الفارس و السمراء (رواية مغربية🇲🇦 مكتملة)

الجزء التاسع و العشرون

بقلمي:اسماء مكتفي
🍁
🍁
🍁
🍁
🍁
🍁
🍁
🍁
🍁

دخلت منال القصر بركبتين مرتجفتين .. تعلم انها غير مرحب بها في هذا المكان .. فهي اخر شخص قد يرغب اسامة برؤيته .. غامرت بمجيئها إليه .. ستتحمل اهانته فعشقها له لن يستسلم بعد ان ذرف دموع الشوق كل هذه المدة .. رأته ينزل السلالم بغرور و شرارات الغضب تقفر من عينيه المضلمتين..

وقف امامها قائلا : طوالو رجليك... !!

منال تحاول اخفاء توثرها : ااا.. وصلت يوماين هادي و قلت ضروري نجي نشوفك..

اسامة ببرود : شنو باغا..
منال بحب : توحشتك..
اسامة : برا..

منال بتوسل : اسامة سمعني غير شنو بغيت نقول..

اسامة بحدة : معدنا فاش نهدرو.. الخدمة لي كانت بيناتنا سالات شحال هادي ..

منال بحزن: كانت بيناتنا غيرر الخدمة ؟
اسامة ببرود : و شنو كان آخر؟

منال : صافي نسيتي كلشي ؟؟ نسيتي شنو كنت كندير على قبلك ؟؟ نسيتي شحال ضحيت على قبلك و..

قاطعها اسامة بتأفف : ففففف بلا متبداي ..داكشي كامل كانت الفكرة ديالك و كنتي كتخلصي عليه..

منال بحزن : بعتيني بكل سهولة حتال هاد الدرجة كنت رخيصة عندك ؟..

اسامة بضحكة ساخرة: و شكون بحالك.. درتي لاباس ووليتي كتشبهي لبنادم..

تقدمت نحوه تحملق فيه تحاول اغراءه بعينيها الزرقاوتين و ملابسها العارية.. امسكت يديه بحنان ليدفعها حتى انها كادت تقع ارضا .. قائلا بغضب : بلا متحاولي..

منال بتوسل: عافاك اسامة مديرش فيا هاكا.. انا رجعت مور هاد المدة كاملة على قبلك.. مستاعدة نرجع عبدة تحت رجليك غير نرجعو كيف كنا بحال الأول..

اسامة بسخرية : نتي متصلاحي تكوني حتا خدامة عندي.. عنداك يسحابليك حيت درتي الفلوس راك ساوية شي حاجة..

منال ببكاء و حزن : اسامة عافاك مديرش فيا هاكا.. متصورش شحال تعدبت .. كنت كنموت الف مرة كل نهار كنت كندوزو بعيدة عليك فيها.. الله يخليك مديرش فيا هاكا .. كتقتلني..

اسامة واضعا يديه في جيبه ببرود :هاد الهضرة مكتعني ليا تا حاجة ..
*
*
*
*

كانت تجوب ذلك القبو المظلم برعب .. تتخيل الفئران تجري على قدميها و الحشرات تملأ شعرها و ثيابها .. كانت تقفز من مكانها في كل مرة بدون سبب .. لاحظت نافدة صغيرة تطل على مرآب سيارات اسامة الفاخرة .. وضعت صندوقا صغيرا تحتها و وقفت فوقه تحاول الخروج منها .. ساعدها جسمها الرشيق على ذلك لتقع على رأسها بقوة ..

نهضت تمسك رأسها بألم : اي راسي..

اسرعت تبحث عنه تقسم انها ستكسر جمجمته عندما تراه..