قصر التركماني بقلم ضحي حامد .

البارت الثالث وعشرون

صعدت مُرجان لجناح والدتها وعلي وجهها إبتسامة بلهاء فتحت الباب سريعاً وإحتضنت والدتها وتحدثت :ماما نوران مش موجوده أخيراً غارت فِ داهيه

أخرجتها والدتها من حضنها وتحدثت بغير تصديق : إنتِ بتقولي إيه! ،يعني إيه مش موجوده؟! ،إنتِ متأكده من الكلام ده؟

_اه والله يا ماما انا كنت نازله علشان اعتذر لanna ناريمان زي ما طلبتي مني ولسه هقولها لو عوزاني اعتذر لنوران انا موافقه لقيتها بتقولي نوران مختفيه ومش لقينها.
=معقوله ،ده الواد سيد ده طلع سره باتع ،اكيد هو السبب فِ إختفائها ،والظاهر خاف مني لما هدته اخر مره لو ما عملش حاجه إني هبلغ عنه وهسجنه .
_مين سيد ده يا ماما
=مش مهم تعرفي ،المهم أن الموضوع خلص والبنت إختفت ومراد بقي بتاعك من تاني

قاطع حديثهم دخول سيرين بشموخ وغرور كعادتها نظرت لهم وجلست واضعتاً قدم علي الاُخري وتحدثت : كويس إنكم متجمعين ،انا قررت اقف معاكم واساعدكم

قهقهة مُرجان بغير مرح قبل أن تُردف بسُخريه : والله؟وليه دلوقتي ...مش ماما عرضت عليكي قبل كده وإنتِ رفضتي ،رجعتي ف كلامك ليه

رَجعت الاُخري إحدي خصلات شعرها إلي خلف أُذنها فِ حركه عفويه منها إذا أرادت أن تخفي إرتباكها ،
تحدثت بكبرياء محاولةً عدم إظهار توترها من نظرات مُرجان : علي فكره انا ممكن اغير رأيي تاني وامشي ،انا غلطانه أني جيت اساعدك علشان ترجعي مراد ليكي وتخليه يتجوزك

اردفت مُرجان مره أُخري : وإنتِ أي مصلحتك ،اصل انا عرفاكي مش بتعملي حاجه غير لما يكون ليكي مصلحه..

قاطعتها دولت وارسلت لها نظرات مُحذره قبل أن تلتفت لسيرين مره اُخري مُردفه : سيبك منها يا سيرين وخليكي معايا ،هنعمل إيه

_كل حاجه وليها حل ،وانا عندي خطة هتخلي يجي يبوس إيدك ورجلك علشان تتجوزه

=وإيه هي الخطه دي يا سيرين؟
_والله يا مُرجان الخطه موجوده ،بس كل شئ وليه مقابل ،انا هجوزك مراد يا مُرجان مقابل سكوتك ...هسيبك تفكري براحتك ،يلا باي

أنهت كلامها وذهبت مُسرعه وعلي ثُغرها إبتسامة خبيثه

أما بالداخل جلست دولت جوار إبنتها وتسألت : انا مش فاهمه حاجه ،مقابل إيه الي سيرين عايزاه

تأفأفت مُرجان قبل أن تُجيب بسخط : الحيوانه ،مبتضيعش وقت ،اي خطوه بتخطيها بيبقي من وراها مصلحه ،إسأليني انا

_طب ده حلو كده هي هتعرف تساعدنا
=هي هتساعدني مش لله كده وخلاص ،لاء يا ماما ده علشان اسكت وما افضحهاش
_تفضحيها؟إنطقي يا مُرجان قولي فيه إيه ،في حاجه انا مش عرفاها
=بصراحه يا ماما انا كنت شاكه أنها علي علاقه مع نبيل بس مردتش اتكلم وإستنيت لحد ما شوفتها بعنيا كانت طالعه من جناح نبيل وبتتسحب ،واول ما شافتني قعدت تقولي إنتِ فاهمه غلط ،وكلام من ده ،بس في الاخر اعترفت بكل بجاحه ،وعلشان كده بتقول إنها هتساعدنا مقابل اني اسكت