قالت لي 👇👀
..
عايزة ألتزم .. أبدأ أزاي !؟
..
أزاي اكون بنت ملتزمة ؟
..
عايزة أقرب من ربنا بس مش عارفة أبدأ منين ونفسي ربنا يرضي عني 😪
..
بصي يا جميلة الموضوع ده حله بسيط جدا بس أنتي ف الاول جددي النية كده بينك وبين ربنا و أوعديه أنك مش هتعملي اي ذنب من الذنوب اللي كنتي بتعمليها ف الأول 😘
..
وخلي بالك جدا إنك وعدتي ربنا مش أي حد يعني لازم توفي بالوعد ده 👌
..
المهم نبدأ بقى كده بأول حاجة 👈 الصلاة 😌
..
بالنسبة للبنات اللي مش بيصلوا مش بتصلوا ليه ؟
..
على فكرة اللي فاضل مش كتير وهتندموا بعدين 🙂
..
وبالنسبة بقى للبنات اللي بتصلي وبتقطع بصي يا جميلة
أنتي عليكي بس تفرشي سجادة صلاة ف ركن صغنن ف اوضتك وهو ده هيبقي المسجد بتاعك وأهم حاجة الخشوع
..
أفتحي الشباك بتاع اوضتك وهيبقى ف هوا وانتي بتصلي أحساس ب راحة كبيرة وكل حاجة حواليكي هادية بجد شعور جميل الله بجد 💛🌿
..
نتوضأ براحة ونتقن ف الوضوء ^^
..
ونقول الدعاء ده بعد الوضوء "هنتشاهد الأول طبعا وبعديها هنقول اللهم أجعلنا من التائبين وأجعلنا من المتطهرين" 😍
..
و الأفضل ننوع ف السور اللي بنقرأها بعد كل ركعة 👍
..
ولو بتصلي بسرعة بطأي شوية وركزي ف كل كلمة بتقوليها وتخيلي نفسك قدام واحدة صحبتك بتحبيها أوي ف طبعا واقفة معاها وبتتكلموا كتير ومركزة معاها بقا طبعا
..
ما بالك بقى ب ربنا اللي خلقك وخلقك كل الناس اللي حواليكي دول ✋
..
وياريت بلاش الكسل يعني تصلي أول ما تسمعي صوت الأذان ع طول ف وقتها كده 😁
..
لأنك لو مصلتيش بعد لما تسمعي الأذان ع طول هتضطري تستني للصلاة اللي بعدها وهنكروت الصلاة ونصليها بسرعة ف صلي ف وقتها أفضل ~..
..
ومننساش طبعا السنن بقى اللي هي ايه 👇
..
الضحي : دي سنة ، وقتها من بعد الشروق بربع ساعة إلى قبل أذان الظهر بربع ساعة وعدد ركعاتعا من اتنين ل تمانية
..
ودي بقا صدقة عن كل مفصل من مفاصلك
..
السنن الرواتب : ركعتين قبل الفجر .. أربع ركعات قبل الظهر .. ركعتين بعد الظهر .. ركعتين بعد المغرب .. ركعتين بعد العشاء 😌🌸
..
ومتكسليش ده هيتبنيلك بيت ف الجنة 😍
..
قيام الليل أو التجهد : هي الصلاة من بعد العشاء لقبل الفجر وعدد ركعتها مفتوح وأقل حاجة ركعتين
..
بتتصلي أزاي دي بقى ؟
ركعتين وتسلمي وبعدين ركعتين وتسلمي و هكذا ..
وبعديها صلاة الوتر ركعة
..
التجهد : هو قيام الليل بس الفرق أن التجهد بيكون بعد النوم يعني بعد العشاء لو نمتي وصحيتي صليتي يبقي دا تهجد
..
ومتنسيش تدعي ف القيام 💗
..
نيجي بقى للقرآن ^^
..
لازم يبقي عندك ورد قرأن ولو صفحة قراءة كل يوم
بس مش عايزين نهجر القرآن ده اللي هينورلك قبرك بأذن الله 😍
..
أذكار الصباح والمساء : حصنوا قلوبكم وأوعوا تكونوا برا الحصن ده 😌💙
..
الاغأني : بالله على قد ما تقدروا قللوا منها لحد ما تمنعوها خالص 🌸
..
وخلى نيتك إنك تركتيها لله وربنا هيعوضك افضل منها يوم القيامة 😌💜
..
خدي القرار م دلوقتي محدش ضامن يعيش كمان 5 ثواني
..
أمسحي كل الأغاني اللي على موبايلك ، ونزلي الساوند عليه أناشيد جميله ف الاول هتستغربيها ويمكن متحبيهاش فى الاول بس بجد هتﻻقيها جميلة وأحسن مليون مرة م الاغاني 😍
بس اسمعوها بدون موسيقي 😌
..
ساعدي الناس : أبسط حاجة ساعدي صحابك خففي عنهم خنقتهم .. أسمعيهم وانصحيهم قوللهم كلام حلو كده اديهم طاقة يكملوا ف الحياة ومتنسيش "الكلمة الطيبة صدقة"
..
و أخر حاجة هقولها متاذيش حد .. وخليكي متسامحة وقلبك نضيف وروحك حلوة 😌🌸
..
"إِنَّكَ مَيٍتُ وَ إِنَهُم مَيِتُونَ" 💔
منقول ~
أنت تقرأ
🌺ذات الخِمار🌺
General Fictionواحدة متبرجة دخلت مع واحدة صحبتها تسمع درس ديني في إحدى المساجد ومن حسن حظها ان الدرس كان عن الحجاب فأصرت على أن ترتدي الحجاب داخل المسجد وأن لا تخرج إلا محجبة وبعد إنتهاء الدرس خرجت وهي تعبر الطريق مع صديقتها خبطتها عربية ماتت! وكأن الله آراد لها...
