطلي هبل تعالي هي عوزاكي
=لاء لاء مش هحضر
=يلا ،مش هسيبك ،حد يطول الدلع وميدلعش
أنهت كلامها وهي تجُرها خلفها
..............
عاد أحمد إلي المنزل بعد أن إطمئن علي حالة تلك الدلوعه وتأكد بنفسه علي عودة السائق إلي بيته دون أن يتعرض لإي ضرر وقد سحب والد الفتاه المحضر المُقدم إليه