بسم الله الرحمن الرحيم
قبل نبدأ في قراءة الرواية حابة اقول انه الرواية دي قيد الكتابة .. يعني ان شاء الله اول ما الكاتبة تنزل بارت انا بانزل ..
قراءة ممتعة
ــــــــــــــــــــــــــــــــــــــــ
بعد المغرب دعاء صحت وزيها زي اي شافعة نست حصل شنو مشت لي عمها كان قاعد في الحوش مع مرتو وحسام "قعدت جمب عمها" قالت ليهو انا دايرة اكل...طيب حاضر يبتي قومي ي سهير سوي لي دعاء الاكل...سهير لوت خشمها قالت ليهو م في شي اعملو الأكل كبيتو ليكم قبيل كلو..."ياسين عرف انها م دايرة تدي دعاء"قال ليها كويس "طلع من جيبو قروش" قال لي حسام سوق دعو دي وامشي جيب ليها اندومي وبيبو عشان تاكل دعاء صفقت لانها بتحب الاندومي شديد وقامت عشان تمشي مع حسام اتذكرت انو ضربها رجعت تاني قعدت مع عمها قالت ليهو لا م م بمشي معاهو دا حقار دقاني قبيل..عمها ضحك و قال ليها لا لا ح تمشي معاهو عشان م شيل الحاجات بتاعتك وياكلها هو " فكرت في الموضوع في راسها ولقت انو حسام ممكن يعملها ويشيل حاجااتها فقررت تمشي معاهو"حسام شال القروش طلعو
بعد طلعو ياسين قال لي سهير عارف في اكل بس م دايرة تديها ي سهير ي سهير انتي م بتعرفي دعاء دي بت منو؟بت اخوي اخوي ود أمي وأبوي فاهمة يعني شنو يعني انا ابوها ربنا بسالني منها ي سهير دي بت يتيمة... هي ي يمه يتيمة اناااا اجي ياخوانا والله البتعملو انت دا م في زول ح يعملو ليها من جات مسخت علينا حياتنا اي شي دعاء دعاء دعاء كرهتنا زاتو دا شنو أمشي رجعها لي خالتها كدا وكدا تلمها عليها بالله البت دي م بتقعد معاي في البيت..."عم ياسين بصوت عالي" سهير. ي ريت تلزمي حدودك دا م بيتك أولادك بيتي يعني بيت دعاء وحسام م عجبك انتي ممكن تطلعي من البيت دا دعاء م بتطلع من هنا شبر إلا اموت انا... سجمي بتقارني بالشافعة دي وبتطردني عشانها كمان اجي ي ياسين آخر عشرتنا كدا أصل....ي سهير هدي روحك عليك الله م تختي راسك مع راس البت هسي عملت ليك شنو عليك الله ارحميها ي سهير عشان الله يرحمك ي... "الباب دق"عم ياسين قال ليها شكلهم جو قفلي الموضوع دا واتعاملي عاديي ي سهير من فضلك...
فتح الباب لقى دعاء شايلة الاندومي وفرحانة بيهو دخلت جرت لي سهير قالت ليها خالتو خالتو هاك أعمليهو لي امشي استحم واجي سهير قالت ليها م بعرف اعملو وقامت...عم ياسين قال ليها جيبهو عمو الحلو بعملو لييك ادتو الاندومي وشالت البيبو ودتو التلاجة وجري مشت استحمت بعد طلعت لقت حسام قاعد براهو في الحوش أول م شافها مشى عليها وشايل شي وراهو قال ليها معليش عشان قبيل دقيتك انا كنت قايل الموتر ح يقتلك عشان كدا خفت شديد حتى حاجاتي وقعت مني وم قدرت امشي معليش عاينت ليهو ببراءة كدا قالت ليهو يعني تاني م بتدقني قال ليها لا م بدقك ضحكت وصفقت قالت ليهو أنت حلو ههيهيهيههي(ضحكة الشفع بتاعت الانتصار) وباستو في اضانو وجرت قال ليها هاك وقفت قبلت عليهو لقتها الحلاوة البتحبها جرت شالتها وتقول ليهو انت حلو وتصفق وتضحك وجرت لي عملها ورتو الحلاوة وقالت ليهو خلاص أنا ح اعرس حسام عمها ضحك قال ليها ان شاء الله ي بتي
خلص من الاندومي وداهو ليها برة اكلت وتتكلم مع عمها مرة ومع حسام مرة وتضحك اكلت وقعدت مع عمها البقى زي ابوها بتراجع معاهو وتكتب وتاكل في الحلاوة💙
_________________________
"بعد سنين طوال"
"ح احكي بلسان دعاء"
قعدت في الغرقة كدا وماسكة بطني وبنادي عمي بصوت مبحوح جاني حسام قلت ليهو نادي لي أبوي اتخلع لمن شافني ببكي قال لي مالك في زول شاكلك؟منو هبشك قلت ليهو م في شي نادي ابوييي مشى وجا هو وعمي...عمي شافني ببكي اتخلع خلعة قال لي في شنو م يكون حسام دا قلت ليهو لا تعال أول م جاني قلت ليهو تعال جيب اضانك مداها لي وسسوست ليهو عمي بقى يضحك قال لي اوه بقينا كبار بعد دا عاينت لقيت حسام واقف زي الطرطور قلت ليهو بصوت براحة حسام واقف هس هس قال لي بتخجلي يعني وضحك حسام من بعيد قال لي ابووهو خير مالا ابوه قال ليهو و لا شي بتتدلع ساي....عمي وسوس في أضاني قال لي هسي بجيك م تتحركي وقام طلعو الاتنين.."عم ياسين طوالي مشى الصيدلية طوالي ولا فكر يمشي لي سهير جاب الحاجات ولمن جا راجع مشى لي سهير)
يا سهير البت دي خلاص كبرت تعالي وعيها تعمل شنو وم تعمل شنو.... بالله عليك ؟شايفة خدامتتها انا؟وريها انت...بسم الله ي سهير في شنو هجتي كدا اولا م ضروري تكوني خدامتها انتي خالتها تانيا حاجات النسوان دي عرفني بيها شنو...اي شي عرفتو واتعملتو عشانها غلبك دا يعني اتعملو بالله عشانها... سهير اتعدلي..."علت صوتها عشان يصل دعاء"سهير سوي لي دعاء وسهير قولي لي دعاء سهير سهير سهير سهير موتي لي دعاء أموت اريحكم؟؟دا شنو دا ياخي... سهير آخر كلام عنك بتقولي ليها ولا لا؟.... لأ م بقول شوفو قوقل...تمام حسابك معاي بعدين.
عمي جاني في الغرفة قال لي هاك ديل كنت خجلانة منو خجل اداني من وصية وكم وشي كدا وفي حاجات كنت عارفها من كتب المدرسة في دروس كانت عن البلوغ والحاجات دي لكن الباقي م كنت عارفو... عمي خلاني وطلع قعدت ابكي ولو امي كانت في هسي م كان احتجت لي زول يوريني وبكيت بكا عمي جا راجع لقانا ببكي قال لي بسم الله في شنو قلت ليهو م في شي بطني وجعتني شوية بس عمي اتمحن بقى يعاين لي م عرف يعمل لي شنو تاني طلع انا قمت مشيت الحمام طلعت بقيت عمي قاعد بفكر وسرحان فجأة كدا جااتو فكرة قال لي قومي البسي عبايتك سريع كدي مشوار قريب... لبست عبايتي وطلعت وليهو... طلعنا من البيت مشينا لي جيرانا مر كدا م كبيرة شديد اربيعينة قاعدة براها في البيت اولادها مافي ولا معاها زول عمي دق الباب جاتو طالعة قلت في سري عمي دا عايز منها شنو ي ربي أول م جات سلمت علي عمي بحنية كدا وأدب عاينت لي سلمت علي بحب شديد كأنها بتعرفني عمي كان خجلان شديد منها قال ليها والله ي سمية م عارف اقول شنو بس البت دي قالت لي كلام نسوان كدا وانا م عرفتو كدي خليها تقولو ليك عشان سهير دي مافشية الليلة لو سمحتي ي سمية م لقيت غيرك اثق فيهو ...انا في سري قلت وبببب الليلةة عمي م فضل إلا يذيع بالجامع" خالتو سمية ابتسمت بي بشاشة كدا و قالت ليهو م مشكلة ي ياسين بتك بتنا... ادخلي يحبيبتي دخلتني وعمي رجع بيتهم...مشى لي سهير قال ليها سهير انتي حدك وين بتعملي في شنو معقول اودي بت اخوي الجيران عشان يورها ومرتي قاعدة؟ ....انا قلت ليك شوف قوقل ... قوقل؟؟شنو عرفني انو قوقل كلامهم صح دي أمانة في رقبتيي ي سهير اقول اجيب ليها شي من النت ويطلع خارم بارم سايييي واضرها دي بت اخوي ي سسهير بتي يعني لكن انا بعرف اتصرف معاك وطلع منها....انا كنت قاعدة مع خالتي سمية المرة الاولادها كلهم عرسو وطردوها من بيوتهم بسبب نسوانهم واشتغلت عشان تمشي حالها في اله خياطة قعدت واتكلمت معاي كتير كانت مسكينة شديد وطيبة شديد...ورتني حاجات كتيرة م كنت بعرفها ووعتني شديد واتونست معاي وحكيت ليها قصتي بكينا زين😂 وسرحت لي شعري ضفاير حلوة وكانت زولة رهيبة شديد حبيتها قلت ليهو بجي أعيش معاك قالت لي طوالي😂💙 بعد المغرب عمي جاني شكرها شديد وانا ودعتها ضمتني قالت لي بخيط ليك فستاين حلوة كلو مرة...مشينا منها وانا فرحانة لقيت زول اتكلم معاها من جنس الاناث
(هاي كيفكم انا دعاء البكاية😂 دعاء بت ياسر ال م حصل شفتو وانا واعية أبوي وامي ماتو في حادث بعد ولادتي بفترة بسيطة وجيت قعدت مع عمي "أبوي التاني"ومرتو وولدو 💙عمي كان ارهب زول شفتو كان حنين شديد علي م حسسني انو ابوي مافي اساسا...سمعت من عمي انو خالتي قالت تمسكني هي واتشكبت شديد لكن عمي أقنعها بعد تعب عشان هو كان بحب أبوي وعايز يهتم بي لو فضلت احكي عن عمي لي بكرة م بخلص زاتو بحبو شديد بس💙🌎عمي زول وضعو ميسور شديد عندو دكانين وحواشات...حسام ولد عمي أبوي التالت سندي بطلي واي حااجة بس زمان كان بحبني هسي شكلو بقى م بحبني... لمن كنت صغيرة كان بقريني وبلعبني وبسمع كلامي وبهتم بي وبمسكني في الشارع حتى التسريح بسرحني ياكلني لو عيانة بساهر معاي واي شي بعملو لي...من كبرت بقى م بتكلم معاي كتير زاتو ولا بعمل لي ال حاجات ديك زي زمان بس كل البعملو بقول لي وطي صوتك..م تتطلعي قبل المغرب...م تعملي كذا سوي كذا وتوجيهات توجهيات كتيرة م علي بيهو في داهية.... عمتي سهير مرة عمي كانت كويسة معاي لكن فجأة قلبت مني وبقت كعبة..لكن مرة اختها جاتها وسمعتها بتقول ليها دعاء دي زي م شالت حب راجلك واهتمامو بتشيل ورثتكم وبيتكم وهسي تلقيهو كتب البيت واملاكو بي اسمها...وبتملا ليها راسها يعني عشان كدا عمتي سهير كرهتني...انا اساسا م شغالة بيهم عمي معاي وبحميني وبحبني شديد ودا بكفي💙 خالتي اخوات امي م انقطعو مني كلو كلو💙 عمتي الوحيدة كانت برة السودان م حصل جات من موت ناس أبوي وياهو عمي دا وعمي تاني محمد في الشمالية بجي مرة مرة كدا لكن زول كويس برضو.
حسام دخل الثانوي وجاب درجة كبيرة ودخل هندسة وهسي هو في تانية وانا في تامن والليلة النتيجة حقتي😭)
قاعدة ومتوترة اطلع وأدخل عمو قال لي ي بتي اقعدي خلاص رجولك بتورم بعد دا قلت ليهو م قادرة ي أبوي والله م بقدر واي النتيجة واي ياخوانا المؤتمر اتاخر كدا ليه م يكونو م لقو النتائج بتاعتنا😭عمو قعد يضحك قال لي ي بت اقعدي المؤتمر بدا خليني اسمع قعدت جمبو اتهز ساي عمتو سهير تعاين لينا وتمشي مع انو يوم نتيجة حسام فرشت وبخرت وعملت وكانت قاعدة تحضر في المؤتمر آه م علينا...
قاعدين انا وعمي ونعاين في تلفونو عشان نشوف النتيجة تطلع أول م المؤتمر وصل نص كدا جات الرسالة لي عمي انا خلاص سحت عديل قلت ليهو ابوي شوفها كم عشان انا م بقدر لو كعبة صر لي لو سمحة اضحك شال التلفون غمض كدا وعاين ليها مسافة وبقى ساكت قلت خلاص الليلة الاعادة وجبت دموعي جرو طوالي عمي عاين لي كدا وساكت لقاني خلاص بكيت قعدت يضحك قال لي 260 من الخوف والتوتر سمعتها 160 وقعدت ابكي واتخج وانوح عمي كان ماسكني بهديني فيني قلت ليهو ليه 160 أنا إشتغلت كويس والله وايييي وم بقدر اعيد تامن دي فقر وأبكي عمي ضحك لمن دمع قال م 100 جبتي200 لمن عرفت روحي جبت260 تاني بكيت دموع الفرح وأبكي قلت لي عمي هسي لو ناس أمي كانو هنا كان فرحو...ليه هم فاتو قبل م يعرفو شي عني ي حلليلهم والله.. نفسيي اشوفهم وافرح بيهم ويفرحو بي وامسك امي تسرح لي وتقرا لي وتزغرد لي زغروتة النجاح دي...انا دايرة امي وابوي ي عمي م م بقدر وابكي وعمي يبكي وأبكي وعمي يبكي معاي...ثواني كدا سمعنا صوت زغاريد وببابنا بدق عمي فتح لقاها خالتي سمية شايلة علبة حلاوة وكيس في يدها اما لمن شفتها لمن قلبي انشرح زغردت جنس زغاريد فرحتني فرح في الدنيا دي جريت عليها جري مسكتها بكيت بكا هي ترغرد وانا ابكي قالت لي هي ي عويرة بتبكي مالك شوفي عيونك ببقو شينين كيف م تبكي جبتي كم.... م عارفاني جبت كم وبتزغرتي هسي كان ساقطة....عارفاك ي دعوية م بتسقطي بتي الحلوة شاطرة....قلت ليها بتك جابت 260 تاني فكت زغرودة كدا لمن اتكفيت وناس الحلة بسببها بقو يجو بيتنا وعمتي سهير دايرة تدقنا بس غايتو😂😂😂...شوية كدا بيتنا دا اتملا فل ناس الحلة اصحاب عمي كلهم...بارد وحلاوة وقروش ودي جيب اليوم عدا وكان مرهق غايتو... خالتو سمية كانت معانا خالتي سهير بتعاين ليها بطرف عينها أدتني الكيس التاني فيهو هدية مخيطاها لي ومشت حقيقي ياخوانا خالتو دي أحلى زول بعد عمي وولدو💙💙🌎
