بقلمي / ضوء القمر 💫
توقف عن كونك انسان مثالي ، وتمتع بوقاحتك قليلاً .
دا اشوف الفون لكيت عمار حارك الدنيا عليه طلعت برا ركض خابرته دا احجي وياه و فجاءه صرخ و كام يغلط و يسب و صوت ضحك يمه ضليت انادي عليه وره شويه يالله رد
عمار ب الم : ها حبيبي خوما سمعتي شي
شجن بضحكه : كول شنو ما سمعت
عمار : ليش ما سديتي اذانج
شجن : هسه عوفك مني شنو صار وياك
عمار : ماكو شي بس جماعتي ديشاقون وياي
شجن : دير بالك على نفسك منهم حبيبي
عمار : صار يا روحي المهم انتي شخبارج شسويتي اليوم
شجن : كضيتها نايمه من رحت انته و قبل شويه كعدت على نفس السيره بين ياسر و زوزه
عمار : خطيه الله يرزقهم الذريه الصالحه
شجن : امين
عمار: حبيبي اسبوع الجاي اروح ل اهلي ب الحله على مود احجي وياهم بموضوعنا
شجن بتوتر : ها ااا ليش ما تاجلها شويه والله خايفه
عمار : ههه ولج من شنو خايفه راح تصيرين مريتي على سنه الله و رسوله
شجن : اوك يروحي الي تشوفه
عمار : فدوه لهل حلك باجر اشوفج
شجن : إن شاء الله حبيبي يالله يعمري لازم اروح
عمار : اوك حياتي دير بالج على نفسج
شجن : صار يروحي يالله جاو
عمار : جاوات قلبي
سديت الفون و دخلت جوه فرحانه ثاني يوم بدلت لبست بنطرون اسود و تشيرت اسود و فوكاه يلك ماروني و حذاء اسود و ماروني و شال ماروني باوعت على مياسين بعدها نايمه استغربت رحت عليها كعدت يمها جريت الغطا
شجن : حبيبي ميوس شبيج مو دوام اليوم
مياسين بالم : ما اكدر اداوم روحي انتي
شجن : ليش شبيج يروحي
مياسين : عليه الشهريه
شجن : يحياتي سلامتج يالله جاو
مياسين و هي تغطي راسها : جاو
نزلت جوه انتظرت شويه و اجه الخط و طلعت رحت للكليه كملت محاضرات و كعدت بالكافتيريا اتصل بيه عمار كال اني بالكليه كتله اني بالكافتيريا شويه و اجه كعد يمي نزع نظارته
عمار : شلونه الكبد مالي
شجن : تعباااانه و بردانه
عمار : سوده عليه يروحي
باوع يمين و يسار و رجع باوع عليه و غمزلي
عمار : اختج وين
شجن : مريضه
عمار : يارب سهل
شجن بتحذير: عماااار
عمار : قصدي يعني الله يسهل و يكومها بالسلامه
شجن : مممم يالله طلعني
عمار : وين نروح بهل جو مدشوفيها دتمطر
شجن : ما ادري تعبانه و بردانه و نعسانه شوفلي حل
عمار : كومي نروح للشقه مالتي
شجن بتحذير : عمار
عمار : شبيج ليش تفكيرج وصخ نروح نسوي غده ناكل و وراها ارجعج حبيبي شنو متثقين بيه
شجن : طبعا اثق بيك بس مو .....
عمار بغمزه : مو شنو
شجن : احم يعني ما ادري
عمار : يالله كومي لعد
كمنا رحنا للشقه مال عمار مخبوصه خبص انصدمت باوعت على عمار و اشتر على الشقه
شجن : هاي شنو شلون عايش بهل هوسه
عمار : شسوي اتعاجز انظف
شجن : خل انظفها اول و بعدين نسوي اكل
عمار : يالله
نزعت الشال و بديت اعزل و انظف و عمار يساعدني تعبنا بس تونسنا رحنا للمطبخ و كمنا نسوي اكل عمار واكف ورايه التافيت عليه دفعته شويه و ضحكت
شجن : ممكن توخر عاد راح نحترك
عمار : ليش متريديني قريب منج
شجن : لا بس يعني حتى اعرف اشتغل
عمار : ي اشتغلي و انتي بحضني
ضحكت و بسته من خده و رجعت اكمل الاكل و هو يبوس برقبتي دارني عليه و هو خدران و يلهث
عمار بهمس : ولج شسويتي بيه بهذلتي احوالي
شجن بخوف : عمار شبيك
عمار : شجن بعد ما اتحمل
قبل ما احجي كام يبوس بشفايفي بالبدايه خفت بس بعدين تجاوبت وياه و هو تخبل أكثر سحبني للغرفه و ضل يبوس بشفايفي و رقبتي وووو 💏 وووو
ختلت جوه الغطه و ضليت ابجي بدون صوت عمار جان يدخن جر الغطه و انصدم من شافني ابجي راسا حضني و حجى بخوف
عمار : حبيبي شجون شبيج اسف اذا اذيتج يعمري
شجن ب بجي : ليش هيج سويت عمار ليش
عمار : شنو يروحي كله اسبوع الجاي تصيرين خطيبتي و وراها مرتي و وراها ام جهالي
شجن ب بجي قوي : خايفه حيل خايفه تعوفني
عمار : معقوله هيج شجون هاي نضرتج الي لا يعمري لا تخافين مني انتي روحي مستحيل اتخلى عنج
شجن و اني احضنه حيل : احبك عمار
عمار : واني اعشقج و اتنفسج
حضنته حيل و ضليت نايمه على صدره و هو يلعب بشعري و كل شويه يبوسني
عمار : حبيبي باجر اروح ل اهلي و احجي وياهم و على الجمعه نجي نخطبج تمام يروحي
شجن : صدك والله
عمار: وداعت عيونج الحلوه
ضحكت ضل يشاقه وياي بعدين كمنا سبحنا و رجعني للكليه رحت راسا للخط و رجعت للبيت بس خايفه ما ادري ليش اول ما وصلت رحت حجيت كلشي صار ل مياسين و ضلت ترزل بيه و تحجي عليه
مياسين : يعني اعوفج يوم واحد تروحين تصخمين الدنيا
شجن : ما صخمت شي اني و بعدين هو كال يوم الجمعه راح يجي يخطبني
مياسين : و انتي صدكتي اكص ايدي اذا عبرج بعد يا ثوله
شجن : لا راح يجي و يخطبني عمار مو مثل باقي الولد اني واثقه بيه
مياسين : ماشي بس من تنكسر رقبتج لا تجين تونين يمي خوش
مياسين خوفتني بحجيها مرت يومين و عمار لا حس ولا خبر خفت حيل و مياسين تروح و تجي تحجي عليه خابرت عليه جهازه مغلق انوب كمت ارجف اذا اخواني وبابا عرفوا شراح يصير يا ربي دخيلك ضليت ابجي ثالث يوم دوامت و رحت راسا على حسين صديقه سألت عليه ما موجود كالوا ما مداوم صار يومين انوب خفت أكثر معقول صدك اخذ الي يريده و راح طلبت رقمه و اخذته رحت ركض للحدايق الي وره العماده تكون فارغه دائما دخلت الرقم و اتصلت بيه اول مره ما ردت ثاني مره يالله رد
شجن : الووو السلام عليكم حسين اني شجن
حسين بتعب : هلا شجن شلونج
شجن بدموع : مو زينه
حسين بقلق : خير ان شاء الله خوما اكو شي
شجن ب بجي : عمار صار يومين ماكو و جهازه مغلق
حسين بتوتر : هااا اااا شسمه
شجن ب بجي قوي : حسين فدوه كولي وين عمار اذا يمك انطي الفون بس احجي وياه
حسين : شجن يعني ما ادري شلون اكولج بس ....
شجن ب بجي : الله يخليك احجي عاد مو راح اموت من الخوف
حسين : اسم الله عليج بس قوي قلبج شويه تمام
شجن و اني امسح دموعي : تمام احجي عاد
حسين بتوتر : ااا عمار ....
يتتتتبع 😁
يا ترا شنو راح يصير ويا شجن ؟؟
عمار شصار وياه؟؟ وليش اختفى فجاءه ؟؟
متابعه و تصويت حتى تعرفون 👈⭐🥺
العالم لا يراك إلا في مشهدك الأخير.. كواليسك لا تشفع لك أبدًا مهما فعلت....
أنت تقرأ
خاننا القدر !
Romansaعلمتني الرياضيات، أن لكل مجهول قيمة فلا تحتقر أحداً لا تعرفه فبعض الكسور لا تجبر وأن السالب بعد السالب يصبح موجب فلا تفقد الأمل.
