🌺ذات الخِمار🌺

بداية الالتزام 💙

لـ كل حد نفسه يلتزم و مش عارف يبتديها إزاى مع ربنا 💙

تابع معايا🚶🏻‍♀️

أولا 🌼
لازم نعرف إن طريق ربنا الوصول ليه مش صعب أبداً ، لكن الثبات هو اللـ محتاج منك مجاهدة نفس وصبر كبير✊🏻💙

ثانيا🌼
الاغاني💔

"الأغاني" لازم تعرف ان مفيش قلب هتجتمع فيه حب الأغاني مع حب القرآن أبدا ، الأغاني اكثر شئ بيُميت القلب ويثقله عن الطاعه ، كون انك لما تحزن او تفرح تجري تشغل اغنيه تتناسب مع مودك وتنسى ان ربنا جعلك في القرآن شفاء لروحك من كل هم وغم ده يعرفك قد إيه الأغاني فعلا بتلهيك عن ربنا ..

خد قرار فورا واحذف كل الأغاني اللي على موبايلك ، ابدأ نزل قرآن عـ فونك لأي شيخ انت ترتاح لصوته .. وكل م تشتاق للأغاني استغفر فوراً وشغل قرآن💙

ثالثا 🌼
الصحبه الصالحه💙
الصُحبه ثم الصُحبه 👭🏻

زي م احنا عارفين وحافظين ان الصاحب ساحب يعني لو صاحبك كويس هيسحبك لطريق الخير ، ولو العكس مهما كنت كويس هتلاقي نفسك بتتجر معاه لطرق انت مش حاببها
عشان متجيش يوم القيامة وتندم "ياويلتى ليتني لم أتخذ فلانا خليلا ، لقد أضلني عن الذكر بعد إذ جاءني وكان الشيطان للإنسان خذولا "  !

فأحسنوا إختيار الصُحبة😌💙

رابعا للبنوتات🌼
الحجاب💙🌟

"الحجاب" الاغلبيه العظمي من البنات محجبات ولكن مفهومهم عن الحجاب خاطئ تماما ..

تلاقي كل فكرتها عن الحجاب انها بس مغطيه شعرها بـ قماش، الحجاب له شروط معينه لازم تحققها وهي :
أن يكون الحجاب ساتراً لجميع البدن ؛ لقوله تعالى : " يدنين عليهن من جلابيبهن ".💙

خامسا 🌼
القرآن 💙

"القرآن" وده بينقسم ل3 حاجات :
1- قراءة
حدد ل نفسك ورد كل يوم عشان متبقاش هاجر للقرآن💙 
2- تفسير
عندك تفسير ابن كثير و الطبري و الجلالين - بجد متعة انك تعرف شويه من اسرار القرآن و كل التفاسير دي موجودة على النت.
3- حفظ
الأحسن انك تحفظ مع حد،في مسجد او دار او مع اصحابك او حتى مع اخواتك عشان تشجعوا بعض و يبقى في التزام .💙

سادسا🌼
الذكر💙

الاذكار المتنوعة زي الخروج من البيت - ركوب المواصلات- دخول و خروج الحمام - بعد الاكل - اذكار الصباح و المساء هنلاقيها في كتاب صغير اسمه "حصن المسلم" بيتباع ف اي مكان و هتلاقيه على النت دا غير الاستغفار ، و الصلاة على النبي عليه الصلاة و السلام: من صلى علي صلاة صلى الله عليه بها عشرا💙
خلي فـ ايدك خاتم تسبيح وفـ اي مكان واي وقت اشغل لسانك بالذكر 💙  (وكمان يبنات  فى تطبيق المسبحه الالكترونية ممكن تثبتوه، فى اوراد ذكر انتى بتحددى عدد كل ذكر  وكمان  بيشجعك تنتهى من كل اذكارك لانه بيبعت تنبية لو انتى نسيتى لكن انتى عودى نفسك بعد مثلا كل صلاة: )
ومتنساش الترديد ورا المؤذن عند كل صلاة ، الي بيتهاون فـ ترديد المؤذن ربنا بيحرمه من سماعه يوم القيامه 💙

سابعا :🌼
روحك 💙

طهر روحك وقلبك من كل شعور سئ، من حسد او غيره او حقد وغيره.
ارضي بما قسمه الله لك تكن اغنى الناس💙

ثامنا 🌼
المعاملات 💙

" المعاملات" دي ناس كتير بتنساها و بتختصر الدين في الصلاة و الصوم بس للأسف ..
ساعد غيرك : تعين الرجل في دابته فتحمله عليها أو ترفع له عليها متاعه صدقة"💙
وإرشادك الرجل في أرض الضلال لك صدقة"💙
وبصرك للرجل الرديء البصر لك صدقة"💙
لو ماشي لقيت ازاز مكسر او قشرة موز شوطها جنب الرصيف،فإماطه الأذى عن الطريق صدقة"💙
الكلمة الطيبة صدقه"💙

تاسعا🌼
اللسان 💙

"اللسان"بلاش زعيق ، فرمل نفسك قبل ماتشتم.
كلنا ممكن نقول كلام مش قاصدينه لكن هنحاول من النهارده نتحكم ف كلامنا سواء قدام الشخص او ف غيبته، خصوصاً البنات، ممكن نتكلم عـ شخص سواء ف غيابه او حضوره بـ شيء يجرحه واحنا مش حسِّين بتيجي كدا ك كلام عادي ، نحاول من النهارده نقلل من الغيبه والنميمة مره ورا مره هنتعود وإياكم من فضيحة شخص
دي حاجة تانيه خالص غير انك تتكلم عليه.
"من ستر مسلماً ستره الله في الدنيا والآخره" او شخص يأتمنك ع سر وتفضحه عقابك عند ربنا كبير،نحاول نكتم كلامنا مره مع مره هتبقي سهله💙

عاشراً 🌼 ..
لو انت مش لاقي صُحبة كويسة اصلح نفسك بـ نفسك اوعي تنتظر حد !💙

محدش هينفعك يوم القيامه
اصلح نفسك وكُن صُحبة صالحة ل غيرك وانتظر الصديق الصالح دا حتي لو هتعد عمرك كله تدور عليه🌟
الدنيا مش هتقف ع صديق انت تقدر لوحدك تمنع نفسك من المعاصي هيبقي صعب عليك لو ف صُحبة ليك مش بتساعدك ع العباده وترك المعاصي بس جاهد نفسك واوعي تتعلم منهم المعاصي خلي ليك شخصية مستقلة عنهم💙

*وأخيراً 🌼..*

*الهدايه والثبات دي نعمه من عند ربنا ل أحب الناس ليه ، سارع ل تحصل عليها " الله يهدي من يشاء إلى صراط مستقيم "🌸*

الدنيا دي ما هي الا اختبار ف يكون اول هدفك الجنه فوق كل أهدافك الدنياويه.
انت كـ مسلم ليك قطعه أرض فـ الجنة ولكن محتاج تبني بيت وسقف وحيطان دا كل بـ العبادات والنوافل✊🏻💙
#مقتبس