بقلمي / ضوء القمر 💫
يقول من اتبع عقله اصبح بارداً وانا اقول لهم من يتبع قلبه سينكسر دائماً ، لذلك افضل ان اكون بارداً .
خلونا نشوف يوسف 🥺❤
يوسف اليوم رحنا ل بيت اهل شجن و انصدمت من عرفت مياسين الي ماخذه عقلي اخت شجن بس فرحت حيل و استغربت اني حسب ما عرفت عدهم بس شجن بس مو مهم المهم هسه موضوع ارتباطي بيها صار اسهل طلبت ايدها من ابوها و ضل يضحك كال نسالها اول جعفر حيل انحرج و ما قبل نبقى أكثر من طلعنا ترزلت رزاله على الماشي بس تهون لخاطر الي سهرتني ايام رجعنا للحله جنت حيل فرحان بس ما كملت فرحتي عرفنا محمد مختفي وراها إجه اتصال على ياسمين كالوا محمد بالمستشفى رحنا و انصدمنا بكلام الدكتور ياسمين راسا فقدت نقلناها ل غرفه قريبه شجن ضلت يمها جعفر كال يروح يدفع الحساب و يجيب اغراض محمد بقيت بس اني يم غرفته إجه الدكتور مره ثانيه فحصه و طلع مبتسم
الدكتور : الحمدلله المريض صحى
يوسف ب فرحه : صدك دكتور الله يبشرك بالخير اكدر ادخل اشوفه
الدكتور : لمده دقيقتين فقط لان بعده تعبان
يوسف : تمام
دخلت ركض من الفرحه ما مصدك كل خوفي يصير بيه شي على كلام الدكتور الاثول رحت حضنته دفعني انصدمت
محمد : انته منو
انصدمت أكثر من كال انته منو ضليت صافن هسه شدوس بلعت ريكي
يوسف : شبيك محمد اني يوسف اخوك متذكرني
محمد : ما اعرف واحد ب هل اسم
انصدمت أكثر هسه اذا ياسمين تعرف شيصير بيها لا يا الله لا دخيلك طلعت لكيت جعفر جاي
جعفر : ها
يوسف : محمد فاقد الذاكره
جعفر بصدمه : شنووو
يوسف هزيت راسي : ميعرفني ميتذكرني
جعفر عافني و فات ضل يحجي وياه يحاول يذكره بينا بس محمد قافل ميعرفنا إجه الدكتور كال الضغط عليه هسه مو زين طلعنا اني و جعفر واحد يباوع بوجه الثاني جعفر حجى ويا الدكتور
جعفر: دكتور شنو الحل
الدكتور : حاولوا تذكروا بنفسكم بس مو هسه لان بعده تعبان و الضغط عليه ممكن يادي إلى مضاعفات
يوسف : و مرته شلون اذا عرفت مو بعيد تطرح
الدكتور : للأسف ما اكدر افيدكم ب شي بهاي حالته
جعفر : تمام شكرا دكتور
الدكتور : ولو واجبي من رخصتكم
راح الدكتور و ضلينا نطك صفنات باوعت على جعفر
يوسف : هسه شنسوي
جعفر : نكوللهم و الله كريم
يوسف : الله يستر
جعفر : يالله
رحنا للغرفه الي بيها ياسمين و شجن ياسمين كن شافتنا راسا كعدت تمسح بدموعها
ياسمين : محمد شلونه
اني و جعفر باوعنا على بعض بقلق خايفين من رد فعلها رحت كعدت يمها لزمت ايدها
يوسف : لتخافين ياسمين محمد ما بيه شي و حتى كعد بس الدكتور كال لازم يرتاح هسه
ياسمين : لعد ليش وجوهكم مخطوفه
يوسف بتوتر: احم لان يعني ....
جعفر: محمد فاقد الذاكره
شجن : يعني شنو
جعفر : يعني ميذكرنا كلنا
أنت تقرأ
خاننا القدر !
Romanceعلمتني الرياضيات، أن لكل مجهول قيمة فلا تحتقر أحداً لا تعرفه فبعض الكسور لا تجبر وأن السالب بعد السالب يصبح موجب فلا تفقد الأمل.
