خاننا القدر !

البارت الثاني عشر

بقلمي / ضوء القمر 💫

ما لا يقتلك ، يشوّهك .. التجارب ندوب .

محمد : بس فهميني شبيج ليش هاي الدموع احد تعرضلج
ياسمين ب بجي : مصيبه وكعت على راسي
محمد بقلق : شبيج ياسمين تعالي تعالي خل نروح بمكان هدوء و فهميني شبيج

رحت وياه و اني اشهك ياربي ساعدني وصلنا للكراج فتح سيارته و صعدني و اني ما بطلت بجي انطاني بطل مي شربت شويه هو طلع فونه و اتصل الظاهر جان عنده موعد و لغاه التاف عليه و حجى بهدوء

محمد : ممكن هسه تهدئين و تفهميني شبيج
ياسمين بدموع : بس ممكن تفهمني و تساعدني
محمد بقلق : احجي عاد مو قلقتيني شصاير وياج
ياسمين ب بجي : اكو واحد ديهددني ب صوري
محمد بصدمه : شنووو

ياسمين حجيتله الموضوع كله من الالف للياء ضل صافن عليه فجاءه ضربني راشدي كمت اشهك و هو يسب و يغلط و يضرب بالستيرن مال سياره شغل السياره و تحرك

ياسمين ب دموع و خوف : وين ماخذني
محمد ب عصبيه و صياح: صوتج ما اريد اسمعه فهمتي

سكتت و ضليت ابجي و هو ظل يتصل ب شخص ....

"لا نُريد سوى أن نطمئن، أن يُشَّد على قبضة أيدينا حين نُرخيها تعبًا."

***
لن أنسى المواقف التي هوت بي الى هذا الحد من الهدوء .

خل نشوف حمودي 😁

محمد جنت بالمعرض و اتصل عليه صديقي من أيام الكليه كال تعال نتشاوف مشتاقلك طبعا هو اشتغل معيد بالكليه و اني تركت كلشي و لزمت معارض والدي اتفقنا امر عليه و نطلع نتغده سوه و فعلا رحت للكليه وصلت و بالطريق ل مكتب صديقي شفت بنيه تشبه ياسمين تقربت لا هاي ياسمين بس ليش تبجي رحت عليها حاولت افهم منها شي ما فهمت توقعتها راسبه ب ماده او شي اخذتها و رجعت للسياره اتصلت ب صديقي و كتله صار عندي ظرف غير يوم نتقابل التافيت على ياسمين و حجيت بهدوء

محمد : ممكن هسه تهدئين و تفهميني شبيج
ياسمين بدموع : بس ممكن تفهمني و تساعدني
محمد بقلق : احجي عاد مو قلقتيني شصاير وياج
ياسمين ب بجي : اكو واحد ديهددني ب صوري
محمد بصدمه : شنووو

كامت تحجيلي على علاقتها ب واحد و ان جانت تحبه و لعب عليها انصدمت حيل جنت متوقعها فقيره و ما عدها هاي السوالف كمت اسب و اغلط اريد شي اطلع حركتي بيه اتصلت على ولد صاحبي ظابط و حجيتله الموضوع بس كتله زميله قديمه الي كال تعال للمركز حتى افتهم و فعلا اخذتها و رحت و هي مجلبه بيه مثل الطفل الي يخاف يضيع امه رحت على صاحبي و بدت هي تحجيله الموضوع كله

صاحبي : اسمعي ياسمين باجر تروحين للشقه مالته و اني راح ازرعلج جهاز تصنت و اول ما يحاول يتقرب منج راح نهجم و نلزمه متلبس و هاي اقل شي ياخذ بيها فد سنه اذا مو أكثر
محمد : افرض اتاخرنا
صاحبي : عيب عليك اني راح اضبط كلشي