جميل اول م فتح الخط وقع فيني شكل وليه تقفلي تلفونك وليه م بتردي ومشيتي وين وكمية من الاسألة قلت ليهو جميل استهدا بالله خليني ارد كنت مع ناس خالتي اصل م شفتهم من اتولدت بس قعدت معاهم كل الاسبوع وتلفوني يدوب أشيلو بعد رجعت الليلة قال لي طيب انا كنت مشتاق ليك وم عارف أصل ليك كيف فصلني فصلني😆سكت ساي قال لي انتي كويسة قلت ليهو اي كويسة حمد لله وانت قال لي فاقدك شديد يلا عايز تعويض عايز اسمع صوتك 4 ساعات متتالية اتكلمي بدون م تسكتي قلت ليهو ها المجنون دا 4 ساعات نقول فيها شنو يعني قال م بعرف اتكلمي سكت شوية وبديت أحكي ليهو عن خالاتي وكدا يعني احكي واحكي لمن فترت قلت ليهو جميل خلاص تعبت بواصل ليك بعدين عمتي مافشية وعمي بجي للغدا ممكن نواصل بعدين؟قاال لي يعني كمان م عايزاني اتكلم معاك قلت ليهو لا ياخي م كدا بس م في زول في البيت وكدا يعني قال لي طيب بنتظرك يا دعاي م تتاخري وقفلنا دايرة أقول امشي اتذكرت رويدةة ضاربة لي عايزة ارجع ليها لقيتها متصلة علي قلت ليهو هسسسي عايزة ارجع ليك قالت لي سمعنا البعرس بفتري لكن بايرة تفتري دي م مرت قلت ليهو عندك كلام ولا اقفل قالت لي بايرة ومفترية وقليلة ادب يا زولة م تقولي لي حمد لله علي السلامة م شايفة الرقم سوداني استوعبت انها جات قلت ليها روييييدددااااا م ركزت اقسم بالله انتي جيتي متين قالت لي طول عتت في السودان وانتي م جايبة خبر قلت ليها أسمعي أسمعي حمد لله علي السلامة وي ستي بكرة عازماك عندنا بلاش كلام فارغ وكتير تجي طوالي فاهمة أصلو الونسة بالتلفون بايخة شديد وتوريني الحصل وكدا يعني قالت لي قليلة ادب خلاص قلت ليها تربيتك يا ماما يلا يلا بكرة غدا ان شاء الله اتفقنا قالت لي سمح م تكلفي روحكم بالله شي بسيط قلت ليها دقيقة م في غير قراصة ووكية ينفعو؟قالت لي اي شي منك سمح ي ببيب قلت ليها خلي راجلك يسمع بيب دي عشان يطفشك واختيني انا مرة مشغولة نتيحتنا قربت قالت لي نتيجة شنو ها انا حبيبي كفاني عن القراية وعوراتها قلت ليها سمح ببقى ليك برتقالي ي بت وخلاص الونسة دي ح تجر شديد وانا ماشة أسوي الأكل قفلت منها وجري لقيت خلاص الوقت بقى عصر عديل صليت أول وبقيت افكر أسوي شنو هسي والوقت راح قلت بطاطس شبس وسلطة يلا يقطع في البطاطس كدا الباب دق فتحت لقيتها خالتي سمية سلمت علي شديد شايلة ساخن بارد في يدها دخلت قالت لي شايفة حركتك قلت بتكون جات وعمتك سهير مافي سويت ليك دي ويكون وقراصة انتي وعمك قلت ليها خالتي سميه انتي عسل يا شبه القمر حلاوة م تكوني اتغديتي قالت لي اي والله قبيل قلت ليها بسوي بطاطس ونتنظر عمي اتغدي تاني قالت لي بري بطرشق اكلو انتو بالعافية لقتني مجهزة السلطة اقطعها سألتها قطعتها وانا أسوي في البطاطس حقيقي خالتي سمية دي قلبها حلو وعسل شديد💛🌸 "أصلا أولادها عرسو وفاتو خلوها وراجلا ميت ف بقت تعمل في شغل المكنة تشغل روحها"
بنتونس كدا جا عمي وحسام داخلين شايلين اكل جاهز قلت ليهم الغدا حالا بالا " خالتي سمية بتخجل من عمي خجل م بتعاين ليهو اساسا😂😂😂 "خالتي سمية قالت لي خلاص انا بمشي تعالي اشربي الشاي بعدين عمي قال ليها اقعدي ي سمية رجلنا حارة ولا شنو قالت ليهو لا والله بس انا قلت اقعد مع البنية لمن تجو انتو يلا ودعتكم الله ومشت انا متابعة الموقف واتبسم وعمي يتبسم وانتو تتبسمو🤣
ختيت الغدا قلت لي عمي ليه تجيب جاهز يعني م مقتنع بي مقدراتي قال لي عيب بس عشان انتي تعبانة قلت م اتعبك بالأكل زيادة قلت ليهو حنكتني خلاص🤣 قعدنا قلت ليهم ملاح خالتي سميهة العسل السكر خالتو دي طيبة شديد عمي قال لي فعلا مرة محترمة خلاص ابتسمت ليهو والما أصلو حسام م اتكلم معاي سويت شاي سادة وفرشت الحوش مشينا قعدنا قلت لي عمي رويدة جاات بكرة عايزة اعزمها قال لي جدا نشليها في راسنا اكتبي حاجات العايزاها كلها بخلي حسام يوديك السوق وهم جايين غدا ولا عشاء؟ عشان انا أكون قاعد قلت ليهو اي جاييين غدا قال لي خلاص حسام يوديك انا الغدا بكون قاعد ان شاء الله قلت ليهو ان شاء الله
اتونسنا المغرب اذن مشى طلع عمي رقد انا مشيت لي خالتي سمية اتونست معاها قلت ليها بكرة عازمة صحبتي عروس أعمل شنو اتشاورنا في الغدا ال ح نعملو قالت لي أنا بسوي ليك ال فاصوليا والدجاج قلت ليها تكوني ساعدتيني يا خالتو شديد قالت لي م مشكلة يبتي اعتبريني امك قلت ليهو أصلا امي💛قالت لي بسويهن في بيتي دا وبرفعن ليك بالحيطة قلت ليها لييهه يعني بيهناك مالو قالت لي سهير مافي وعيب أقعد في بيتها كدا شينة في حقي تقول انتظرو امشي عشان يستلمو بيتي قلت ليها خالتو سمية الله يدخلك الجنه انتي عسل ياخي م ممكن قالت لي ها ي بت بتخجليني غمزت ليها😉
اتونسنا زيننن رجعت بيتنا صليت العشاء ومسيت علي جميل ووريتو اني تعبانة ورقدت نمت
