خاننا القدر !

البارت الرابع

بقلمي / ضوء القمر 💫

‏أن تكون قويًا مُتماسكًا، ثمّ تنهار فجأة هكذا،
كطفل نام مُطمئنًا وإستيقظ على حرب.

مياسين بعدم فهم : شصار
شجن : اسلام طلب ايدي للزواج
مياسين بصدمه : شنوووو اسلام انتي صدك تحجين
شجن بدموع : ي اليوم جنا كاعدين و فتح الموضوع ما عرفت شرد عليه عفته و رجعت للبيت كبل 
مياسين : يعني حسب معرفتي ب اسلام هو انسان متفهم احجيله الموضوع و لا تكوليله الي صار برضاج كوليله قشمرني
شجن : تتوقعين يصدك
مياسين : ما ادري بصراحه كله من وراج شكد كتلج لا تامنين زايد نهايه الثقه الزايده مو خوش ماكو فائده هاي تاليها
شجن بدموع : هسه مو وكت عتاب و تانيب شوفيلي حل
مياسين : المشكله اسلام ما يتعيب حتى ترفضيه صلي استخاره و الي كاتبه الله يصير ان شاء الله خير

ضليت ابجي ما اعرف شسوي كمت سبحت و توضيت و صليت استخاره و نمت حلمت حلم مرعب ان اني بغابه و اجه شخص اسحبني من ايدي بالقوه و حبسني بغرفه ظلمه و أصرخ صوتي ميطلع جفلت من النوم على ايد مياسين تمسح على راسي و تسمي بوجهي كعدت و انطتني مي شربت

مياسين : شبيج حبيبي جنت تصرخين بنومج
شجن : حلمت حلم يخوف خايفه مياسين
مياسين : شحلمتي
شجن : حلمت ان اني بغابه تخوف و اجه شخص اخذني غصب و حبسني بغرفه سوده و أصرخ صوتي ميطلع
مياسين : الله يستر اسلام و اهله هنا
شجن : شنووو
مياسين: كومي بدلي و انزلي تصرفي طبيعي اوك حياتي
شجن: اوك الله يستر

كمت بدلت و نزلت سلمت عليهم و كعدت بس بالي مو يمهم يم الحلم يا ترا شنو تفسيره معقوله شي ياذيني ياربي دخيلك اني غلطت و غلطي جبير بس رحمتك وسعت كل شي ارحم قلبي و عقلي حجوا ب موضوع خطوبتي كتلهم افكر وره ما راحوا بيت خالي اهلي كلهم يقنعون بيه لان فعلا اسلام انسان محترم و حباب و كامل من كلشي مثل ما نكول فول مواصفات ضليت كم يوم ما اروح للشغل آخر شي قررت اوافق و شيصير خل يصير و فعلا وافقت و ضليت ادعي ان اسلام يتفهم وضعي و موقفي و تمت الخطوبه ب فتره الخطوبه اكتشفت هواي أشياء حلوه ب اسلام و كل ما احاول احجي وياه بالموضوع اخاف و أتراجع بيوم خابرني اسلام كال راح يجي وره تقريبا ساعه اجه دخلته للاستقبال

اسلام : شلونج يرويحتي
شجن : الحمدلله انته شلونك
اسلام : من شفتج صرت زين
شجن : هههه
اسلام: شنو هاي وراج

التافيت دا اشوف شنو باسني من رقبتي ضربته على صدره على كيف

شجن : شوكت تبطل هاي سوالفك
اسلام : من الحلو يحن عليه و يرحمني
شجن بضحكه : دكعد لعد هسه يجي بابا
اسلام : صار يمريتي

عفته و رحت احضر الضيافه اجت مياسين يمي وكفت تساعدني بس مبين ضايجه من شي

مياسين : حجيتي وياه بموضوعج
شجن : لا احاول هل أيام احجي وياه
مياسين : اوك
شجن : انتي شبيج ضايجه
مياسين : لا ماكو شي هيج موضوع لا تشغلين بالج