🌺ذات الخِمار🌺

مهم. شهر محرم💖💖

⭕ مشروع العبادة في شهر المحرم⭕.

شهر المحرم ، وهو من الأشهر الحرم المعظمة، والعبادة فيها لها فضل، فعشان كده هنحاول نزود من عبادتنا قدر الإمكان عمّا ربنا يكرمنا ويبلغنا رمضان الجاي بإذن الله.
وهنركز على حاجتين بالتحديد إن شاء الله نتزود منهم قدر المستطاع.

1️⃣ مشروع الصيام في هذا الشهر الحرام، وهيبقى على مستويات حسب مقدرة كل واحد فينا.
الأول: صيام داوود عليه السلام، يعني نصوم يوم ونفطر يوم + عاشوراء طبعا.
الثاني: صيام الاثنين والخميس يعني 8 أيام في الشهر + عاشوراء طبعا.
الثالث: صيام ثلاثة أيام من الشهر 13 و 14 و 15 + عاشوراء طبعا.
عاشوراء أساسي لأنه بيكفر ذنوب سنة كاملة.

2️⃣ مشروع ختم القرآن في هذا الشهر الحرام، وبرده هنعمله مستويات حسب مقدرة كل واحد فينا.
الأول: ثلاث ختمات، بمعدل 3 أجزاء في اليوم، الجزء ثلث ساعة تقريبا.
الثاني: ختمتين في الشهر، بمعدل جزئين في اليوم، الجزء ثلث ساعة تقريبا.
الثالث: ختمة واحدة في الشهر ودي أقل حاجة، بمعدل جزء واحد في اليوم، الجزء ثلث ساعة تقريبا.

⭕ العلماء بيقولوا أن ثواب العبادة في الأشهر الحرم بيتضاعف، كما أن المعصية فيها تكون أشد إثما لأن الله عظّمها ونهانا أن نظلم أنفسنا فيها.

⭕ صيام عاشوراء أساسي مينفعش نفوته على أي حال، كفارة سنة كاملة احنا محتاجين والله كلنا حسنات

⭕ عارف أن الجو حر والله بخصوص الصيام وكده واليوم طويل، لكن الأجر على قدر المشقة، يعني على أد ما تتعب تاخد ثواب وأنت تتعامل مع الله الكريم الشكور.
انت الوقتي قادر بس مش عاوز، بكرة هتكون عاوز بس مش قادر.

⭕ دي مجرد اقتراحات، واللي يقدر على حاجة تانية يعملها، إذا فُتح لك في عبادة فالزمها.

- منقول من الشيخ عمرو شاهين.