🌺ذات الخِمار🌺

🕊️ رسائل💛

لما تكوني لابسة بنطلون
ومقصرة الطرحة ( ال هو الوضع العادي حاليا الا من رحم الله )
وتلاقي ال حواليكي بيقولولك قمر ,, حلو اووي عليك
اعرفي انك ماشية غلط ... ومصاحبة الناس دي غلط بردو 💔
فلما تقرري تلبسي الحجاب وتبطلي بناطيل وتلاقي اصوات حواليكي بتقولك انتي لسة صغيرة عليه
اوعي تتهزي ولا ترجعي في قرارك 💪
البسيه صح وبقلب جااامد 💙
كفاية ان ربك فرضه عشان يصونك عشان انتي #غالية🌸
ولما تقرري تلبسي الخمار او #النقاب وتلاقي ال حواليكي بيقولولك انتي لسة صغيرة وعيشي حياتك وكدة هتكبري نفسك ومش هتتجوزي ......إلخ
سيبك منهم .... ولا تخلي كلامهم يعدي على ودانك اصلا
كل ال هم خايفين منه ده ارزاق... و ربنا هو موزع الأرزاق 💜
اوعي تتخلي عن حاجة ربنا بيحبها عشان حاااجة دنيوية عشان بجد هتندمي 💔!!!
هيتقالك ياشيخة لمجرد انك بتصلي #الفرض في وقته او لمجرد انك بتقرأي قرآن ...
او حتى عشان لابسة نقاب او خمار .
اجمدي واصبري واحتسبي الأجر عن ربنا ❤️
سلحي نفسك بالدعاء والقرآن والصحبة الصالحة 💜
لو لقيتي أذى من صحابك ..... حاول تنصحيهم ...لو ماستجابوش.. ابعدي عنهم ... اعرفي ان صحبتهم غلط ....ولو فضلتي معاهم هتلاقيكي عاوزة تكوني زيهم 💔
ابعدي وربنا هيعوضك خيرا منهن ...
امسكي في دينك بإيدك وسنانك وبكل كيااااانك واوعي تفرطي فيه ابداااااااااا 🌸

ربنا بيقول أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ
كل ال بتتعرضيله من كلام مؤذي وغيره ده كله اختبار من ربنا عشان يشوف قوتك وهل انتي صادقة ولا لا ؟!!!
الطريق لربنا محفوف #بالشهوات.... مش سهل ...
كله فتن ... لازم نكون أقوياء ..ومش هنكون #أقوياء غير بالله ❤️
وافتكري المؤمن القوي خير وأحب إلى الله من المؤمن الضعيف

وبقول تاني هتسمعي كلام كتير اووي اوعي تقعي عشان " وَكُلُّهُمْ آتِيهِ يَوْمَ الْقِيَامَةِ فَرْدًا "
هتكوني لوحدك...
صحابك ال شيطانك عاوز يوقعك وبيقولك لازم تكوني زيهم مش هيعرفوكي في يوم الحساب ..
صحابك ال بيشجعوكي على اي حاااجة غلط ... ال بيفرحوا لما تقوليلهم انك معجبة بولد ..ومش بس كدة... دول ممكن يخلوكي تحاولي تلفتي انتباهه...

(ماينفعش اصلا يتقال عليهم صحاب 💔) مش هيعرفوكي في قبرك
هتكوني انتي وعملك وبس .. هتتحاسبي لوحدك ✋