بقلمي / ضوء القمر 💫
من يتقبلك وأنت مُنطفئ يستحق كُل الحُب .
خل نشوف جعفوصي 🤦♀️
جعفر من قبل شهر استلمت قضيه صعبه و ادوخ كمت اطلع من الصبح ارجع بالليل الكي شجن نايمه شكد اشتاق الها تعودت على وجودها بحياتي بيوم رجعت من الدوام و بالازدحام صار كدامي محل ذهب اتذكرت حلقتها و اصبعها شلون مزرك من الحلقه نزلت أخذت الها حلقه أكبر رجعت للبيت دورت عليها بالغرفه ماكو نزلت للمطبخ لكيت ياسمين واكفه و مبين متوتره سألتها
جعفر : ياسمين شجن وين
ياسمين ب ارتباك : هااا اااا شجن اااا شسمه احم
جعفر : خلصيني وينها
ياسمين بتوتر : مو مو شجن ماكو
جعفر : شنو شجن ماكو
ياسمين : دورت عليها ماكو توقعتها وياك
ضليت صافن عليها هاي شدتحجي اني يا يوم مطلع شجن وياي
جعفر ب عدم استيعاب : يعني وين راحت
ياسمين بخوف: ما ادري
صرت عصبي نار وين ولت هي اصلا ما تندل شي بالحله ضليت اصيح و اغلط إجه محمد يحاول يهديني بس اني مشتعل إجه يوسف و زاد ناري حطب تخبلت صعدت ل غرفتي ضليت ادخن وين وداها اتصلت على مهدي كتله يراقب يوسف 24 ساعه لحظه ميغيب عنه اني اعلمك شلون تتحداني يوسف و انتي يا شجن حسابج ثكيل وياي سهله مر شهر و يوسف لو نايم لو بالمعرض ويا محمد لو ويا جماعته ماكو جديد تخبلت دورت ب كل الأماكن الي ممكن يوديها اله بس ماكو بيوم جنت كاعد ب مكتبي بالغرفه و صافن على الحلقه افكر بيها معقوله تكون تحب يوسف و هربت على موده ضجت من هل فكره حيل هاي الاثناء اندكت الباب و فات يوسف إجه كعد
يوسف : جايبلك خبر جان المفروض تعرفه من زمان
جعفر : شنو
يوسف : ولو انك ما تستاهل و حرامات المنصب الي راح تصير بيه بس شجن حامل و لذالك اني بعدتها عنك لان خفت على الطفل منك
جعفر ب صدمه : شنووو
يوسف : ي نعم مثل ما سمعت
جعفر بالم: تتوقع ممكن اذي ابني لهاي الدرجه ما عندي قلب
يوسف : بصراحه صرت كلشي اتوقع منك بسبب معاملتك الها شجن ما تستاهل كل الي سويته بيها و لعلمك ترا هي تحبك
جعفر بصدمه : هااا
يوسف : ي تحبك رغم كل الي سويته بيها تحبك و يوميه تسألني عنك و اكولها عرج ميدكك .... يالله اني اروح انام تصبح على خير
عافني و كام باوعت عليه وصل يم الباب
جعفر : يوسف
يوسف و هو يلتاف : نعم
جعفر : رجعها
يوسف : إن شاء الله
عافني و راح ضليت افكر بكلامه معقوله تحبني رغم كلشي تحبني رغم الي سويته بيها كله و فارق العمر و غير و غير تحبني و ليش اجذب على نفسي اني هم احبها و الدليل خوفي عليها و البحث و دكات قلبي من يجي طاريها اتمنى يوسف يرجعها حتى اصلح الي صار ...
الفرگـه مو ضربة قدر ضربة عين ،
چي عندي مثلك چنت كلش محسود ..
***
كولوله لسه روحي ابابهم تتمنه شوفه طوله
كولوله لهسه ترن باذاني سالوفه العشاك بكل فصوله
أنت تقرأ
خاننا القدر !
Romanceعلمتني الرياضيات، أن لكل مجهول قيمة فلا تحتقر أحداً لا تعرفه فبعض الكسور لا تجبر وأن السالب بعد السالب يصبح موجب فلا تفقد الأمل.
