مشينا العرس كان في مزرعة قعدنا انا وحسام روجي زي م قال حسام ملفت للنظر اي ولد جا ماري عاين ليهو والعجب ولد خال رويدة الودانا السوق دا قعد في التربيزة قصادي حسام وشو قالب شديد بعد شوية جا ولد قليل أدب كدا ماري بينا قال لي حسام حظككك يا عمك البنفسجي كلو ليك😉حسام وقف عايز يتضارب معاهو قلت ليهو ح تخرب ليهااا عرسهاااا طوالي قعد في ثانية كان طلع منديل من جيبو وكب عليهو موية ومسكني من فكي قبلني عليهو مسح لي الروج بس كان ثابت م اتسمح كلو المهم مسح القدر عليهو غايتو ومسك ليك طرحتي دي لفاها لي زي الجنجويد وقال لي نص ساعة ونطلع انا كلو م فرق معاي غير كيف نص ساعة الجريتق بتاعها طيب؟ قال لي م بخصني نص ساعة كتيرة زاتها قلت ليهو حسام لو م ودعتها م بطلع من هنا فاهمني قال لي لا نص ساعة بسسسس عرفت راسو القوي دا ك يسوي البعملو طوالي بكيت ليهو واشهق وأزيد الدراما عشان يحن علي بعد لقاني ببكي قال لي خلااصصصصص آخر واول مرة اجيبك مكان غايتو عرس رويدة م فهمت فيهو شي غير الشكل مع حسام🙄
قعدنا لغاية الجرتيق طبعا رويدة الضحك داير يشرطها فرحانة فرح مشيت عليهت همست ليها قلت ليها هوي شنو فرحانة كدا مثلي خجلانة علي الاقل دي شنو دي عروس م بتستحي قالت لي ي زولة يوم فرحي اخجل لي شنو لو م اعمامي كان شلت العريس وجريت بيهو حقيقي م قدرت امسك ضحكي والله ضحكت قبلت عشان اضحك لقيت ود خالها الكان قصادي داك واقف جمبنا شافني ابتسم جا قال لي مبروك ليها عقبالك ي رب ابتسمت قلت ليهو جمعا عايز امشي قال لي الفستان حلو شديد عليك نسبة لي اني م سمعت كلام حلو الجملة ودي خلتني اتوتر توتر🤣 مشيت منو جري لي مكاني... حسام دا قاعد ساي أصلو م اتكلم معاي يعاين لي كدا😒 م عارفة فهمو شنو لكن بقى يتحكم فيني بشكل م طبيعي خانقني 🙄
غايتو حضرنا الجرتيق كنت عايزة أرقص لكن أستاذ حسام معاي وأكيد ح يعمل لي سين وجيم قعدت بي كرامتي لغاية م خلص العرس ودعت رويدة بكت اللحظة دي شكلها بتبكي علي ايامها القضتها بدون عرس😂قلت ليها حساسة ي بت ما شاء الله بتبكي علي شنو قالت لي ببكي عشان البورة اتفكت 😂البت دي جنها عرس بشكل م طبيعي.. واقفين نودعهم ود خالها مدا يدو يسلم علي سلمت عليهو خت لي ورقة ليها رقمو عاينت ليهو ومشيت منهم بعد شوية جدعت الورقة زاتو🤣
رجعت البيت مع حسام قعدت ساعتين احكي لي عمي الحصل وعمي ينوم ويصحي يلقاني لسه لمن في النهاية قال لي خلاص بكرة نواصل...حتى مشيت رقدت م صحيت إلا تاني يوم
م كان عندنا مواضيع اكل نضافة طبيخ حسام وعمي يطلعو انا ماسكة تلفوني أو مع خالتي سمية عدين اسبوعين بالوضع بعدها كان تخريج حسام🥳
كان عندي حماس م طبيعي أول شي مسكت الماسكات بتاعت الوش دي عملتهم ومسكت ماسكات ال جسم برضو وزي العروسة قبل أيام برضو مشيت السوق اشتريت جيب شورت أبيض أسود وطقتو وحلق كبير وحاجات وجيت فرحانة الليلة عاد اطقش ليك الخريجات كلهم😎
