خاننا القدر !

البارت الرابع عشر

بقلمي/ ضوء القمر 💫

‏أنا شخص صامت، وتلفوني صامت ومشاعري صامتة، ونظراتي صامتة حتى مصايبي على الصامت

وكف يم مطعم و نزل جاب اكل حطه بحضني

ياسمين : ما اشتهي
محمد : غصب عنج تاكلين شوفي وجهج

ضليت صافنه عليه و هو هم صفن بعدين شغل السياره و تحركنا وصلني للبيت قبل ما انزل باوعت عليه

ياسمين : ما اعرف شلون اشكرك لو ما انته جان هسه اني ضعت شكرا الك

ضل ساكت فتحت الباب قبل ما انزل سحب ايدي التافيت عليه

محمد : اذا تريدين تشكريني ديري بالك على نفسج
ياسمين ب ابتسامه : حاضر

نزلت ما اعرف ليش حسيت ب فرحه من اهتمامه دخلت للبيت لكيت شجن و يقين و شجن بس تبجي و يقين تسكت بيها رحت ركض عليها

ياسمين : شجون شبيج يعمري لج يقين شبيها
يقين : ما ادري من اجت لسه بس تبجي

كنت أقرأ قران عليها شويه هدئت حضنتها و ضليت امسد على شعرها

ياسمين : حياتي شجن بس فهميني شبيج احد تعرضلج احد سوالج شي احجي يعمري
شجن : جعفر
ياسمين : شبيه
شجن بدموع: اخو عمار
ياسمين بصدمه : شنووووو
شجن هزيت راسي : اليوم جعفر كالي و كال اني السبب بموت عمار لو ما اني جان ما اظطر يروح للحله و يسوي حادث ياسمين اني موتت عمار اني السبب

انوب كامت تضرب بروحها شكد انقهرت عليها ضليت اسكت بيها مدري شلون مرت ذيج الليله الله لا يعيدها وراها بيومين عرفت جعفر جاي و مهدد شجن ان توافق تزوجه شجعتها و كلت بلكي الله يهديه عليها وره ما يتزوجها و فعلا تم العقد و جعفر شكله ناوي على شر خفت حيل على شجن بس ما بيدي شي فكرت اكول ل محمد بس خفت تصير مصيبه ....

***
ۿلي مامِش للحِزن رَداد حَتى ﭑرتاح مِن حزني
ۿلي ڪام ﭑلڪلشي يوجعنّي .!

نشوف شجن 🥺

بعد ما فقدت الوعي حسيت وكعت من مكان عالي و تبللت فتحت عيوني ب فزع لكيته شامرني بالبانيو مال الحمام المي ثلج جروحي كامت تصل كمت ابجي باوعت عليه شكد حقير ليش هيج ديسوي بيه جانت بيده جكاره نزل ل مستواي و طفى الجكاره برقبتي صرخت ضربني على حلكي شفتي انشكت كمت ابجي بالزايد جر شعري

جعفر : ربع ساعه و تطلعين حتى ارجعج و ها ممنوع احد يعرف ب زواجنا حاليا مفهوم

ضليت ساكته و ابجي جر شعري حيل و صاح

جعفر : مفهووووم
شجن ب بجي: والله مفهوم مفهوم بس عوفني

دفعني و طلع ركع الباب بالكوه كمت فوك وجع جسمي انوب الوكعه ظهري موتني كمت سبحت بسرعه بس ضليت صافنه شراح البس هدومي تبللت باوعت على الباب معلك البرنص مالته رحت ركض لبسته و طلعت هو كاعد يدخن و مدري شيسوي بالفون رفع راسه من شافني رفع حاجبه حجيت و اني امسح دموعي