بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
ــــــــــــــــــــــــــــــــــــــــ
نجاحي كان حلو شديد بس ناقص زول..حسام م جا للمغرب زعلت منو شديد والله كيف يفوت يوم زي دا المهم بعد خلاص تعبت مشيت علي رقدت عايزة انوم كدا الباب دق م مشيت قلت أصلو الليلة م بفتح لي حسام وتاني لو دق لي الباب بطردو قعدت منتظرة م دق الباب اتسبحت كدا عاينت بتحت لقيت م في زول اساسا وفي كيس جمب الأرض فتحت البباب شلتو ودخلت جوة فتحتو لقيت فيهو فستان حلو حلاااا وبعلي فرحني فرحنييي المهم قستو علي طلع ظابط قدري طق عرفتو حسام اتبسمت ورقدت نمت..
صحيت تاني يوم الصباح معنوياتي فل الفل لاقيت حسام قال لي مبروك شديد م غريبة عليك واسف عشان م قدرت احضرو معاك بس والله م لقيت طريقة قلت ليهو م مشكلة ي حسام أكيد لو بتقدر م بتقصر ابتسم لي ومشى
_____________________
نزلت في مدرسة الثانوي بعيدة شوية مننا بالترحيل كانت مدرسة قوية شديد عمي حرص انو يدخلني فيها عشان مستواها كويس وكدا المهم أول يوم مشى معاي عمي عشان حسام عندو جماعة فقدت حسام شديد أول يوم كان هو البوديني بداية كل سنة وبنصحني ويوجهني هو...
دخلت فصلي بعد م المشرفة ورتني ليهو قعدت ساكتة كدا جات بت لابسة نظارات كدا قعدت جمبي طوالي قالت لي اخخخ الثانوي متين نصل الجامعة واي شكلها كان مضحك قلت ليه فترانة كدا جاية من وين انتي قالت لي تصدقي ببيتنا قريب م بعيد لمن رحت م عرفت وصف المدرسة وحكت لي قصتها حقيقي بت فاصلة خلاص😂😂ظريفة شديد اسمها رويدة....اتونسنا مع بعض كتير واتعرفت عليها بمررور الأيام بقت اقرب صاحبة لي عدت سنة أولى وانا ورويدة م بنتفارق زي الزول وضلو💙🌎حتى ناس بيتنا بعرفوها انا كنت بمشي بي ترحيل عشان المسافة بعيدة شوية المهم يوم تعبت تعب نص اليوم الدراسي المشرفة ضربت لي عمي طوالي ضرب لي حسام لانو هو كان بعيد شديد حسام جاني كان ابوهو مديهو عربيتو ...المهم جاني ورويدة طلعتني ليهو ركبت العربية رقدت فيها نمت طوالي صحيت لقيت روحي مركبين لي درب في يدي وحسام ورويدة والمشرفة بتاعتنا أول م صحيت رويدة جاتني قالت لي دعاء بسم الله خوفتينا عليك ي بت عندك فقر دم شديد م بتاكلي صح؟؟ عاينت ليها ساي حسيت حسام عندو كلام كتير يقولو لكن منتظرهم يفوتو...المشرفة قالت لي رويدة أبت الا تجيك وانا جيت معاها لانو اليوم لسه م خلص المهم ي دكتورة اكلي ورجعي عافيتك وانزلي تاني "المشرفة كانت بتحبي عشان انا هادية ومستواي كويس"قلت ليهو ان شاء الله م قصرتي انتي ي رويدة خلاص ارجعي عشان تمشي بيتكم قالت لي حاضر بجيك في بيتكم وصفي لي وصفت ليها طلعو مني كدا حسام جاني...انتي م بتاكلي لييه؟ابوي مقصر منك؟في زول ماسك خشمك؟م بتاكلي ليه عايزة تموتي؟؟؟؟اتكلمي..كان هاجم علي بطريقة مخيفة ومعصب شديد اتذكرت لمن كنت صغيرة وحادث الموتر وادااني ضربة بكيت بكيت شديد هو سكت بقى بسكتني ويتكلم براحة وانا ازيد في النهاية فاجاني بي انو مسك يديني وبقى بسكتني مسكتو لي يديني وترتني شديد بقيت بشهق ووقفت البكاء قال لي لمن تهملي روحك ويحصل ليك شي بحسو فيني انا عشان كدا بعصب لمن تغلطي علي روحك والله وم بقدر اتحكم في انفعالاتي ابدا..
