الفارس و السمراء (رواية مغربية🇲🇦 مكتملة)

الجزء التاسع ❤

بقلمي:اسماء مكتفي
🍁
🍁
🍁
🍁
🍁
🍁

خرج اسامة من قصرة مرتديا بدلة سوداء و قميص اسود متوجها الى شركته .. دخل اليها بغرور و تكبر كعادته .. موظفة تجري وراءه لإمضاء ورقة ما و آخر يحاول التكلم معه حول تقرير عمل ..

دخل مكتبه و صفع الباب وراءه لا يتحمل أحد فلا زال يحمل كما هائلا من الغضب من ليلة البارحة .. اتصل بكريم ليأتي إليه خلال ثواني ..

اسامة : عطيني عنوان مريم ..

كريم: علاش؟

اسامة بهدوء : بغيتو ...

كريم بتوثر: معارفش فين كتسكن علاش شنو بغيتيها ؟

اسامة بنظرة حادة : انا عارف بلي ديك خيتي ساكنة معاها .. عطيني العنوان باغي غير نهضر معاها ..

كريم: مبقاتش ساكنة معاها .. رجعات هاد الصباح لدارهم مبقاتش غترجع ..

وقف اسامة بغضب و ضرب المكتب بلكمة قوية تمنى لو كانت على وجه صديقه : كفااش رجعات لدارهم؟ انت لي قلتي ليها تهرب يااااك؟

كريم بخوف: لا.. هي لي خافت و هربات صافي شنو بغيتيها الله يعاون..

اسامة بصراخ: الله يعاون؟ واش انت مريض و الله منتفاك معاها ..

كريم بضيق و هو يخرج من مكتب اسامة : بفف دير لي عجبك ماشي سوقي انا ..

اسامة بحدة: فين غادي؟ غادي تبرگگ ليها ياك؟؟

كريم: لا غادي نشوف خدمتي .. انا خرجت هاد السوق.. بيناتكم ..

زفر اسامة بحنق ثم اتصل بالرجل الذي كلفه ان يأتيه بتفاصيل حياتها ..

..... :الو سي أس...

اسامة بضيق : ففف هضر خلاص..

...: عرفت عليها كلشي هاد الصباح جاات لدارهم .. البنت عندها سمعة مزيانة هنا .. باها مات عام هادي .. نمرتها ********06  .....   عندها جوج خوتها .. الكبير  سكايري معروف هنا .. و الصغير عندو 17 لعام كيقرا فالباك .. عايشين بمانضة ديال التقاعد اللي خلا باهم و..

قاطعه اسامة: عاود ليا على خوها الكبير ..

..... : كما قلت ليك مبلي و سكايري و..

قاطعه اسامة : صيفطو للحبس ..

..... : كفاش ؟!

اسامة بغضب: غرقو فالحبس .. نبغي نسمعو فالحبس هاد الليلة مفهوم؟

..... : ا.. مفهوم اسيدي..

اسامة بسخرية : عندها سمعة مزيانة هه ..و شنو كدير مع مريم كدير ليها الرقية .. ابلاتي غتجي طيحي ليا على رجلي كتبكي و ترجاي نرحمك نتي و طاسيلتك ..

**************************

استيقظت هبة بتعب تشتم رائحة الطعام الشهي  .. توجهت الى المطبح لتجد امها تطبخ الاكلة المفضلة لديها ..