قيام الليل ..💙"!
بعد ما نزلت بوست القيام دي الأسئله اللي إتكررت
- ايه هو قيام الليل دا ؟
= قيام الليل هو ملاذ الخائفين ، أمل الصابرين ، بيوت قائمين الليل تترآى للملائكة كما تترآى النجوم في السماء إلينا
النبي عليه الصّلاة والسّلام سُئل :
(أيّ الصّلاة أفضل بعد المكتوبة؟ قال: الصلاة جوف الليل)
- طب بيتصلي إمتي ؟
= بيبدأ وقته من بعد صلاه العشاء كده إلي قبل الفجر بخمس دقائق
- عدد ركعاته ؟
= يُصلّي المسلم لقيام اللّيل ما يشاء من عدد الرّكعات حسب قُدرته وطاقته، فلا حدود لعدد ركعاتها
- بيتصلي إزاي ؟
=صلاة قيام اللّيل تُصلّى مَثنى مَثنى؛ يعني ركعتين معًا بتشهّدٍ وتسليمٍ عقِب الرّكعة الثّانية
لقوله عليه الصّلاة والسّلام : (صلاة اللّيل مَثنى مَثنى، فإذا خشي أحدكم الصّبح صلّى ركعةً واحدةً توتر له ما قد صلي )
- عادي امسك المصحف ؟
= بصراحه في النقطه دي اختلف العلماء في قراءة المصلِّي من المصحف أثناء صلاتة بس اة عادي إمسكه ، تتابع ورد ، تتابع ختمة ، وهكذا ..
-طب دلوقت يا إسراء أنا صليت الوتر عادي اصلي قيام بعده !
= اة عادي فإذا أوترت من أول الليل ثم يسر الله لك القيام في آخر الليل فهتصلي ما تيسر من الركعات من دون وتر ، يكفي الوتر الأول
النبي صلى الله عليه وسلم - قال : (لا وتران في ليلة).
- طب إيه هو افضل وقت للقيام ؟
= الثلث الاخير من الليل يعني بعد الساعه 2 كده وانا بفضل الساعه اللي قبل الفجر دي ...
لانه ينزلُ ربُّنا تبارك وتعالى كلَّ ليلةٍ إلى السّماءِ الدّنيا حين يبقى ثلُثُ اللّيلِ الآخِرُ اللي هو من بعد 2 كده فيقولُ : من يدعوني فأستجيبَ له، ومن يسألُني فأُعطِيَه، ومن يستغفرُني فأغفرَ له)
- في دعوة معينه في القيام ؟
= لا بس في حديث طويل خليه بينك وبين ربنا في السجود وفضفض ليه ، الدعوة مش ببلاغتها ونحوها وصرفها الدعوة بصدق خروجها من القلب
-هو فعلا الدعوة فيه مُستجابه ؟
= الدعوة فيه مش بس مستجابه لا دا زي فانوس سحري لكل أحلامك
- طب دلوقت انا عاوز اواظب عليه اعمل ايه ؟
= في البدايه صليه بعد العشاء عشان تتعود وبعد كده أخر الوقت شويه بشويه لحد ما توصل للثلث الأخير وصلي ركعتين مثلا اول يوم وزود عدد الركعات مع الوقت وهكذا ، والأهم من دا كله اطلب من ربنا يساعدك
-هو ينفع اقرأ البقرة بس في كل قيام أصليه ؟
= ينفع بس التنوع أفضل
#إسراء_عاطف
أنت تقرأ
🌺ذات الخِمار🌺
Ficção Geralواحدة متبرجة دخلت مع واحدة صحبتها تسمع درس ديني في إحدى المساجد ومن حسن حظها ان الدرس كان عن الحجاب فأصرت على أن ترتدي الحجاب داخل المسجد وأن لا تخرج إلا محجبة وبعد إنتهاء الدرس خرجت وهي تعبر الطريق مع صديقتها خبطتها عربية ماتت! وكأن الله آراد لها...
