خاننا القدر !

البارت الاول

بقلمي / ضوء القمر 💫

‏"نحن مِن دون تدبير الله ركامٌ مِن خيبات متتابعة."
"We are without God's rubble of successive disappointments."

ساعه 6:00 الصبح دك الفون يم راسي رديت بنعاس و اني اعرف هويه المتصل

..... بنعاس : الووو
....: صباح الخير يا حلو يالله صحصح صحصح ترا مشتاقلك موووووووت
..... : هههه بعد وكت على الدوام
...... : مالي علاقه مشتاقلج اليوم اخلص شغل و اجي للكليه اخذج بس كون اختج ما تلزك ويانا
...... و هي تبرطم : يعني تعرف بيها متقبل نطلع وحدنا
..... : الله يزوجها واخلص منها
.....: ههههه عابتلك والله
.....: ديالله حياتي اني وصلت للشغل بس اكمل اجي اخذج ديري بالج على نفسج بنيتي
..... : و انته هم يروحي ممممح جاو
..... : جاوات يا بعد هلي

ويا ما سديت الخط فاتت اختي تنشف بشعرها توه طالعه من الحمام

.... : ي عيني ليش لا ناس مكضيتها حبجيات من الصبح
.... و اني اتمصر ( اتمطه ) : قل أعوذ برب الفلق

ضحكت و شمرت المنشفه عليه كمت اني هم سبحت و رجعت للغرفه لكيت اختي مبدله لابسه بنطرون اسود و قميص سمائي و شال سمائي و ابيض و ترانشوز ابيض اني لبست بنطرون كابوي سمائي فاتح و بيه خط ماروني و قميص ابيض بيه نقاط سود و شال ماروني و ترانشوز اسود نزلنا تريكنا و اجى الخط رحنا للكليه كل وحده منا راحت ل قسمها و بعد يوم متعب من المحاضرات خلصنا و كعدنا بالكافتيريا مال كليه باوعت على اختي

.... : حبيبي الحلو يروحي انتي اموت عليج مممح
.... : بدت اللواكه خير
.... : اني و الكبد نريد نطلع
.... : اوك اروح وياكم
.... : وحدنا بلييييز
..... : لا
.... واني ابرطم : والله ما ينلام من دعى عليج
.... شهكت : شدعى عليه و انتي ساكته يا جلبه
.... : لالا بس كال الله يزوجج ههههه
.... : خوش ماكو طلعه

توه دا احجي اجى الكبد مال اني سلم و كعد و بده المفاوضات على الطلعه كالعاده

خل اعرفكم على نفسي
اني شجن اسمي غريب بس حلو معناه ( العشق الحزين ) عمري 21 سنه مواصفاتي قزومه طولي 150 و وزني 49 بشرتي بيضه و عيوني لون زيتوني و شعري اسود قصير للجتف جسمي حلو مرتب رغم ضعيفه اني كلش مرحه و احب اشاقه بس بنفس الوقت أم دميعه من اقل شي ابجي
المهم عائلتي تتكون من :
بابا حبيبي ( علي ) : عمره 65 سنه موظف متقاعده و عنده مكتبه يكضي بيها وقته كلش حنين علينا و مدللنا
امي العافيه ( ساره ) : عمرها 60 سنه ربه بيت حيل تحبنا و تخاف علينا
اخويه الجبير ( ياسر ) : عمره 29 سنه كلش حباب و حنين خريج كليه طب اطفال و يشتغل ب مستشفى متزوج بس خطيه ما عنده اطفال الخلل منه
اخويه الثاني ( حسن ) : عمره 26 سنه خريج كليه هندسه بس ماكو تعيين يشتغل ب مطعم خاطب و بس يرتب أموره يتزوج
اختي الأكبر مني ( مياسين ) معنى اسمها المتمايله : عمرها 23 سنه كلش شاطره و همها الوحيد الدراسه تشبهني شويه بس هيه اسمن مني و عيونها لونها بني اني وياها علاقتنا حيل قويه و سرنا واحد و دائما تنصحني و تعلمني
و اخيرا آخر العنقود اني