بعد رويدة قفلت مشيت تميت احتفالي مع خالاتي وهيصة وكلام لكن💃🏼المهم قالو عايزين يمشو مدينة الطفل احتفال بي وعزمو عمو واسرتو وخططو كل زول يعمل شنو وفعلا اليوم داك تميناهو ونسة وتخطيط ساي...كلمت جميل اننا ح نمشي مدينة الطفل قال لي انا بجي خلاص لازم اديك هديتك خلعني قلت ليهو لا لا يا جميل كيف نتلاقى م ممكن لا ياخي قال لي بلاقيك بعيد منهم م تخاافي بعدين مالو الاقي اهل مرتي المستقبلية ولا كيف😉 فصلني فصلني😆قلت ليهو لكن ي جميل هناي...قال لي م هناي اتفقنا خلاص ها كيف اهلك فرحو بالنتيجة بقيت احكي ليهو وانا مندمجة جميل كان بسمعني بكل حب ومهتمي بادق تفاصيلي تفصيلة تفصيلة🤣
المهم حكيت ليهو لقيت نفسي بتونس معاهو ساعة وشوية قلت جميل يلا يلا لي بعدين قال لي حاضر يلا ي ستي أبقى عافية وقفلنا وانا اتبسم ساي...اتذكرت صحبتي المتزوجة😒مشيت لي خالتي قلت ليها صحبتي ممكن نعزمها بكرة اصلها قدري ونجحت قالت لي مالو اعزميها طوالي.. عايزة أضرب ليها اتذكرت انها قفلت الخط في وشي رسلت ليها مسج في الواتساب..ماسكة تلفوني كدا عمي ضرب لي قال لي هاك سمية بتبارك ليك خالتي سمية زغردت لي وباركت لي وفرحاناة فرح😂كمان عزمتها الطلعة من باب الادب لكن رفضت زي م إتوقعت قالت لي بعد تجي بنسوي ليك هنا حفلة قلت ليها ي شبه القمر...رجعت التلفون لي عمي قال لي خلاص بكرة بلاقيك هناك قلت ليهو خالو وأولاد قاعدين تتعرف عليهو زاتو قال لي ان شاء الله وقفلنا..
تاني يوم قمنا فطرنا عادي بعد الفطور كل زول بقى يجهز الحاجة العليهو بي هناك رويدة قرت رسائلي قالت لي بنجي هاملين ساي وبسوي ليكم بسبوسة زي راجلي..بايرة وعرسوها متوقعين شنو🙄
العصر اذن اتلبسنا واتحركنا ضربت لي رويدة قلت ليها هوي اتحركنا يلا قالت لي سمح بكلم راجلي يلا قلت ليها رويدة تجيبي سيرة راجلك زي الفرحانة بقطعو معاك قالت لي مالك غيرانةة انتي قلت ليها غيرة في عينك أصل زهجت من كلامك عنو خلاص عرفنا راجلك عسولي وبسبوسة م تمطعينااا قالت لي انننن سمح يلا اهو راج..قلت ليها رويدةة قالت لي هي مع السلامة يلا يلا قفلت منها..
وصلنا مدينة كان لسه المغرب جميل ضرب لي قلت ليهو بعدين نتلاقى هسي يدوب وصلنا قال لي حاضر ي ستي...رويدة جات وراجلها منذر عاد النصيحة سمح🤣وبحبها شكلو المهم اتونست معانا وخالتي حبوها عشان دمها خفيف ..حسام وعمي جو وقعدو مع منذر وخالو وأولاد...عمو كان جايب لينا باسطة وبسبوسة جاهزين وبارد خالتي قالت ليهو وين مرتك قال ليها ااا عن ناس امها والله انا استغربت شنو كل م اطلع خالتي سهير بتطلع معاي🙄وسوست لي عمي قلت ليهو بتاكلو كيف ي عمي قال لي زي العجب شي من الدكان شي جاهز وخالتك سمية م بتقصر ابدا كل م تسوي شي بترفع لينا قلت ليهو خالتو شبه القمر جد جد💙💃🏼🤣 قعدنا شوية كدا جميل اتصل علي كان الواطة خلاص ضلمت قلت ليهو اها اجيك وين قال لي جمب....قلت ليهو حاضر قمت اتسحب براحة براحة وقلبي في يدي وجري مشيت ليهو "كنت لابسة فستان بيبي بلو حلو كدا وعاملة ميكاج خفيف وطرحة اوف وايت" قعدت المكان الوصفو لي جميل كدا بس اشوفو ليك جاي علي واي علي الحقو قلبي بزح من مكانو وآه جميل الجميل فعلا جا علي بتبسم ساي سلم علي قال لي الحيلوه😉 لمن سلمت عليهو في يدو كهربة مشت فيني قال لي تحبي تشربي شنو ي ستهم؟ قلت ليهو ولا اااا شي قال لي طيب علي كيفي بختار مشى جاب عصير وجا قعدنا لي النجيلة ديك كنت مدنقرة بس قال لي تحرميني من عيونك ليه؟ ارفعي راسك اشوفك فصلني فصلني😆رفعت راسي لقيتو مبتسم تاني دنقرت قعد يضحك اتونس معاي وانا بسمع بس قال لي تلعب السفينة قلت ليهو بحماس ايييييااا قمنا مشينا عليها قطعنا التذاكر وركبنا هو محل الأولاد وانا قصادو مكان البنات اللعبة اشتغلت وانا بحبها وبصرخ بالعلى حسي وجميل يغمز لي ساي بفصل وتاني برجع اصفق وامورك لغاية م خلصنا كان نفسي انقطع نزلنا كدا جميل كان وراي حسيت روحي دايرة اقع سندت عليهو قال لي سلامات مالك قلت ليهو دوشة اللعبة بس قال لي لكن الليلة اتشفيتي 🤣 قعدني ومشا يجيب لي موية شربت كدا خالتي نجود اتصلت علي قالت لي انتي وين قلت ليها قريبة بلعب قالت لي تعالي رااجعة الأكل قلت ليها سمح قفلت منها قلت لي جميل يلا لازم امشي بقلقو علي قال لي اخ طوالي كدا؟لسه م شبعت منك قلت ليهو مرة تانية ان شاء الله هسي لازم امشي قال لي الهدية قلت ليهو السويتو الليلة أحلى هدية م بقدر اشيل شي لو سالوني جبتها من وين اقول شنو قال لي قولي اشتريتها قلت ليهو م بقدر أكيد م بصدقو يلا يلا باي خلي بالك من نفسك ومشيت بسرعة قبل يمسكني بالكلام وخصوصا كنت متوترة بقيت لافة عشان ارجع مكانا م عرفتو ابدا 10 دقائق انا بلفلف خالتي ضربت لي تاني قلت ليها انا نسيت انحنا وين خلي حسان يجيني...وخلاص دموعي جرو والمغرب اذن والمكان ضلم قالت لي أقيفي ليهو في حته واضحة عاينت كدا لقيت لعبة وقفت ليهو حسام ضرب لي قلت ليهو واقفة جمب لعبة كدا تعال سرعة بعد شوية جاني لقاني خايفة خوف شفتو جريت عليهو جري أول م وصلتو حسام صرخ علي قال لي مشيتي براك ليه انتي مالك م بتنتظري الناس يمشو سوا ليه بتركبي راسك دايما وبتعملي حاجات غبية أصلا انا قاعدة علي الهبشة وكلام حسام بكيت لمن شافني ببكي سكت قال لي يلا يلا خلاص مد لي يدو قلت ليهو بمشي براييي وانا بقشق دموعي وهو ماشي معاي وصلنا خالتي قالت لي الخوافة قلت ليهو المكان بخوف والله قالت لي براك استعجلتي تعالي اكلي فعلا قعدنا اكلنا زين حسام قال ماشي عندو حاجة يعملا قبل م يمشي ناداني قال لي تعالي وراي طنطنت كدا وقمت وراهو ..
